الموضوع: طلب عمل قسم جديد خاص بالقيادة الامنه للسيارات وتحذيرات من مخاطر الطرق علي مستوي مصر

ربنا يسلم طريقنا
التخطيط المرورى للطرق و الكبارى فى مصر بجد حاجه مذهله
قمة الإعجاز المتخلف لهندسة و تخطيط الطرق
أضف لذلك كوكتيل المطبات البلدى و الحفر و النقر اللى بتطلع بعشوائية و فجأة و دون مراعاة لأى مواصفات و لا لافتات
و شوية سواقين ميكروباص و نقل و أجرة و تكاتك فاكرين إن الشارع ملك أهاليهم و إحنا متطفلين عليهم
و غياب مرورى, و إن وجد يفرض سطوته على أصحاب الملاكى و يتجنب عفاريت الأسفلت و بلطجية الطرق (تكاتك-نقل-ميكروباص)
كل ده يخلينا فى معارك حربية طاحنه كل ما تحاول تركب عربيتك و طبعاً لكل حرب ضحايا, ربنا يسلمنا جميعاً و يحفظنا
و الله لولا ستر الله, مهما كانت خبرة السائق و عوامل الأمان, يبقى ستر الله وحده هو المنجى من المهالك.

وازاي لازم نبعد عن عربية اسمها لادا والعربيات القديمة التي تتسبب دائما في حوادث

قد يكون كلامك صح, بس دى منظومة إقتصادية بحته
يعنى اللى بيركب لادا و لا 31 و لا 28 و راشه دواخل و خوارج وكلاها البارومه مش علشان هو بخيل مثلاً
علشان (ما فى اليد حيله) و أكيد نفسه يركب مرسيدس موديل السنه , و دى مش هتقدر تقرب جنبها, على الأقل فى الظروف الإقتصادية الحاليه للبلد و الأسعار الحالية لكل شئ.

المشاركة الأصلية كتبت بواسطة engahmedsayed

احيك على شعلة الحماس
اولا كافكرة تستحق كل تقدير و احترام
ولابد المناقشة داخل الصرح العظيم دة
و انا اؤيدك مش كلام لا فعل
و هرسل رسالة لرئيس مجلس الادارة بالموضوع
و ربنا يقدرنا على فعل الخير

و اهلا بيك يا هندسة فى المنتدى الجميل

تحياتى بالتوفيق للجميع
م / احمد سيد
منسق قسم سكودا

ربنا يقدرنا يا هندسة ونحس ان احنا عملنا حاجه في البلد دي

المشاركة الأصلية كتبت بواسطة zing0

ربنا يسلم طريقنا
التخطيط المرورى للطرق و الكبارى فى مصر بجد حاجه مذهله
قمة الإعجاز المتخلف لهندسة و تخطيط الطرق
أضف لذلك كوكتيل المطبات البلدى و الحفر و النقر اللى بتطلع بعشوائية و فجأة و دون مراعاة لأى مواصفات و لا لافتات
و شوية سواقين ميكروباص و نقل و أجرة و تكاتك فاكرين إن الشارع ملك أهاليهم و إحنا متطفلين عليهم
و غياب مرورى, و إن وجد يفرض سطوته على أصحاب الملاكى و يتجنب عفاريت الأسفلت و بلطجية الطرق (تكاتك-نقل-ميكروباص)
كل ده يخلينا فى معارك حربية طاحنه كل ما تحاول تركب عربيتك و طبعاً لكل حرب ضحايا, ربنا يسلمنا جميعاً و يحفظنا
و الله لولا ستر الله, مهما كانت خبرة السائق و عوامل الأمان, يبقى ستر الله وحده هو المنجى من المهالك.

.

سبحان الله انا اول امبارح شوفت مشهد اسطوري والله ملحقتش اصوره للاسف

حقيقي والله اسطوري بمعني الكلمه

حفار واقف بيخرم ولا بيهد جزء من كوبري القباري علي الطريق الدولي في اسكندرية

وسبحان الله الطريق مفتوح عادي والعربيات بتعدي من تحت الكوبري والحفر فوقيها بالظبط

عاوز اقولك ان الهدم كان علي حامل الكوبري المجاور للسيارات مباشرة وكمان الحفار واقف فوق الكوبري

والتكسير بيوقع عادي جنب العربيات والغبار مغرق الطريق

ياريت لو حد شاف المشهد ده يأكده عشان انا لحد دلوقتي حاسس اني بحلم وبهلوس

المشاركة الأصلية كتبت بواسطة zing0

قد يكون كلامك صح, بس دى منظومة إقتصادية بحته
يعنى اللى بيركب لادا و لا 31 و لا 28 و راشه دواخل و خوارج وكلاها البارومه مش علشان هو بخيل مثلاً
علشان (ما فى اليد حيله) و أكيد نفسه يركب مرسيدس موديل السنه , و دى مش هتقدر تقرب جنبها, على الأقل فى الظروف الإقتصادية الحاليه للبلد و الأسعار الحالية لكل شئ.

اه معلش انا يمكن كلامي مكنش واضح

في ناس كتير ممكن تعمل مشوارها بمواصلات بدل العربيات دي

لو اغلب ملاك السيارة دي يستعملوها فقط داخل المدينة يبقي اكرم واكثر امنا ليهم وارحم للطرق السريعة

هل من مجيب؟!!!