ياجماعة عاوز اغير كبالن ايه افضل نوع موجود بالسوق وسعره كام وهل الكبالن الداخلية موجودة ولا لازم اشترى الكبالن كامل وفيه منه جديد ولا هيكون استيراد.
عرض للطباعة
ياجماعة عاوز اغير كبالن ايه افضل نوع موجود بالسوق وسعره كام وهل الكبالن الداخلية موجودة ولا لازم اشترى الكبالن كامل وفيه منه جديد ولا هيكون استيراد.
بلاش جديد لان كلة مضروب لسة جايب الالمانى وبيطقطقوا. دور على استيراد نضيف
نصيحه بلاش كبالن استيراد ممكن تشتغل اسبوع شهر سنه انت وحظك هات الالمانى انا جبت الاصلى من عند الزقازيقى فى التوفيقيه ونوعه تقريبا sk محفور عليه البلد وشغال معايا ما شاء الله
وياريت تقولنا العيب اللى عندك علشان نعرف كبالن داخليه ولا خارجيه لان الداخليه صعب انها تبوظ
السلام عليكم
انا جبت للعربية من 6 سنوات كبالن للعربية ياباني ماشاء الله عليها تحفة دلوقتي الكوبلن عامل 290. في نوع اوروبي بيقولوا عليه كويس عامل 240 الكوبلن.
انصحك بالياباني لانه ممتاز جدا و هيقعد معاك كتير
الف شكر على الردود هو العيب اللى عندى انى بسمع صوت اكن فى حاجه حديد قفشه (كركره) على السرعات البطيئه وخاصة بعد الغيار اول ما اشيل رجلى من على الدبرياج واحمل بنزين (وهو صوة معدنى غريب) وبيظر اوى عند اول تحرك بالسيارة
واللهى جايب الالمانى ومحفور عليها حفر السنين وحاطط شحمها ومسترخشتش وجيبت شحم موبيل بتلاتين جنيه وبردة طقطقت بعد شهر وروحت للعفشجى قالى ماتخفش دى طقطقة بسيطة ومش هتفرط معاك
شحم ليثيم abro lithium grease
ده مرمى ومرطرط عند بتوع رولمان البلى فى التوفيقية !!!!!!!!!خصوصا على الشارع العمومى امام سنترال رمسيس !!
الموبيل بيحل مع الحراره غير انه بياكل كوتشة الكوبلن وبص عليه بعد متحطه باسبوع حتلاقيه زفت اسود من الحراره
نوع تانى
شحم بترومين سوبر للحرارة العالية>الوصف
تم تصنيع شحم بترومين سوبر للحرارة العالية من زيت أساسي عالي الجودة ومن مكثف غير عضوي وهو يشتمل على معامل لمقاومة درجات الحرارة العالية والصدأ. فهذا الشحم يمتلك خاصية مقاومة الغسيل بالماء ويوفر حماية فعالة ضد الصدأ والتآكل للمعادن الحديدية والغير حديدية.
الاستخدامات
يوصى بإستخدام شحم بترومين سوبر للحرارة العالية للحالات التي تحدث فيها درجات الحرارة العالية المستمرة أو درجات الحرارة العالية المتقطعة. إن أقصى درجة حرارة يستخدم فيها هذا النوع من الشحم للخدمة الممتدة هي 220 درجة مئوية.
كما يوصى أيضاً باستخدام شحم بترومين سوبر للحرارة العالية لكراسي التحميل لأبواب الأفران وكراسي التحميل لعجلات عربات الفرن, وللتشحيم العام الصناعي. كما يمكن استعماله أيضاً في درجة الحرارة المحيطة كما هو الحال بالنسبة لكراسي التحميل ذات العنق الدوار حيث يتطلب الوضع نسبة مقاومة عالية للغسيل بالمياه.
المزايا
عدم ذوبان المادة المكثفة لتميزها بنقطة اسقاط عالية
لا يلين ولا يتسرب من كراسي التحميل المعرضة لدرجات حرارة عالية
يقاوم الغسيل بالماء والبخار وأحوال الرطوبة
المحافظة على تماسكه على الرغم من تغير درجات الحرارة
قابلية جيدة للضخ
غني بالماوليدبيدوم مما يمنح الشحم قدرة على الحمل وتعزيز خصائص درجات الحرارة العالية
منقول
المشكلة طلعت فى الكبالن الداخلية ذى ما كنت شاكك المهم دخت عليها مش موجوده الميكانيكى قالى الكبالن الخارجية كمان خفيفه هات كبالن كمله استيراد احسن المهم لفيت لحد مالقيت حاجه استيراد نضفيه جبت الاثنين (يمين وشمال كامل)ب 450 جم من عند واحد اسمه البورسعيدى بشارع الملكة فيصل والحمد لله المشكلة اتحلت حتى الميكانيكى قالى ان دول احسن من اللى كانوا فى العربية علشان دول على صلايب واللى فى العربية على رومان بيلى علشان كده عمرهم بيبقى اقصر.