ابنك راجل ياباشا
وياريته كان داس الباقين تحت العربيه
عرض للطباعة
ابنك راجل ياباشا
وياريته كان داس الباقين تحت العربيه
حمدا لله على سلامة ابن حضرتك والحمد لله انها جت سليمة بس أحييه على تصرفه الإيجابي
وربنا ينتقم من البلطجية
وينتقم من الشرطة اللي مش شايفين شغلهم وخلوا المجرمين دول فجروا وانتشروا ومش فالحين يتشطروا غير على البنات والأطفال وفالحين بس لما حد يروح يبلغ عن عربية اتثبتت يقوله اتفاوض مع الحرامي !!! على أساس انهم شغالين علاقات عامة يعني !!
بس زي ما بعض الإخوة نبه خلي بالك فعلا لأن مش بعيد الشرطة نفسها تبلغ مواصفات وبيانات عربية ابن حضرتك للبلطجية علشان ينتقموا منه لأن البلطجية عاملين deal مع الشرطة دلوقتي وحسبنا الله ونعم الوكيل
دكر وحمد الله على سلامته
وربنا يسترها معانا ومع الجميع
حمد الله على سلامة ابنك
و ياريت كل واحد لاقدر الله يقع فى الموقف ده يتصرف نفس التصرف الشجاع لأن الأشكال دى الموت حلال فيها
حمدلله علي السلامة لابن حضرتك و ياريت تركن العربيه كام يوم علي ما الامور تهدي و بالنسبة للناس اللي داخله تشتم في الشرطه وخلاص ياريت نعرف موقف الشرطه إيه غلط ما الظابط علي حد كلام صاحب المشاركه راح علي طول لمكان الحادث و الناس الحراميه كانت جريت بدل ما الناس اللي داخله تشتم في الشرطه و خلاص ما تحاولو تساعدوهم واللي يشوف غلط إن ما عرفش يمنعه بالحسني يحاول يبلغ عنه الشرطه ما بتشمش علي ضهر إيدها و لا كان مطلوب الشرطه تروح تموت علشان الناس اللي حابه تشمت تمصمص شفايفا و هي شمتانه من جواها و السعاده ماليه وشها . أستغفر الله العظيم
الحمد لله على سلامة ابنك وربنا يسترها مع الجميع
الشرطة اللي حضرتك بتدافع عنها ومتدايق اننا بنهاجمها
انا جبتلهم مكان موبيلي اللي اتسرق عن طريق سطو مسلح اللي كان مشترك فيه مجرمين بسلاح آلي + ان اللي مشغلهم كان ظابط شرطة وهارب دلوقتي .. جبت مكانه من عالنت .. روحت بلغت قالولي روح هاته انت !!! نساعدهم اكتر من كدة ازااي؟ ده انا بديله مكان المجرم على طبق من دهب وهو مكسل يتحرك
نسقف ولا نعمل ايه؟
الشرطة اللي حضرتك بتدافع عنها ومتدايق اننا بنهاجمهاانا جبتلهم مكان موبيلي اللي اتسرق عن طريق سطو مسلح اللي كان مشترك فيه مجرمين بسلاح آلي + ان اللي مشغلهم كان ظابط شرطة وهارب دلوقتي .. جبت مكانه من عالنت
.. روحت بلغت قالولي روح هاته انت !!! نساعدهم اكتر من كدة ازااي؟ ده انا بديله مكان المجرم على طبق من دهب وهو مكسل يتحركنسقف ولا نعمل ايه؟_____________
كويس علشان واحد فاسد علي حد ما حضرتك بتحكي يبقي خلاص و مين فينا مش فاسد ولا ما بيحاولش يهرب من الضرايب ولا ما بيحاولش يمشي عكسي و يقولك هي جت عليا ماعلينا
حضرتك جبت مكان الموبايل علي عيني وراسي بس بص بقي حضرتك أنا كنت محامي كام سنه حضرتك جبت موافقه النيابه علي التتبع و بلغت النيابه و طلعت قرار مش دا الأجراء الصح و لا جبت المكان ورايح تقولهم يا ساده لو الشرطه فيها فساد ما كل مهنه فيها فساد حتي الناس اللي قالولنا إنهم بتوع ربنا ياما طلع فيهم كدابين و من أفسد خلق الله ماعلينا
كل واحد يحاسب نفسه و يعمل اللي عليه
يارب يكون فرم دماغه وجاب أجله
تحية اجلال وتقدير على حسن التصرف
وأسأل الله ان يجعله في ميزان حسناتك انك خلصت الناس من قاطع طريق
حمد الله على السلامة