عيب كومبريسور ولا بالف الكنترول و لا بلف الاكسبنشن؟
العربية لانوس 1 انا عندى عدة شحن والعربية معايا من حوالى 5 سنوات ومحاولتش اشغل التكييف بس بعد تشجيع الاخوة فى المنتدى جربت اشحن العربية بالفريون من حوالى اسبوعين شحنت لغاية ضغط 30 psi لماسورة الضغط المنخفض العربية الكلاتش لقط وابتديت الحظ المواسير الضغط المرتفع بتسخن والضغط المنخفض بتسقع جامد فضلت استخدم التكييف لمدة اسبوعين وبقى زى الفل المهم بعد الاسبوعين ركنت العربية حوالى 4 ايام وبشغل التكييف لاقيتة مش بيلقط قولت جايز فية تنفيس اشحن تانى و احاول اعرف التسريب منين وشحنت والاقيت ان الكلاتش لقط لكن للاسف مفيش اى تغيير فى مواسير الضغط العالى او المنخفض يعنى الكلاتش لقط لكن مفيش كبس من الكومبريسور تماما
يا ترى ممكن حد من خباء التكييف يفيدنى اية حصل ؟
هل فالف الاكسبنشن هوة المسئول ولا فالف الكنترول مع العلم ان الكلاتش بيبلقط لكمن مفيش كبس خالص لان المواسير درجة حرارتها لا تتغير مع العلم ان فية ترشيح زيت بسيط جدا فى منتصف جسم
الكومبريسور
لو الفالف بتاع الكنترول او فالف الاكسبنشن هل ممكن الكلاتش يشتغل ويلقط لكن الكومبيسور ميتغطتش ؟
كلام مضبوط يا دكتور بس عاوز تحليل للعيب ممكن يكون فى اى جزء
اقتباس:
المشاركة الأصلية كتبت بواسطة د.أبونضال
اعتقد كان مفروض بعد تعطل التكييف خمس سنوات كامله إنه يتفك ويتنظف قبل شحنه ... أكيد فيه رواسب وزيوت وصدأ سدوا الصمامات
فعلا يا دكتور كلام صح بس انا كنت بختبرة كتجربة هيشتغل ولا لاء لاقيتى اشتغل كويس جدا ووصلة درجة الحرارة فى فتحات التهوية ل -4 تحت الصفر بس بعد كدة حصل اللى حصل ومفيش اى استجابة فى المواسير
