سؤال مهم جداً لكل اصحاب الخبرة بالموقع (أرجوا الرد)

**elhowt** · 08-10-2008 12:07 PM

اولا كل عام وانتم بخير
معروض عليا عربية تويوتا كورولا موديل 1990 العربية بحالة الزيرو( يعني فبريكة برة وجوة +العربية عاملة 29000(تسعة وعشرين الف كيلوا ) فقط و1600 cc خليجي تكييف ممتاز جداً جداً باور زجاج عادي سنتر فقط
وعلي فكرة الموتور بحالة المصنع (يعني العربية باختصار مستخدمتش )نهائي
وانا كمان جربت العربية
فممكن من كل اصحاب الخبرة وانا عارف ان فية ناس كير جداً في الموقع اصاب خبرة
العربية دي سعرها في السوق ممكن يكون كام ؟
ياريت الا يقدر يتمن العربية يقول

**ELANTRA2007** · 08-10-2008 12:38 PM

يا عم هومعقول عربيه من سنه1990 ومرشتش بره وعامله 29000 كيلو بس بص يا عم العربيه دى عدادها راجع وواخده بويه نمره واحد بحيث ماتتعرفش وصاحبها بيبيعها على الوضع اللى انت بتقول عليه دى لو هيه واقفه فى الجراج من غير استعمال هيجيلها برومه لذلك انصحك بالتروى وعموما العربيه الشاذه اللى موديل 90 بتعمل من 40000 الى 42000 وربنا يوفقك وربنا معاك وسترها معاك من نصب تجار العربيات

**elhowt** · 08-10-2008 12:51 PM

بص يازعيم انا كنت متاكد ان في ناس كتير ممكن تفهم ان الموضوع فية نصب بس هقولك انا جربت العربية وشوفتها ويعني انا بفهم شوية علي ادي وجبت ناس اتفرجت تبعي وشافت واتاكدت وعلي العموم انا شاكر ليك جداً اهتمامك وردك ويارب الدعاء الا انتا دعيتوا يكون من نصيبي ونصيبك ان شاء الله ويسترها ربنا مع الجميع

**ELANTRA2007** · 08-10-2008 11:04 PM

على العموم انا حبيت اقولك راىى وادعى ان لى خبره فى المجال ده وبرضه يفضل توريها لحد تثقفيه تبعك وربنا معاك زكريا

**waled369** · 08-10-2008 11:13 PM

المشاركة الأصلية كتبت بواسطة ELANTRA2007

يا عم هومعقول عربيه من سنه1990 ومرشتش بره وعامله 29000 كيلو بس بص يا عم العربيه دى عدادها راجع وواخده بويه نمره واحد بحيث ماتتعرفش وصاحبها بيبيعها على الوضع اللى انت بتقول عليه دى لو هيه واقفه فى الجراج من غير استعمال هيجيلها برومه لذلك انصحك بالتروى وعموما العربيه الشاذه اللى موديل 90 بتعمل من 40000 الى 42000 وربنا يوفقك وربنا معاك وسترها معاك من نصب تجار العربيات

كلاام مظبوط