عربيتي جابت اسطوانة - ابيزا 99 محرك 1.4 mpi
بسم الله الرحمن الرحيم
السلام عليكم ورحمة الله وبركاته
أخواني الأعزاء في قسم سيات نايل موتورز
تحية طيبة وبعد،
بقالي فترة حاسس ان العربية اول وثاني وثالث مخنوقة ومتكتفة
واحياناً في التسارع علي الرابع والخامس بعد 2 rpm كنت بحسها بتنخع وكأني مش دايس بنزين
بالأضافة إلي انها في اخر مرة جريت بيها (ايام لما كانت بتجري) كانت بتعتل بعد 130 ووصلت بالعافية ل140 ومش راضية تزود كيلو واحد بعدها
طبعاً الاعراض السابقة للوهلة الأولي تدي اكتر علي طلمبة بنزين :17:
ولأني كنت مغيرها بواحدة صيني - وللأسف مفيش غير الصيني في السوق مهما تعددت المسميات والماركات والأسعار ايضاً
فكانت شكوكي كلها تنحصر فيها او فيما يتعلق بالتغذية زي الرشاشات والبوابة وفلتر الهوا وفلتر البنزين والبوجيهات
ولأني دائم التغيير للفلاتر (بغيرها تقريباً كل 10,000 او اقل) ومهتم بالصيانات (نظافة بوابة ورشاشات (بنظف بوابة تقريباً كل شهر ورشاشات كل 10,000)
فكنت حاطط ايدي علي قلبي وخايف من اني في يوم اجي ادور الاقي العربية مابتنطقش :oops2:
إلي ان حدث ما لم اتوقعه
مرة واحدة العربية بتقبل الغيارات بالعافية وبتعمل الأصوات المعروفة للغيار وكأنك مش دايس دبرياج
طبعاً الميكانيكي بتاعي صدمني وقالي انها اسطوانة وديسك :pffft:
فدلوقتي بقي يا اصدقائي انا عايز منكم ترشيحات لنوعيات الأسطوانة والديسك والبلية (الطقم علي بعضه)
انا عارف طبعا النوعيات
ريمسا وفاليو ولوك
بس انا عايز اللي جربتوها وكانت اصلية وحلوة
وجزاكم الله خيراً
تحياتي للجميع
والله المستعان
،
،