الموضوع: حد يعرف ازاى اعرف البطيخة حمرة ولا قرعة؟؟من غير فتى كتير

جرب بقى والتالته تابته

المشاركة الأصلية كتبت بواسطة sakr1964

البطيخة تعرف من عنقها لو غليظ ومكانه كبير وواضح به خلايا حيا يبقى قرعة لو العنق رفيع ومكانه دامر يبقى حمرا***

طيب شيلها على راسك وبايدك اضغط عليه لو سمعت سوف فش فش فش يبقى حمرا لو مسمعتش يبقى قرعة*

يالا انزل اشتري بطيخة وطمنى**

طيب الله يكرمك ممكن شرح مع الصور الواحد مش فلاح وميعرفش الفرق بين الصرة من العنق اصلا !!!!!!

الفكهانية ولاد الاية بيعرفوها وساعات بيتحدونى كمان ويطلع اللى مختارها كانت الصح

يارب افهم الحتة دى وحد يشرحلنا بصور

أنا من عشاق البطيخ .. وابني طلع زيي ونزلني من البيت امبارح الساعة 2 بالليل علشان أشتري له بطيخة وأنا عارف إن صعب تلاقي بطيخة مسكره دلوقتي لأن الشمس هي اللي بتسوي البطيخ لكن اشتريت له واحده وطلعت متوسطة ...... لا شك إنه لازم عنق البطيخة يكون جاف ومائل للون البني لكن أنا شخصيا بعتمد طريقة الضغط على القشره بصباعي لو طرية وبتاخد وتدي تبقى رقيقة وده معناه إن البطيخة مستوية ، لو صلبه ده معناه إنها متوسطة النضج أو غير ناضجة بالمره فببعد عنها، ولازم يكون خضارها داكن جدا والجزء الابيض إللي فيها مائل للصفره وليس مائلا للخضره ... ولازم يكون وزنها ثقيل دليل على امتلائها بالماء ، وده بيتعرف برده عن طريق التخبيط عليها والصوت يطلع مكتوم ... وآخر الموسم باعمل كده علشان أعرف مخوخة ولا ممتلئة ، مع إن المخوخ بيكون لذيذ جدا.... ولازم تكون القشره لامعة ... وبالمناسبه أنا سمعت تاجر بطيخ مره بيقول إن البطيخ بيتعرف من القشره ومن ساعتها وأنا باعتمد الطريقة دي والحمد لله عمري ما اشتريت بطيخة قرعه ..ممكن تكون ماسخة شوية أو مش مرمله.... كمان الأحجام المتوسطة يعني +5 غالبا بتكون ناضجة لأنها بتكون ناتجه عن نباتات مزروعه مبكرا فأخذت وقتها في النضج ... تحياتي وبالهنا والشفا