مشكلة في الكربراتير - مطلوب متخصص كربراتيرات في المنصورة

السلام عليكم ورحمة الله

أولا أشكر أستاذ صبحي على متابعته واهتمامه خصوصا بعد ما طلب مني أفتح الموضوع في القسم بعد ما كنت فتحته في قسم الورشة وملقتش تفاعل للأسف

المشكلة باختصار إن العربية كل فترة ألاقيها بتبطل مني مع كل تهدية على مطب أو في الزحمةن باختصار كل ما اشيل رجلي من على البنزين تبطل.
وكل ما كانت بتعمل معايا كده كنت أوديها لميكانيكي ينضف الكربراتير ويظبط السلانسيه ومتكملش أسبوع أو أسبوعين وترجع نفس المشكلة تاني.
آخر مرة الميكانيكي فك الكربراتير برة العربية خالص وقعد يشتغل فيه ومعرفش يظبط العربية غير لما على السلانسيه جدا وفي الآخر قالي الكربراتير ده مش هيتظبط ولازم يتغير.
طبعا أنا مش عاوز أغير الكربراتير غير لما أعمل محاولة أخيرة عند حد يكون متخصص كربراتيرات عشان مبقاش غيرت الكربراتير بسبب حاجة ممكن تطلع بسيطة.

معلش طولت عليكم
وألف شكر مرة تانية للأستاذ صبحي المحترم :)

اقتباس:

---

المشاركة الأصلية كتبت بواسطة Yass1986

السلام عليكم ورحمة الله

أولا أشكر أستاذ صبحي على متابعته واهتمامه خصوصا بعد ما طلب مني أفتح الموضوع في القسم بعد ما كنت فتحته في قسم الورشة وملقتش تفاعل للأسف

المشكلة باختصار إن العربية كل فترة ألاقيها بتبطل مني مع كل تهدية على مطب أو في الزحمةن باختصار كل ما اشيل رجلي من على البنزين تبطل.
وكل ما كانت بتعمل معايا كده كنت أوديها لميكانيكي ينضف الكربراتير ويظبط السلانسيه ومتكملش أسبوع أو أسبوعين وترجع نفس المشكلة تاني.
آخر مرة الميكانيكي فك الكربراتير برة العربية خالص وقعد يشتغل فيه ومعرفش يظبط العربية غير لما على السلانسيه جدا وفي الآخر قالي الكربراتير ده مش هيتظبط ولازم يتغير.
طبعا أنا مش عاوز أغير الكربراتير غير لما أعمل محاولة أخيرة عند حد يكون متخصص كربراتيرات عشان مبقاش غيرت الكربراتير بسبب حاجة ممكن تطلع بسيطة.

معلش طولت عليكم
وألف شكر مرة تانية للأستاذ صبحي المحترم :)

---

وعليكم السلام ورحمة الله وبركاته

اهو كدا نورت القسم ياراجل وعلى فكرة انتا كان عنك حق تكتب موضوع فى الورشة لأن كان فى واحد ابن حلال جايب الكلب معاه ورابطة على باب القسم اطمئن انا وقفته وطردنا الكلب خلاص**
بخصوص موضوعك ان ادلك على متخصص فى المنصورة انتا عارف انا من الاسماعيلية فمش حقد اساعدك لاكن ممكن اى من الاعضاء يفيدك**

وعلى فكرا احنا هنا بنساعد الزملاء فى حل مشاكلهم بانفسهم وعلى العموم انا حبعتك تبص على درسين اللى فى الروابط بص عليهم وبعدين نتكلم وعاوزك تكون شجاع قوى قلبك والموضوع كل بسيط حنعلمك تفك الكاربرتير احسن من اى متخصص**

http://www.nilemotors.net/Nile/339710-a.html

http://www.nilemotors.net/Nile/328852-a.html

اقتباس:

---

المشاركة الأصلية كتبت بواسطة sakr1964

وعليكم السلام ورحمة الله وبركاته

اهو كدا نورت القسم ياراجل وعلى فكرة انتا كان عنك حق تكتب موضوع فى الورشة لأن كان فى واحد ابن حلال جايب الكلب معاه ورابطة على باب القسم اطمئن انا وقفته وطردنا الكلب خلاص**
بخصوص موضوعك ان ادلك على متخصص فى المنصورة انتا عارف انا من الاسماعيلية فمش حقد اساعدك لاكن ممكن اى من الاعضاء يفيدك**

وعلى فكرا احنا هنا بنساعد الزملاء فى حل مشاكلهم بانفسهم وعلى العموم انا حبعتك تبص على درسين اللى فى الروابط بص عليهم وبعدين نتكلم وعاوزك تكون شجاع قوى قلبك والموضوع كل بسيط حنعلمك تفك الكاربرتير احسن من اى متخصص**

http://www.nilemotors.net/nile/339710-a.html

http://www.nilemotors.net/nile/328852-a.html

---

ألف شكر مرة تانية يا عم صبحي :)

بس الحقيقة موضوع إني أشتغل في الكربراتير بنفسي معتقدش إني عندي جرأة كافية أعمله خصوصا بعد ما أكثر من ميكانيكي معرفش يظبطه

مرة تانية شكرا لحضرتك على مجهودك واهتمامك وأدعو الله إنه يجعله في ميزان حسناتك.

وأتمنى أي عضو محترم يعرف متخصص كربراتيرات في المنصورة أو الزقازيق يديني خبر
ولا أراكم الله مكروها في كربراتيراتكم

طيب انا برضو حا احاول اساعدك وابحث فى قائمة الاعضا على اى احد من المنصورة او الزقازيق***

السلام عليكم
أولا أدخل على الرابط ده هيفيدك
http://www.nilemotors.net/Nile/406929-a.html

ثانيا
المتخصص موجود فى شارع الحسينيه على طريق الكورنيش بعد كوبرى طلخا هتخطى بنك مصر وتدخل يميين وصولا للباركينج
هتركن وتدخل للمحل وهو مشهور هناك أسمه القصبى وهو غالى شويتييييين بس شاطر

ثالثا
أجيبلك الزتونه
أى كاربراتيير فى مصر طالما اتفك صعب جدا على صنايعى مصرى أن يرجعه لحاله الفابريكه
وهيقوله مخرطه ولا أكس وبلف أنسى أدخل ياباشا على الستيراد
هتلاقى الفرق بيين تكلفه التصلييح والجدييد (أستيرراد)
فرق قليل
اشترييه وركبه عند صنايعى نضيييف وهتاخد منه أحلى شغل
وايااك وتفك الجدييد يبقى باظ
هيقرفك فى الأول لحد ما يسلك
هات منظف كاربراتير وأديله على دماغه هيظبط معالك
وكرر العمليه دى كل أسبوع لحد ما ينضف من جوه
وحلال عليك المعلومتيييين

شكرا جزيلا لعم صبحي وأستاذ وائل
طيب أنا لما قريت موضوعك بصراحة يا أستاذ وائل احترت أكتر
يعني آخدها من قاصرها واشتري استيراد وخلاص؟ إيه رأيك يا عم صبحي؟

اقتباس:

---

المشاركة الأصلية كتبت بواسطة yass1986

شكرا جزيلا لعم صبحي وأستاذ وائل
طيب أنا لما قريت موضوعك بصراحة يا أستاذ وائل احترت أكتر
يعني آخدها من قاصرها واشتري استيراد وخلاص؟ إيه رأيك يا عم صبحي؟

---

بصراحة كل واحد ليه رئى يحترم فابالنسبة لموضوع تشترى استيراد او تصلح اللى عندك اولا انا مشفتش اللى عندك ومعرفش اسباب المشكلة بالتفصيل ثم احنا بنفك الكاربرتير مسمار مسمار وبنضفة وبنرجع نركبة وبيرجع زيرو وزى الفل**

قمت اليوم بفك الكاربرتار و كان موضوع سهل جدا مخدش نصف ساعة
مش عارف العربية كانت ماشية ازاى بالكربراتير دة يعنى هباب هباب و محتاج نظافة جامدة جدا
و لى سؤال الجوان الى متعلم بالأحمر دة اسمه ايه و هل هو متوفر ام ممكن استعمل سليكون جوانات :U_thin1[1]:
انا وضعت السؤال هنا حتى اشجع غيرى :tumb: و ليستفيد ايضا صاحب الموضوع:36_1_58[1]:

http://nileup.com/up/uploads/nilemotors_13984394061.jpg

اقتباس:

---

المشاركة الأصلية كتبت بواسطة abasabnfernas

قمت اليوم بفك الكاربرتار و كان موضوع سهل جدا مخدش نصف ساعة
مش عارف العربية كانت ماشية ازاى بالكربراتير دة يعنى هباب هباب و محتاج نظافة جامدة جدا
و لى سؤال الجوان الى متعلم بالأحمر دة اسمه ايه و هل هو متوفر ام ممكن استعمل سليكون جوانات :u_thin1[1]:
انا وضعت السؤال هنا حتى اشجع غيرى :tumb: و ليستفيد ايضا صاحب الموضوع:36_1_58[1]:

http://nileup.com/up/uploads/nilemotors_13984394061.jpg

---

الله ينور هو دا الشغل الصح::

بالنسبة للجوان دا بيجى مع قاعدة الكاربتير وعادة مش بيتباع لوحدة لتفاهتة وبيتعمل عادى جد باى ورق مقوى وبلاش سيلكون خالص فى الكاربرتير بلاش خلاص بلااااااااااااااااااااااا اش **

هات قطعة من الورق المقوى وضعها على القاعدة وباى حاجة تدقة على احرص القاعدة من الخارجر تطلع معاك الفورمة وبالدق الخفيف على حواف القاعدة من الداخل يتم التفريغ واتوكل على الله وركب بدون اى سيلكون او اى شيئ آخر*

**

اللى انا عاوزك تخلى بالك منه جوان الحوض ودا لازم يتغير لأنه لايصلح اعادة تركيبة زى جوان وش السلندر وبيتباع عادة وثمنه 5 جنيهات دا اللى بيبقى فاصل بين جزئي الكاربرتير

شكرا مرة تانية يا جماعة
إن شاء الله هخلي موضوع الاستيراد ده آخر حل وهعمل محاولة أخيرة وأقولكم النتيجة إن شاء الله

اعمل محاولة فالكربراتير نفع كان بها منفعش يبقى هات استيراد واعتقد ان اللى عندك محتاج ظبط هوا وبنزين ومحدش عرف يظبطه

هذا هو الكربرتير نصفين بعد التنظيف بعلبة منظف كربرهات واحدة و طبعا واضح الفرق عن الأول:tumb: فرق رهيب أستغرق منى حوالى 2 ساعة :fun_36_3_4[1]: لأنه كان قذر جدا و محتاج علبة اخرى و ارجعة زيرو تانى
ارجوا من يستخدم هذا المنظف ان يلبس نظارة واقية لأنه خطر عل العين و الجلد
سؤال بقة الفتحات1 و2 هل الأثنين بهم اخرام ام الأخرام فى فتحة واحدة فقط.
و اين ينصح بالنفخ بالهواء:U_thin1[1]:
http://nileup.com/up/uploads/nilemotors_13985047771.jpg

اللة ينور عليك انا بردة اتشجعت وفكيت الكربراتير ونضفتة وظبت السلانسية وكلة بفضل عم صبحى والسادة الاعضاء ووفرت 120جنية

مسمار السلانسيه بيركز على على اكس الاتش توك يعني لو الاكس رايح مش هتعرف تظبت السلانسيه لو لقيت في مشكلة ثبته بأمير وطفية سجائر

اقتباس:

---

المشاركة الأصلية كتبت بواسطة abasabnfernas

هذا هو الكربرتير نصفين بعد التنظيف بعلبة منظف كربرهات واحدة و طبعا واضح الفرق عن الأول:tumb: فرق رهيب أستغرق منى حوالى 2 ساعة :fun_36_3_4[1]: لأنه كان قذر جدا و محتاج علبة اخرى و ارجعة زيرو تانى
ارجوا من يستخدم هذا المنظف ان يلبس نظارة واقية لأنه خطر عل العين و الجلد
سؤال بقة الفتحات1 و2 هل الأثنين بهم اخرام ام الأخرام فى فتحة واحدة فقط.
و اين ينصح بالنفخ بالهواء:u_thin1[1]:
http://nileup.com/up/uploads/nilemotors_13985047771.jpg

---

الفتحتين احداهما لدخول الهواء والثانية للحقن بالبنزين وبلاش هواء ما دمت حتفك البكات هواء وبنزين ونضفهم لوحدهم وارج ركبهم وممكن بسك رفيع صلب تسلك الفتحات والبكات (فاكر ابة وابور الجاز)؟؟؟؟؟؟؟

اقتباس:

---

الفتحتين احداهما لدخول الهواء والثانية للحقن بالبنزين

---

أنا عندى فى الفتحتين واحدة بها ثقب (1) و الفتحة الأخرى(2) ليس بها ثقب ما الحل

اقتباس:

---

المشاركة الأصلية كتبت بواسطة abasabnfernas

أنا عندى فى الفتحتين واحدة بها ثقب (1) و الفتحة الأخرى(2) ليس بها ثقب ما الحل

---

عادى وايه المشكلة مهو كدا الصح الفتحة اللى فيها ثقب واحد دى البوابة الثانية اللى بتفتح بعد ال 80 كيلو الفتحة اللى فيها ثقبين هيا دى البوابة الاولى التى دائما مفتوحة وبها مر الهواء الى غرفة الحريق والثانى للبنزين مهو مش من المعقول ان يكون فيه ثقبين هواء واحد فقط يكفى***

غدا بأذن الله سأقوم بأعادة تركيب الكارباراتير مرة أخرى بعد أن نظفته نظافة الزيرو :tumb:
فقط اريد ان أتأكد هل الخراطيم راكبة كدة صح لأنها أنسلتت منى و لا اتذكر جيدا مكانها و أعتقد أنها فى مكانها المظبوط لاكن زيادة التأكيد لن تضر و أتمنى أن تسير الأمور على ما يرام و شاكر لكم حسن تعاونكم :satelite: :B4_007:
http://nileup.com/up/uploads/nilemotors_13989697151.jpg

قمت بتركيب الكاربراتير بعد أن تم تنظيفه بثلاث علب منظف كارباراتير نظافة الزيرو :fun_36_3_4[1]: و كذلك قمت بتنظيف جميع البكات,أستغرق فكه نصف ساعة و تنظيفة ثلاث ساعات أم تركيبه فأستغرق ساعة لأن جوان القاعدة القديم كان لاظق جامد جدا و هذه بعض الصور لأنصاص الكارباراتير من عدة زوايا حتى يتعرف عليه جيدا جميع الأعضاء
http://nileup.com/up/uploads/nilemotors_13991140931.jpg
http://nileup.com/up/uploads/nilemotors_13991140932.jpg
http://nileup.com/up/uploads/nilemotors_13991140933.jpg
http://nileup.com/up/uploads/nilemotors_13991140934.jpg
http://nileup.com/up/uploads/nilemotors_13991146441.jpg

و هذا ايضا صورة كاملة للكاربراتير
http://nileup.com/up/uploads/nilemotors_13991146442.jpg
http://nileup.com/up/uploads/nilemotors_13991146443.jpg
و قبل أن أدور مارش ربط مسمار الهواء الى الأخر برفق ثم فكيته ثلاث لفات و وضعت بعض البنزين فى غرفة العوامة و كاريكت شوية و سميت :praying:و دورت دارت من اول تكة و مفيش دخان طالع من الشكمان الحمد الله,و بدأت أظبط السلنسيه لأقل سرعة ممكنة و كانت عملية متعبة لأن المفك الى معايا طويل ,ثم قفلت مسمار الهواء ربع لفة,ثم فتحته لفة,ثم بدأت أظبت البنزين حت تم التظبيط لكن لاحظت خروج الدخان مرة أخرى؟ فقمت بقفل الهواء على الأخر مرة أخرى فأختفى الدخان الأسود :tumb:و رجعت ظبط البنزين مرة اخرى و كله تمام التمام صوت الموتور حاجة تانية خالص لكن صوت الموتور بيعلى و يوطى بسيط ؟هبقى أنظف الأسبراتير و نشوف.
و بالطبع مكنتش حعرف أعمل كل الحاجات دى إلا بمساعدتكم فألف شكر ليكم جميعا و خاصة أخونا الأستاذ صبحى و الأستاذ المنسى.:satelite::openflower3::openflower3:: openflower3::openflower3:

بسم الله مشاء الله بارك الله فيك ** انتا بجد استاذ فعلا رجعت الكاربرتير زيرو فعلا **
فعلا حاجة جميلة جدا جدا انك تعمل اى صيانة فى عربيتك بايدك طبعا لو روحت للفتايين كانو افتو بتغيير الكاربرتير او على الأقل تغيير البكات ودا طبعا علشان تفضل رايح جى علية وتصرف***

الف شكر على مجاملتك الجميلة يا أستاذ صبحى :openflower3::openflower3::openflower3::openflower 3::openflower3:
أنا فعلا كنت رحت لأكثر من مفتى :B4_237: و أجمعوا جميعا بأفتاء واحد و هو تغيير أكس و بوابة ؟http://www.nilemotors.net/Nile/image...titled%201.bmp و لولا تشجيعك بهذا المنتدى الرائع:bravo: كنت غيرت الكرباراتير:10_1_104v[1]: لأن لا ينصح بأصلاحه اذا كان تالف و أكيد أكيد أكيد أى مفتى:33: مكانش هينضفه بنفس الأهتمام الى أنا هنضفه به لأنه مش خسران حاجة و أهو كله مكسب :213-1107231241[1]:و طبعا لما تعمل الجاجة بأيدك بتحس بنشوة الأنتصار خاصة لما العيب يختفى :120105~352:
و اليوم جربت العربية فى السواقة و احب اقول أنها بقت عربية تانية خالص فى السحب و الجرى :018A1D~146:مع ملاحظة ان فى السلانسيه مؤشر السلانسيه بيتأرجح خفيف بين 8 و 10 و فى السرعة العالية فوق 100 بيحصل تعليقة فى الأكسلاتير:U_thin1[1]: و صوت الموتور بيعلى جامد و بعدين ينزل أعتقد أنها مشكلة فى سوستة الأكسلاتير ؟:U_thin1[1]:

انتا لسة عامل عمرة للكاربرتير يبقى لازم تليين اصبر شوية وموضوع الاكسرتير حيختفى لوحد لاكن عاوزك تشوف هل الواير بايت فى مكانة المخصص بالاكسرتير ولا لاء وحركة بايدك حركات سريعة ومتتالية وشوف بيعلق من ايه وانا اعتقد ان الموضوع تليين لااكثر**

ممكن تزيت الأكس والكابل بنقطه زيت موتور وعند بكرة الأكسراتير كمان !!

مبروك عليك عمرة الكربراتير وموضوع الارجحة بتاعة مؤشر الار بى ام اعتقد من كذا حد قابلته المشكلة كان حلها حاجتين يا الاسبراتير يا الموبينة خرج الكهرباء بتاعتها مش منتظم وموضوع سلك البنزين بيعلق غالبا وانت بتقفل الكربراتير شديت على السلك وانت بتبيته فى مكانه فى الاكسراتير وممكن تعمل زى ماوليد قاللك حط نقطة زيت وعايز اقولك على حاجة كمان تعملها وهيه انك تفتح البوابة بتاعة الهوا البارد اللى فى العمة هتفرق معاك فى السحب بتاع العربية
مبروك مرة تانية

أسف على التأخر فى الرد و الف شكر لكل من ساهم فى الرد فعلا تيم السكود محترم بجد مفيش مشكلة الا و لها حل عندكم يا وحوش

اقتباس:

---

وعايز اقولك على حاجة كمان تعملها وهيه انك تفتح البوابة بتاعة الهوا البارد اللى فى العمة هتفرق معاك فى السحب بتاع العربية

---

ممكن لو سمحت رابط الموضوع
بالنسبة لزبزبة مؤشر الاربى ام لما بدور العربية الصباح الباكر المؤشر مبيتحركش الا بعد عشر دقائق صيفا و شتاء و دى مشكلة من زمان اوى هل لها علاقة بالزبزبة فى بعض الأوقات

http://www.nilemotors.net/Nile/357220-17.html

اى خدمة يامعلم حضرتك تامر**

تشكر يا كبير :S_thum1[1]: