الموضوع: الصين vs الغرب (اوربا وامريكا )

أنا من الناس اللي الصيني مش أوبشن عندي أصلا من الرداءة اللي بشوفها في بعض منتجاتهم اللي مغرقة السوق المصري . طبعا لأن عندنا مفيش رقابة كافية و فية قلة ضمير فأي عك ممكن يدخل البلد و للأسف الناس بتشتري. لكن الواقع ان الصين ممكن تقلد أي حاجة و بدرجة حسب التكلفة يعني ممكن حاجة كويسة لو تكلفتها و بالتالي سعرها يغطي يعني الامر بأيد التاجر اللي بيطلب و يدفع . موضوع المنتجات الصينية المصنعة في الصين اكيد حسب مواصفات البلد اللي هتصدر لها . عشان كدة منشوفش غير اسوأ حاجة عندهم . و فيه حاجة تانية، فيه مصانع ماركات عالمية موجودة في الصين منها مصانع الماني لان الضرائب و التكلفة الكلية عندهم عالية جدا و التصنيع في الصين أرخص لكن لا تسمي منتجات صينية لكن منتج الماني مثلا يصنع في الصين المفروض بمواصفة المنتج الأصلي. أعتقد ان البولو بتتصنع في الصين.و ماركات ادوات رياضية و غيرها. فطبعا لما بلدنا تحط مواصفات و شروط للمنتجات اللي بنستوردها يمكن ساعتها نشوف المنتجات الصينية المحترمة. لكن لا أعتقد ان المنتجات الصيني الأصلية ممكن تصل للمستوي الاوروبي تماما لأن الاوروبي ميعرفش في مصانعه كلمة درجة ثانية أو حاجة فيها عيب ممكن تتباع ارخص.

المشاركة الأصلية كتبت بواسطة ayman20100

كلام جميل
بس ازاي يبقى هما بيصنعوا لماركات عالمية محترمة والعالم كله بيدور ازاي ينتج في الصين وبينتح بكواليتي عالية زي ما قولتي وفي نفس الوقت تستبعدي ان الصين تقدر تنافس وبقوة
الصين انهارده بتستخوذ عى شركات كبرى واسامي عريقة في عالم السيارات مثلاً
مشكلتنا اننا هنا ما عندناش مواصفات جودة محترمة المستورد يبقى ملزم بيها وهو بيستورد من الصين
مشكلتنا احنا مش مشكلة الصين
بالليل هكتب شوية ارقام اقتصادية عن الصين واقولكوا الصين عملت ايه في اخر كام سنة

أنا وضحت ان فيه مصانع لدول اوروبيه منها المانيا و ماركات عالمية فتحت في الصين و ذكرت انها لا تسمي منتجات صينية لكن فقط تصنع (بضم التاء و فتح الصاد) في الصين رغم ان مكتوب عليها made in china. طبعا بادارة البلد الأصلي و تحت إشرافها و ممكن نسبة كبيرة من العاملين من البلد الاصلي يعني مش بجودة صينية و لا حاجة لكن فقط لأن التكاليف في الصين من أرض و طاقة ..الخ..اوفر من لو صنعوا في بلدهم و هذه المنتجات تصدر حتي في البلد الاصلي. مثل اخر غير الصين لأوضح ما أقصد.. مثلا اللوجان ماركة رينو الفرنسية تصنع في مصنع رينو في المغرب و هذا المصنع يصدر لأوروبا اللوجان و ليس معني هذا ان المغرب اصبحت تصنع سيارات خاصة بها و لكنه مصنع ملك رينو بمواصفات رينو . الفرق فقط في الاوبشن المطلوب في اوروبا مثل 2airbags بدل واحد و اعتقد ABS غيرموجود في المصدر لمصر بناءا علي طلب الوكيل المصري لصالح السعر و طبعا الاوتوماتيك نازلة من زمان لكن ذلونا هنا لغاية ما نزلوها مصر اكيد لتسويق المانيوال و اعتقد الوكيل هو السبب.نرجع للصين يعني المصنع الصيني من الالف الي الياء شئ و مصنع تملكه دولة أخري تستخدم ارض الصين كمكان شئ أخر.سياسة كل منهم مختلفة. اتفق مع حضرتك تماما ان مصر لا تضع مواصفات جودة لما نستورده و لهذا كما ذكرت لا نري غير اسوأ المنتجات . يعني حتي المنتج الصيني الاصلي المورد لاوروبا او امريكا او حتي الامارات يختلف تماما عن المورد لمصر.

بالظبط كده كلام حضراتكو مظبوط لو هنقارن المنتجات الصينيه من وجه نظرنا احنا وبالنسبه للمنتج اللى بيدخل مصر يبقى هانظلمهم لان ده عيبنا احنا

لكن الحق يتقال هما جديرين جدا بالثقه والاعتماديه بس بره مش هنا وبينافسو كمان
والدليل على كده ان المصانع العالميه وثقت فيهم وبنوا مصانعهم هناك بغض النظر عن التكلفه القليله بس لو المصنع فى الصين هاياثر على سمعه الشركه استحاله الشركه هاتبنى هناك

ولا ايه؟؟؟؟