ارجو الافادة بخصوص خطوات اثبات موتور استيراد دايو لانوس

**hytham_112** · 22-04-2014 05:12 PM

يا جماعة عاوز اعرف اجراءات اثبات موتور استيراد لدايو لانوس مع ملاحظة الاتى:
- الرخصة حتنتهى 28 ابريل 2014.
- العربية فيها توكيلين وانا معايا عقد مسجل.
- مرور العربية الاساسى القوات المسلحة.
- المرور بتاعى اللى حنقل ليه مرور الدراسة.
- الموتور مركبه من حوالى شهر ونص بس لسه النهاردة واخد رقم الصادر بتاعه.
- كل الورق اللى معايا عبارة عن صورة افراج جمركى + صورة فاتورة ورقم الصادر تم ابلاغى بيه تليفونيا اليوم.
ياريت يا جماعة تنصحونى خطوة خطوة وبدقة لان مفيش ادامى غير يوم السبت الجاى ان شاء الله لانه اجازتى جمعه وسبت والاسبوع اللى بعده الرخصة حتكون انتهت.
فى انتظار الردود للاهمية

**eng.salama93** · 22-04-2014 05:43 PM

في شهر سماح عادي ممكن تروح بيها و هي منتهيه ف خلال الشهر دا

**hytham_112** · 22-04-2014 05:57 PM

المشاركة الأصلية كتبت بواسطة eng.salama93

في شهر سماح عادي ممكن تروح بيها و هي منتهيه ف خلال الشهر دا

انا عاوز افادة بخصوص الخطوات يعنى اللى انا فاهمه الاتى:-
- حروح افحص فى مرورى (الدراسة)
- حشترى دوسيه
- حيتاخد بصمة الموتور الجديد
- حروح مرور العربية اطابق بصمة حلاقيها مختلفة طبعا .......
السؤال هنا هل فى خطوة حعملها وانا فى مرور الدراسة بعد اخد البصمة يعنى ورق حختمه ياكد ان الموتور اتغير قبل ما اروح لمرور العربية؟؟
هل فيه مشكلة ان العربية يكون فيها توكيلين وعقد مسجل باسمى ؟؟؟
مع ملاحظة ان الموتور الجديد ورقه اتعمل باسم صاحبة العربية اللى الرخصة باسمها......

**ah-elgendy** · 22-04-2014 08:02 PM

اللى اقدر افيدك فيه انك لازم يكون معاك فاتوره اصل باسمك ومختومه مش صوره زى ما انت كاتب وتروح مرور الدراسه برقم الصادر تشوف الافراج جه ولا لأ ولو جه تطلع تحوله للمرور اللى انت عاوزه

**hytham_112** · 24-04-2014 12:05 PM

المشاركة الأصلية كتبت بواسطة ah-elgendy

اللى اقدر افيدك فيه انك لازم يكون معاك فاتوره اصل باسمك ومختومه مش صوره زى ما انت كاتب وتروح مرور الدراسه برقم الصادر تشوف الافراج جه ولا لأ ولو جه تطلع تحوله للمرور اللى انت عاوزه

معايا الفاتورة اصل ومختومة بس باسم اللى الرخصة باسمها
وبالفعل روحت امبارح المرور وسالت فى السكرتارية واديتهم رقم الصادر وتاريخه 20/4/2014 قالولى ده ادامه مش اقل من 10 ... 15 يوم على ما ييجى ........ سالت التاجر قالى هو اخره 3 او 4 ايام بالكتير فمش عارف اصدق مين
المشكلة ان الرخصة حتنتهى 28 الشهر ده ومش عارف حمشى ازاى برخصة منتهية