اللى يشوف برنامج القرموطى على اون تى فى امبارح اللى أتصل بأهل محمود النجار الله يرحمه اللى أتقتل على طريق السخنة قلبه هايوجعة و هايلعن كل مسؤل فى البلد على الحال اللى وصل ليه مستوى ألأمن فى البلد...صاحبه كان بيحكى أنه أستنى ساعتين لغايه لما حد جاله من الشرطة بالصدفه وبدون لاسلكى أو سلاح! و لما كان بيتصل ب 122عشرات المرات لا حياة لمن تنادى...بالله عليك ياللى بتدافع عن أداء الشرطة أبقى اتفرج على الحلقة ديه فى ألأعاده. و من فترة قريبة كان الدكتور و أبنه على الدائرى اللى الحراميه سرقوهم و هما بيموتوا قدام زوجتة.....بالله عليكم لو كان محمود النجار ده ظابط أو حد بيشتغل فى جهه سياديه كان هايتساب ساعتين غرقان فى دمه؟ كان هايتكتب محضر و خلاص و الفاعل مجهول؟...مستوى أداء ألأمن فى مصر سيء سيء الى أبعد حد و بيدار بنفس المنطق اللى بتدار بيه كل وحدة مرور فى مصر...مواطن يبقى مالكش أى حقوق و أكتب محضر و ضيع وقتك وخلاص و أضرب داغك فى الحيط و حقك ضايع..أتمنى ان المسؤلين يفوقوا للأولويات و يطلعوا بسرعة بقرارات تصدر بقوانين فى السرقة بالأكراه و الخطف و أحكام سريعة بالأعدام بحق ألأف البلطجية اللى بيزيدوا كل يوم وبيسرقوا و يقتلوا فى الناس و ألأهم حساب عسير و متابعة لأداء كل مأمور قسم و مدير أمن عن حال ألأمن فى نطاقهم.
المفضلات