الموضوع: بوجيهات النوبيرا الاصلية

هل الاصلى اللى جاى مع العربية ngk العادى اللى ب 40 جنيه و لا الايرديوم اللى ب 130 جنيه , و ياريت حد يوضحلى حاجة مش فاهمها , مرة كنت عند محل قطع غيار و جه واحد خد بوجيهات لعربية نوبيرا و بعد ما حاسب صاحب المحل سأله على نوع العربية فقاله انها نوبيرا , صاحب المحل اخد منه البوجيهات اللى كان هياخدهم و اداله غيرهم و قاله ان البوجيهات اللى كان واخدها مش هتنفع للنوبيرا علشان سن البوجيهات رفيع , معلش ياريت حد من الاخوة يفهمنا حكاية سن البوجيهات دى.

استاذنا محمد بك ممدوح , انا موجود فى القاهرة لمدة يومين فقط , ياريت تقولى على مكان اشترى منه البوجيهات ال ngk الارديوم , و ياترى لازم اقول للراجل البارت نمبر اللى ساعتك قلته فى موضوعات اخرى قبل كدة و لا الارديوم كله بارت نمبر واحد ؟ , و ياترى لازم اقول للراجل مقاس 16 مللى و لا هى ما بينزلش منها غير المقاس ده و ياترى مكتوب على العلبة من بره 16 ملى؟ , و اخيرا ياباشا هى العلبة بتكون كرتون زى اللى سعادتك حاطه فى اللوجو بتاعك و لا ممكن شكل العلبة يتغير , و الف شكر لسعادتك.

الف شكر لمحمد بك ممدوح و لجميع الاخوة , لكن نفسى اسأل محمد بك ممدوح ازاى ما اشتراش ال ngk الارديوم قبل كدة , ده سعادتك من اكتر مشجعيه و انا اقتنعت بيه من كتر كلامك عنه , امال سعادتك بتستخدم ايه فى عربيتك؟

عزيزى
خذ المعلومات من هذا الموقع...

http://www.ngk.com/results_app.asp?AAIA=1384556