انتشار الكورى !!

**maio_do** · 25-04-2014 07:41 PM

المشاركة الأصلية كتبت بواسطة eslamsubaru

نسيتو حاجة مهمة قوى : انتشرت اكثر من كل اللى بتقولوا عليه ز بقت بشوفها فالشارع اكثر من 128 : و هى كيا بيكانتو الشكل الجديد 2013-2014 .. تقريبا فى كل شارع عربية او اثنين..

مش معاك فى الراى ده لان البيكانتو اول منزلت كان فى الخمسينات ولما غيروا الشكل وصلت ل 75 وكان صعب وقتها حد يجبها بالسعر ده ولما كمان غليت وصلت للحاجة وتسعين واول فئة حاجة وتمنين على اية دى علبه كبريت

**maio_do** · 25-04-2014 07:42 PM

المشاركة الأصلية كتبت بواسطة amgomaa

اكتر عربية بشوفها موجوده بالفعل ال suv سبورتاج يليها القشقاى وفى الcompact السيراتو و الكورولا و الفئة الاصغر الصنى و الريو انا بتكلم علي العربيات اللي لسة مترخصة

sent from my gt-s5282 using forum runner

ماعنديش مع كلامك مشاكل بس العربيات اللى لسه مترخصة حضرتك بتعرفها منين

**maio_do** · 25-04-2014 07:43 PM

المشاركة الأصلية كتبت بواسطة toty_305

-يعني فرق السعر و الامكانيات و يمكن ظروف البلد و الحالة الاقتصادية مع أني شايف الدنيا شغالة في البيع و الشراء عادي

انا فاهمك بس اية الامكانيات اللى تغيرت علشان انا شايف شكل جديد وشوية كماليات وماهتمتش انى ابحث لو معلوماتى غلط يا ريت تزيد معرفتى بالامكانيات الجديدة مع انى ركبتها وسوقتها ومكانتش هاى لاين وكانت عربية جميلة انا مبقللش منها انا اللى اعترضت عليه فرق السعر العالى الغير مبرر

**maio_do** · 25-04-2014 07:46 PM

المشاركة الأصلية كتبت بواسطة محمد بدر

أنا هتكلم عن السبورتاج
عربيه كوري زي السبورتاج و سعرها ( قارب علي ربع مليون جنيه )
وموجوده ومنتشره بالشكل ده بالرغم من أن سعرها قارب الربع مليون جنيه .
يبقي ده أسمه إيه. إنتشار ولا مش إنتشار .
ده كده يبقي عدي مرحلة الإنتشار.
قارن بقي من الأوروبي البيجو مثلا في نفس القيمه السعريه بتاعة السبورتاج أعتقد النسبه ممكن تتجاور من 1 : 10

استاذ محمد شرفتنى بردك فى الموضوع بس انا بتكلم عن الموديلات 2014 علشان كده بدات بالسيراتو لانه الشكل اللى هنعرف نقارن بيه مع القديم واستبعدت الالنترا لانها من 2011 نفس الشكل انا مش بشوف السيراتو كتير زى مانت بشوف موديلات 2010 لحد بداية 2013

واذا هنتكلم على نفس الفئة ومش نفس القيمة السعرية لانها ارخص بكتير البيجو 2008 اللى لسه نازلة واعتقادى الشخصى انها هتنتشر وهتاخد السوق للشكلها الجامد وسعرها اللى بينافس

**toty_305** · 25-04-2014 07:58 PM

المشاركة الأصلية كتبت بواسطة maio_do

انا فاهمك بس اية الامكانيات اللى تغيرت علشان انا شايف شكل جديد وشوية كماليات وماهتمتش انى ابحث لو معلوماتى غلط يا ريت تزيد معرفتى بالامكانيات الجديدة مع انى ركبتها وسوقتها ومكانتش هاى لاين وكانت عربية جميلة انا مبقللش منها انا اللى اعترضت عليه فرق السعر العالى الغير مبرر

-الناس هنا طالعين بيها السماء زي ال 301 مش عارف على ايه

-السيراتو اول ما نزل الشكل الجديد كله قالك مش هتنتشر دي غالية قوي قلت هتنتشر و high line كمان و أديها انتشرت :D

**maio_do** · 25-04-2014 08:39 PM

المشاركة الأصلية كتبت بواسطة toty_305

-الناس هنا طالعين بيها السماء زي ال 301 مش عارف على ايه

-السيراتو اول ما نزل الشكل الجديد كله قالك مش هتنتشر دي غالية قوي قلت هتنتشر و high line كمان و أديها انتشرت :d

ال 301 طالعين بيها السماء لكذا سبب اول حاجة سعرها ومقارنتها بالباقى غير ان اسمها وبلد الصناعه ده غير التصميم بتاعها وانت خرجتنى عن موضوع الامكانيات

انا شايف انها مانتشرتش ولا حققت اكتساح الكيا اللى اخدته من 2009

**toty_305** · 25-04-2014 08:53 PM

المشاركة الأصلية كتبت بواسطة maio_do

ال 301 طالعين بيها السماء لكذا سبب اول حاجة سعرها ومقارنتها بالباقى غير ان اسمها وبلد الصناعه ده غير التصميم بتاعها وانت خرجتنى عن موضوع الامكانيات

انا شايف انها مانتشرتش ولا حققت اكتساح الكيا اللى اخدته من 2009

- ممم عقده الخواجة يعني طويب ماشي :d الخواجة فيه عيوب بردك خلي بالك

تحياتي

**amgomaa** · 25-04-2014 08:56 PM

المشاركة الأصلية كتبت بواسطة maio_do

ماعنديش مع كلامك مشاكل بس العربيات اللى لسه مترخصة حضرتك بتعرفها منين

النمر الحروف والارقام الابيض وازرق معدتش موجوده رجعنا تانى للنمر القديمة من 11 /2013 متهيالي كده لما تشوف عربيه جديدة ومعلقة نمر قديمة تبقي وصلت والكلام عن بورسعيد وبعض اماكن القاهرة

Sent from my GT-S5282 using Forum Runner

**maio_do** · 25-04-2014 08:59 PM

المشاركة الأصلية كتبت بواسطة toty_305

- ممم عقده الخواجة يعني طويب ماشي :d الخواجة فيه عيوب بردك خلي بالك

تحياتي

انا مقولتش انها احسن عربية ولا حاجة يعنى مفيش عقد

بس انت عمرك شفت عربية وحشه نزلتها المانيا مثلا ولا فرنسا

**maio_do** · 25-04-2014 09:00 PM

المشاركة الأصلية كتبت بواسطة amgomaa

النمر الحروف والارقام الابيض وازرق معدتش موجوده رجعنا تانى للنمر القديمة من 11 /2013 متهيالي كده لما تشوف عربيه جديدة ومعلقة نمر قديمة تبقي وصلت والكلام عن بورسعيد وبعض اماكن القاهرة

Sent from my GT-S5282 using Forum Runner

الكلام ده من امتى انا ماعرفش الخبر ده ولا قريته يعنى دلوقتى اللى يروح يرخص عربية جديدة هتبقى ملاكى القاهرة وملاكى بورسعيد