سلام عليكم جميعا
انا معايا نيو صنى من اخر شهر 5 -2013
ما اشتكيتشى من حاجه نهائى الا التكييف فى الاول وتم ضبط الفريون وقتها
عند صيانه ال 10 الاف اشتكيت انى بسمع صوت تزييق كده لما اكون واقف وبنزل حد راكب ورا او حد بيركب ورا وانا شادد الهاند بريك - لما بلغت المهندس قالى الفرامل محتاجه تتنظف - بعد ما مشيت لقيت نفس الصوت - واشتيكت فى صيانة ال 15 الف ونفس المهندس قاللى ده صوت تزييق من الكنبه الخلفيه لانك مركب فرش جلد ( طبعا هوا بيستهبل ) لان الفرش متركب بعد ما اشتكيت فى المرة الاولى - المهم ما علينا - طنشت بصراحة

بعد ما مشيت حوالى 1000 كيلو بعد ال 15 الاف بقيت بسمع صوت نحر مع الفرملة فى السرعات الهادية - الصوت اشبه بحديد بيخبط فى بعضه - اشك انه التيل - ومش قادر احكم - واعتقد ان الصوت بيختفى مع السرعات العالية - قلت يمكن يكون تراب بين التيل والطنابر وهتروح مع الغسيل - غسلت العربية فى المغسلة والصوت لسه موجود

انا محتاج رأيكم ومشورتكم - الاصوات دى سببها ايه - ولما اروح التوكيل اعمل معاهم ايه واطلب تغيير ايه.