الموضوع: افضل ميكانيكى للبيتلز من واقع التجربه افيدونا

المشاركة الأصلية كتبت بواسطة ahit

السلام عليكم و رحمة الله و بركاته
واحشنى جميعاً و الله

محمد على الميكانيكى كويس و أمين بس فيه حاجات مش متمكن فيها خالص زى العفشة و التاكيهات و الفرامل و طبعاً كلمته المشهورة لأى مشكلة ( ده عادى و مافيهاش حاجة ) لكنه محترم و أمين لكن أوقات كتير بيكبر دماغه !!!!!!!!!.

أنا تعاملت مع ميكانيكية كتير منهم :

*حسن ( فى الحرفيين ) كان شغال عند مديح اللى فى جسر السويس و شغله ممتاز فى الفرامل و السرفيس و العفشة و التاكيهات و مصنعيته ممتازة و الله لكن المشكلة مشواره بعيد و تليفونه 0101532992

*محمد على اللى فى جسر السويس و أنا ذكرت مميزاته و عيوبه

*محمد الأسمر ( محمد جعفر ) أمام سنترال مصر الجديدة فى جسر السويس : كان شغال عند مديح و ممتاز فى السرفيس و ظبط التاكيهات خاصة و هو ممتاز فعلاً فى التاكيهات و ظبط خلوص البوجيهات و الأبلتين و التاكيهات و فاهم فى عفشة 1302 و 1303 و هو صاحب فكرة تعلية الدنجل بدون لحام و مصنعيته كويسه جداً و تليفونه 0123835856

* حسن الأسمر فى إمبابة كويس و امين و مصنعية معقولة بس أنا جربته فى تظبيط سرفيس فقط تليفون 0123476896

* جمال عبده فرج : خلف حديقة الفسطاط ممتاز فى العمره لأنه بيتعامل مع خراط ممتاز و الباقى مش مقتنع بيه خالص لكن أنا عمرت الماتور عنده و الحمد لله زى الفل و فيه ناس كتير بتتعامل معاه و بيشكرو فيه من القاهرة و الأسكندرية كمان بس هو مشكلته إنه بيحب يفتى كتير لكن اللى أعرفه إنه عنده السكر و هو اللى بيدايقه و يخليه مش مركز و ده حسب كلام جمال نفسه و تليفونه 0124904907

*الأسطى على الأمور فى الحرفيين : ممتاز هو و إبنه أحمد لكن هو مش بيشتغل بإيده نظرا لضعف نظره و كبر سنه لكن سمعته ممتازة و شغله نظيف لكن مصنعيته عالية و أحمد إبنه مش بيحب التصليح و بيغير على طول و كمان تقيل فى شغله و تليفونه : 0162666753

* عزب اللى خلف حديقة بدر اللى أسمعه إن سمعته كويسه لكن اللى شغالين عنده أسلوبهم مش كويس و كنت ناوى أعمل العمره عنده لكن خفت من أسلوب الناس اللى هناك و طريقتهم فى الشغل تليفونه : 22998581

* و فيه واحد فى المنيل خلف سنسبرى القديم هو ممتاز و إسمه تقريبا سمير سعد أو أسعد مش فاكر لكن مصنعيته غالية جداً و تنك و متكبر على الزبون لكنه دكتور بيتلز حسب اللى سمعته من ناس كتير هناك بتتعامل معاه و مش فاكر تليفونه.

انا يععتبر جديد جدا ف موضوع الميكانيكية ده بس اول مجبت العربية سجلت ف المنتدي وابتديت اقري عنها وكده ولقيت الموضوع ده ولقيت الكلام علي محمد علي كويس جدا فقررت اروحله وبعدين لقيت حاجة غريبة في ناس بتقول انه مش متمكن ف حاجات طب انا مش هبقي فاهم عشان احدد هو كويس في ايه ومش كويس ف ايه يعني في ناس بتقول انه كويس ف السرفيس جدا ومش كويس ف الفرامل والتاكيهات والعفشة فقلقت جامد وغير بيقولو الحاج محمد علي مبقاش موجود معظم الوقت وابنه هو اللي موجود وف مشاركة لعضو اسمه sakr84 كان بيقول انه بعد ما عمرو عمله السرفيس لاقي باين العمة مش ثابته فانا بصراحه مقلق جدا وياريت بالظبط تقولي كل ميكانيكي مشهور ف ايه جدا عشان اروح لكل واحد ف الحاجة المشهور بيها وتاني حاجة عايز مثلا تكلفة السرفيس وتغير البوجيهات والابلتين والكوندنسر كله كام وارجو الرد بسرعه وشكرا لاهتمام حضرتك مع العلم اني من ساعه مجبت العربية معملتش فيها اي حاجة غير تغير زيت الموتور يعني اعتقد محتاج السرفيس وشكرا

محمد على لا بيعمل عمرة ولا غيرة كبر خالص فى السن ولما روحتلة فى شنبر قالى نوديها لعوض الجنبة طلعت بايظة ولما رجعتلو ولا حل ولا ربط الله يسامحة هو السبب اتصدموا من موقفة وبحذر او حد من عِوَض المكانيكى وشريف وبلية كلهم نصابين وحرامية وانا ليا معاهم موقف من فترة طويلة بس لما محمد على قالى عاليهم وقالى على ضمنتى قولت ماشى بلا المهم بالنسبة للضفيرة حاول تشوف حد يلملك المواضيع العربيات دى مش مستحملة مصاريف هتدفع ومش هتلاقى ودة رقمى لو عاوز حاجة ٠١٠٠٦٥٦٢٣٨٨