السلام عليكم , ياجماعه انا كنت عايز انقل العربيه علي اسمي انا .. لانها بأسم والدي , حد ليه خلفيه اعمل ايه علشان اخليها بأسمي و كدا و ايه الاجراءات ؟
عرض للطباعة
السلام عليكم , ياجماعه انا كنت عايز انقل العربيه علي اسمي انا .. لانها بأسم والدي , حد ليه خلفيه اعمل ايه علشان اخليها بأسمي و كدا و ايه الاجراءات ؟
بسم الله الرحمن الرحيم
اولا الوالد يبعلك العربية بعقد مسجل
ثانيا هتروح المرور تطلع شهادة مخالفات و تفحص و تنقل الملكية
و هتعمل مطابقة لارقام الموتور و الشاسية
كانك بتشتريها من واحد غريب
مظبوط كانك بتشتريها من واحد غريب
يعملك عقد بيع مسجل فى الشهر العقارى
تاخد العقد والرخصة وبطاقتك وتروح المرور
لو انت والوالد نفس امحل اﻻقامة يبقى تمام تروح تفحص وتنقل ملكية على طول
لو المرور مختلف هتروح تفحص فى المرور بتاعك اﻻول وبعدين ترجع المرور اﻻصلى بتاع العربية عشان تطابق بصمة من واقع الدفاتر الى فى المرور مع البصمة الى انت رفعتها على نموذج الفحص وترجع المرور بتاعك تانى وتكمل باقى اﻻجراءات
وبعدين انا عندى رائ تانى بدل ما تنقل ملكية طالما العربية بتاعت الوالد ربنا يخليهولك خلية يعملك توكيل محتواة البيع للنفس وللغير والتجديد و الترخيص وبكدة تقدر تجدد باسم الوالد ولما تحب تنقل باسمك ابقى انقل فى اى وقت بدل لما تروح تدفع للشهر العقارى فلوس للعقد المسجل وبالتوفيق
الخطوات بالترتيب
لو الوالد عاملاك توكيل هتبيع لنفسك بعقد مسجل ... لو مفيش توكيل الوالد يروح معاك الشهر العقاري يعملك عقد بيع مسجل
تروح المرور اللى انت هتنقل ليه الملكية تفحص العربية وتاخد منهم جواب مطابقة بصمة
تروح المرور الاصلي بتاع العربية تعمل مطابقة بصمة وتجيب شهادة مخلفات لو الرخصة سارية لو منتهية هتجيب شهادة بيانات وشهادة مخالفات
ترجع على المرور اللى انت هتنقل ليه بالورق كله وتدفع الرسوم والضريبة والتأمين
وبعد كده هتستلم رخصة مؤقتة لمدة 6 شهور لحد اما ملف عربيتك يجي من المرور القديم للجديد وهتعلق نمر جديدة وتسلم النمر القديمة
لو انتوا الاتنين نفس محل الاقامة نفس المرور اختصر خطوات مطابقة البصمة و الرخصة المؤقتة و نقل المف وتغيير اللوحات
وبالتوفيق