مساعدة من فضلكم

**Mohamed_Negm** · 24-04-2014 10:32 PM

انا متابع المنتدى من زمان بس لسه مسجل الناهردة و عندى سؤال لو سمحتم
انا والدى كان اشترى عربية لانوس من حوالى 3 سنين و الرخص بتاعتها منتهية بقالها حوالى سنة و نص او سنتين بس مجددهاش علشان كان مسافر و محدش غيره بيسوق عندنا و انا دلوقى طلعت الرخص بتاعتى و عايزين نجدد رخص العربية و فى ناس قالولى ان العربية كده مش هتترخص علشان عدى عليها كتير فهل ده صحيح ؟ و لو ده صح احنا نعمل ايه علشان نرخص العربية تانى و هتتكلف كام
شكرا مقدما

**maheralsisi** · 24-04-2014 10:41 PM

ماعرفش هاتتكلف كام
بس بتتجدد عادى هاتجيب شهادة بيانات للعربية و شهادة مخالفات و تدفع ضريبة و تأمين السنتين اللى انت ما جددتش العربية فيهم و تأمين و ضريبة السنة الجديدة او السنتين او التلاتة زى مانت عاوز و تفحص من الاول
و طبعا لو انت اللى هاتعمل الكلام ده يبقى معاك توكيل من المالك بالتعامل مع المرور

**samaty** · 24-04-2014 10:51 PM

لا عادي هتترخص
إنت بس لو معاك توكيل من الوالد هتروح المرور التابع ليه العربية وهتدفع ضرايب المدة اللي فاتت وعليها 33% ( عقاب ليك علشان ما تتكررهاش) وتبدأ إجراءات الترخيص كأنك بتجدد رخصة
لو مفيش معاك توكيل يبقى السيد الوالد هيتفضل بالقيام بكل ده