استفسار عن كماليات سيراتو 2014

**2tsh** · 24-04-2014 12:48 AM

من فضلكم كنت عايز اسأل عن ستائر سيراتو 2014. ..انا متعود علي الفيميه...بس المرة دي عايز اجرب تركيب ستائر...هل فيه حد ركبها تكون جاهزة...ستائر كبس غي البرابريز الخلفي و الزجاج الجانبي يكون ستائر متحركة بس تكون علي اد الازاز و ما هو حل مشكلة اللزق بتاعها سمعت انه كل شوية يفك هل هناك حل لذلك و هل بتسيب اثر في الباب بعد اما تتشال و هل بتدي نفس شكل الفيميه من بره.... حاجة تانية حد ركب سماعات ورا عشان حاسس ان صوت الكاسيت مش قوي اوي صوته ضعيف وهل حد جرب يركب جي ام او صب.. وهل تغيير السماعات بيحسن الصوت ولا المشكلة في الكاسيت نفسه ضعيف... معلش حاجة كمان صوت حزام الامان مزعج فهل استخدام القطعة اللي بتتركب في الكرسي بدل ما اربط حزام الامان تؤثر علي كهربة السيارة نظرا لانها مش حتكون نفس نوع اللي راكب في حزام الامان من حيث النوع و الجودة... وهل اللوك اللي بيتحط علي مسامير الجنط مفيد ولا ملهوش لازمة.... شكرا انا عارف ان اسئلتي كتير.....

**amgomaa** · 24-04-2014 01:00 AM

اللى اقدر اجاوبك عليه الكاسيت احلى حاجه فى العربيه الكاسيت والسماعات

Sent from my GT-S5282 using Forum Runner

**محمد درغام** · 24-04-2014 02:46 AM

اخى الكريم.. فصلت الستائر الكبس و تم تركيبها.. لا تترك اثر و شكلها شيك جدا يمكن افضل من الفيميه.. و لكن.. الرؤيه شبه معدومه ليلا.. و بالنسبه للنهار الرؤيه صعبه جدا و مش مريحه.. فوضعتهم فى شنطة السياره و استخدمهم حسب الحاجه اذا كنت مسافر و معايا حد الشمس مضايقاه يضعها على الشباك بجواره..
بالنسبه للكاسيت و السماعات انا فعلا منسجم بصوتهم حاول بس تضبط الاكواليزر و ستجد النتيجه مرضيه جدا..

**Omar Gamal** · 24-04-2014 03:01 AM

المشاركة الأصلية كتبت بواسطة محمد درغام

اخى الكريم.. فصلت الستائر الكبس و تم تركيبها.. لا تترك اثر و شكلها شيك جدا يمكن افضل من الفيميه.. و لكن.. الرؤيه شبه معدومه ليلا.. و بالنسبه للنهار الرؤيه صعبه جدا و مش مريحه.. فوضعتهم فى شنطة السياره و استخدمهم حسب الحاجه اذا كنت مسافر و معايا حد الشمس مضايقاه يضعها على الشباك بجواره..
بالنسبه للكاسيت و السماعات انا فعلا منسجم بصوتهم حاول بس تضبط الاكواليزر و ستجد النتيجه مرضيه جدا..

معلش ممكن أعرف حضرتك فصلت الستائر فين و بكام؟ عشان الموضوع ده أنا دايخ عليه للعربية دي تحديدا

**Mahmoud/Nabil** · 24-04-2014 04:39 AM

حضرتك الفاميه عملي اكتر من الستائر ... الفاميه الدرجه التانيه لذيذ غير الستاره بتعدم الرويه ... و

**محمد درغام** · 24-04-2014 05:07 AM

انا من الاسكندريه.. فصلتهم عند محل فى عزبة سعد فى سموحه.. التكلفه 180 جنيه... الزجاج الخلفى و الاربع شبابيك.. اعتذر لعدم معرفتى بمحلات الكماليات فى القاهره.. اتمنى من اخوانى فى القاهره افادتك..

**said.d.y** · 24-04-2014 12:36 PM

انا جيتهم جاهزين من التوفيقية ب60 جم الزجاج والبابين الخلفى، بس زى ما اخوانا الفاضل اتكرم وقال مفيش رؤية معاهم خالص تقريباً ، فكتهم وعملت الزجاج الخلفى فيمية افتح درجة، حاجة تانية خالص وافضل بكتير،،،،،،،،،،،،،،،

**said.d.y** · 25-04-2014 08:34 AM

المشاركة الأصلية كتبت بواسطة ahmed redaa

عملته فين وبكام

انا علشان ساكن فى المعادى عملتة عند محل فى صقر قريش ب35جم ، واى محل كماليات قريب من حضرتك يعملهولك وبتختار الدرجة وفى الغالب النوع الشغال بيكون صناعة تايوناى والسعر من 25 :40 اخرة وموش اكتر من كدة ، حسب المحل والمكان.