رشاشات تمام واضاءه تمام والتكلفه بسيطه
بسم الله الرحمن الرحيم
غيرت النهارده رشاشات بى ام دابليو .. المكنه الـ 1600 cc من واحد من المنصوره موجود بالحسنيه اسمه عصام بتاع البى إم .. جبت الرشاشات بـ 170 جنيه بسسسسسسسسسسس.. مع انها فى مصر سعرها مبالغ فيه بـ 250 و 300 جنيه ... طبعا بدون فصال دفعت الثمن واخدتهم نضفتهم وركبتهم
( ملحوظه عند شراء رشاشات بى ام ماتروحش تنضفها على جهاز ولا كلام من دا . فى حاله لو شايلهم من على مكنه او مسطره .. لانهم بيبقوا تمام .. ركبهم واكشف اثناء التركيب )
السحب بقى تمام صوت المكنه نعم شويه مش ملحوظين اوى يعنى .. التسقيف خف لدرجه كبيره .. الميزه بقى ان بأحس ان العربيه بتبقى عايزه تشِب من على الارض فى الطلعه
سبب تغيير الرشاشات .. مزاجى كان طالب انى اجرب رشاشات البى ام اللى كانوا بيقولوا عليها دى .. مع العلم ان كان راكب رشاشات اكسنت فى العربيه وموجودين عندى وتمام وشغلهم تمام لو حد عايزهم مش هانختلف كتير فى السعر
بالنسبه للاضاءه
كتاوت نور تركى ماركه ليو بـ 30 جنيه ... ولمبتين نيرفا 200/120 ... والاضاءه بقت فظظظظظظظظظيعه
والحمد لله على كل شئ