الموضوع: مشكلة فى السريون حبيبتى

السلام عليكم
الغوث يا اهل المعرفة.. إحنا لسة عاملين صيانة ال 15 و كله تمام... سافرنا بالعربية فى العيد
حصل أثناء السفر بندور العربية غابت بسيط حوالى 20 ثانية كده عقبال الإشتعال و عملت كدة مرة من يجي شهر او اكتر
رجعنا بيها إمبارح و مفيش مشاكل
النهاردة بعد الشغل بندورها فيها رجرة عجيبة كإنها متكهربة!! لو موقفين العربية و هيا دايرة على P ال Rpm عمال يعلى و يوطى خفيف على 1و 1.5!!
فى المشى البطيء 20 او 30 كم الرجرجة محسوسة جدا و بتخف مع الضغط على الفرامل! صوت العربة مش مظبوط خالص.
حد يعرف ده إيه؟ إن شاء الله هانروح التوكيل بكرة الصبح من غير حجز وربنا يستر!
دعواتكم!