محاولة تثبيت فاشلة

**amrdessoky** · 24-04-2014 03:38 PM

السلام عليكم
اليوم 24 الجاري كان ابني رايح شغلة في 6 اكتوبر من خلال طريق الواحات وقبل بنزينة اويل ليبيا بحوالي 2 كيلو الساعة 9 صباحا وجد بعض الاشخاص غالقين الطريق بفروع الشجر واشاروا لة بالوقوف فقام بالكسر اقصي اليمين وهدي سرعتة ولكنة لمح بندقية الية في يد الشخص مخبيها وراء ظهرة فقام بكسر الدركسيون بسارا وقام بدهس السارق مما دفع بالاخرين لاصلاق الرصاص علية الحمد لله هو بخير ولكن رصاصة في الباب الايمن وطبعا كسرت الزجاج الحمد لله توجة عقب ذلك الي كمين شرطة وجدة امام دريم لاند وتم ابلاغهم بالواقعة وقد قام السيد الضابط بالانتقال معة الي محل الواقعة ولم يجدوا اي شخص الا انهم وجدوا جزوع الشجر الملقاة علي الطريق
الحمد لله الحمد لله 100 مرة ولكن انا كتبت البوست دة علشان الناس تاخد بالها خاصة مرتادي هذا الطريق حيث ان علي يسار هذا الطريق المساكن التي تم تخصيصها لسكان الدويقة عقب انهيار منازلهم هناك ( اسف يعني بس الحتة دي فيها حاجات مش مضبوطة ) وبجد الولد ابني طلع جدع في انة دهس الي كان عايز يثبتة

**amrelsaqqa** · 24-04-2014 03:50 PM

حمد لله على السلامة ، ابنك جدع وراجل ابن راجل والله

الكلاب الجبانات دول لو عرفوا انهم هيتدهسوا هيفكروا الف مرة ومرة قبل ما يتعدوا ع الناس

والحمد لله ان ربنا سترها مع ابنك ولم يمسه مكروه
يعنى طلقة في الباب اليمين وكسرت الازاز كمان ! يعنى لولا ستر ربنا كان زمان الموضوع خد منحى تانى تماما لولا ستر ربنا طبعا ولطفه ورحمته ..

بالنسبة لما ابنك رجع مع الشرطة هل وجدوا اي ااثار لجيفة هذا المجرم ، انا كنت اتمنى تتصور وتلف النت كله عشان تبقى عبرة لمن يعتبر

ولكن في النهاية كل اللى اقدر اقولهولك احمدوا ربنا جامد وطلعوا حاجة لله
وحمد لله ع السلامة مرة تانية

**eng.m7md.ali** · 24-04-2014 03:56 PM

الحمد لله ربنا سترها وياريت نخلي بالنا من الحتة دي وحسبي الله ونعم الوكيل في الشرطة

**amrdessoky** · 24-04-2014 03:58 PM

شكرا لحضرتك و الحمد لله 100000000 مرة الواحد بس بيبص ان دة لو حصل مع سيدة او واحد معرفش يتصرف وحضرتك عارف ان المنطقة الصناعية باكتوبر بيرتادها ناس كتير علشان اعمالهم و منهم سيدات
بردة الشرطة رغم عدم تقصيرها الا انها يلزم ان تتواجد في تلك المنطقة

**Elawany13** · 24-04-2014 04:13 PM

ألف حمد الله على السلامة
ومبروك لدهس كلب من كلاب السكك
يارب يكون مات وراح فى داهيه

**Ahmed.Essam** · 24-04-2014 04:16 PM

المشاركة الأصلية كتبت بواسطة eng f3lix

الحمد لله ربنا سترها وياريت نخلي بالنا من الحتة دي وحسبي الله ونعم الوكيل في الشرطة

باشا ملحوظة بس على فكرة البلطجية هما اللي قطعوا الطريق عليه والشرطة هي اللي راحت معاه لمكان الواقعة

وياريت نخلي الدعوة بشكل افضل زي مثلا ربنا يسترها معانا ويصلح حال الشرطة وحسبي الله ونعم الوكيل في البلطجية وقطاع الطرق
بدل ما ندعي دعوة ناخد ذنب بسببها :)
تقبل تحياتي

**S O P H O S** · 24-04-2014 04:20 PM

الحمد الله ان ربنا ستر

**eng.m7md.ali** · 24-04-2014 04:22 PM

المشاركة الأصلية كتبت بواسطة ahmed.essam

باشا ملحوظة بس على فكرة البلطجية هما اللي قطعوا الطريق عليه والشرطة هي اللي راحت معاه لمكان الواقعة

وياريت نخلي الدعوة بشكل افضل زي مثلا ربنا يسترها معانا ويصلح حال الشرطة وحسبي الله ونعم الوكيل في البلطجية وقطاع الطرق
بدل ما ندعي دعوة ناخد ذنب بسببها :)
تقبل تحياتي

اشمعنا النور لما بيقطع بنقول "الله يخربيتك يا مرسي" !!!

اداء الشرطة اللي زي الزفت هو السبب في الحال الزفت ده

**speed_magnum** · 24-04-2014 04:26 PM

بلغه تحياتي

ويا ريت تخفي العربيه الايام دي تمااااما

ويا ريته لا كان بلغ كمين ولا غيره انه خبط حد
ربنا يسترها وما تامنش للشرطه نهائي نصهم شغالين مع الحراميه

-

الموضوع: محاولة تثبيت فاشلة

LinkBack

أدوات الموضوع

عرض

-

-

-

-

-

المواضيع المتشابهه

محاولة تثبيت فاشلة فى شارعنا

قدر الله وما شاء فعل .. محاولة سرقة فاشلة

الحمد لله ...نجاتي من محاولة تثبيت فاشلة!

محاولة تثبيت فاشلة على طريق الاسماعيلية

محاولة تثبيت فاشلة

الكلمات الدلالية لهذا الموضوع

المفضلات

المفضلات

ضوابط المشاركة