انتشار الكورى !!

**maio_do** · 29-04-2014 05:41 PM

المشاركة الأصلية كتبت بواسطة drcobra

الكورى قرب كتير من اليابانى ولسة معاه فرق سعر

اليابانى محتفظ على الاعتمادية والصناعه الكويسة واغلب العربيات اليابنى بتبقى حاجاتها جامدة تكييف وكل حاجة ومع ده كله مرفعش سعره زى الكورى

**ALnadi** · 30-04-2014 10:49 AM

المشاركة الأصلية كتبت بواسطة maio_do

يا باشا خلينى اخد الكلام الخاص اللى انت قايله بالنسبة لل 301 والكلام العام عن الاوربى ومشاكل الماتور دى مش هرد عليه لانى مش عارف حضرتك بتقصد اية

ضعف الماتور كلام مش صحيح انا ممكن اقولك التسارع من 0 ل100 مش حلو لانى مش بجرى غير على الطريق ولا جربت مانيول ولا جربت كيك دوان ولا حتى الوضع الرياضى بس العربية مرضية جدا وهجرب اقرص عليها وهعمل تقرير يكون فيه العيوب والمميزات علشان نفيد الناس اللى هتشترى

صوت الماتور عالى ده متقال من البداية وانا عارفه قبل ماجيب العربية بس بالنسبة ليا كشاب الموضوع مش فارق علشان لو مشغل الصوت على 15 نص الصوت مببأش سامع صوت الماتور ولو طافى الصوت وسامع الماتور بيحفزنى اجرى زى موتسيكلات الريس بالظبط مش بيمثلى عيب غير موضوع العزل اللى تقدر تعمله

الرعشة او النتشه فعلا موجودة ودى لازم تتعود عليها بدوسه البنزين وبالنسبة ليا عامله مشكلة بس مش قادر احدد بالظبط دى من سواقتى لانى لما اتكلمت فى التوكيل قالى بتكبس بنزين مرة واحده ودى فى كل العربيات وقعد يتكلم فى كلام ميكانيكا كده مفهمتش منه حاجة لو جربت الكورى هبقى اقول

التيل فعلا فيه مشكلة وده مبيقيمش العربية الناس بتغيره فى الضمان وانا عندى المشكلة دى وهغيره باذن الله وهقول اللى حصل فى التقرير

بيوجهات وفلاتر مفهاش مشكلة البيوجهات بتتغير على 20 الف زيها زى اى عربية زيرو

الاكصدام الامامى مفهوش اى مشكلة ولا سمعت حد قال عليه حاجة وبالنسبة ليا مفهوش مشاكل وصناعه كويسة

الخامات الرديئة كلامك عام انا مشوفتش حاجة فى العربية غير اللى قولته ومفيش حاجة رديئة عن تجربة

اخر مشكلة التكييف هشغله على الماكس واجربة وبرده هنزله فى تقرير العربية

تقبل ردى بسعه صدر انا قلت العيوب اللى حضرتك ذاكرتها ووافقتك عليها وفيه حاجات ملهاش اى اساس من الصحه ورديت عليك بالنفى عليها تقبل الموضوع بسعه صدر بالله عليك

يا باشا سعة صدر إيه ....
حضرتك أخجلتنى بكلامك الجميل المحايد
ياريت الناس كلها تدخل المناقشات بالهدؤ والمحايده والإقناع والأسلوب الجميل المهذب بتاع حضرتك ده
جزاك الله كل خير
وأنا سعيد بمشاركتك

**maio_do** · 03-05-2014 08:30 PM

المشاركة الأصلية كتبت بواسطة alnadi

يا باشا سعة صدر إيه ....
حضرتك أخجلتنى بكلامك الجميل المحايد
ياريت الناس كلها تدخل المناقشات بالهدؤ والمحايده والإقناع والأسلوب الجميل المهذب بتاع حضرتك ده
جزاك الله كل خير
وأنا سعيد بمشاركتك

ربنا يخليك يا باشا والله انا سعيد بردك ده

**sha2e** · 23-05-2014 05:12 PM

لو جينا نبص للسوق بحياديه هنلاقي ان الكوري "خصوصا كيا " حقق مبيعات أقل كتير من الى كان بيحققها قبل كده والمفروض يحققها فى الوضع الحالي الجديد
اولا الكيا :
1- الكيا سيراتو : تعتبر محققه مبيعات ضعيفة لسببين :
الاول : مبيعاتها قليله جدا لو قارنها بالشكل القديم
الثاني : فئة الـ 200 الف جنية تعتبر فاضيه فى السيدان بعد ارتفاع سعر الاوكتافيا والجيتا بالاضافة الى نزولهم بفتيس dsg وده سبب كان المفروض يزود مبيعات السيراتو لكن ده محصلش لان ناس كتير مستغليه تمنها

2- الكيا كارينز : نفس الكلام الى على السيراتو ينطبق عليها

3- الكيا اسبورتج : حققت مبيعات كويسه جدا لو قارنها بالموديلات السابقه ليها وده له اسبابه :
1- شكلها اكبر واضخم وافخم من السيراتو والكارينز
2- كل الى خايف من فتيس الجيتا والاوكتافيا (ودول مش فئة قليلة) قال اروح للقشقاي او الاسبورتج
3- المنافس الاشرس ليها " نيسان قشقاي " مبيعاتها قلت السنه الى فاتت لانتظار نزول شكل جديد لها السنادي

4- الكيا ريو : كانت محققة مبيعات كويسه جدا فى بداية نزولها لحداثة شكلها من منافستها الاكسنت لكن بدأت تتراجع المبيعات لاسباب
1- نزول منافس واعد في نفس الفئة " البيجو 301"
2- عدم هبوط اسعار قطع الغيار الخاصة بالريو
3- استقرار سعر الشيفرولية كروز بفارق ضئيل عن الريو

بالنسبة لهيونداي :
لازم ناخد بالنا من حاجه مهمه وهيا ان غبور محقق مبيعات عاليه جدا فى الفئة الاقل سواء الفيرنا او الجيلي الصيني ومحقق بيهم نسبة كبيرة من السوق لكن لو بصينا على الفئات المتوسطه بالتفصيل
الاكسنت : بالمقارنة بالشكل القديم وارتفاع السعر من 80 الى 130 تعتبر محققه مبيعات معقوله
الالنترا : تعتبر برضو محققه مبيعات كويسه وانتشار على حساب السيراتو
IX 35 : بعد نزول سعرها بدأت تحقق مبيعات ملحوظة وانتشار واضح فى فترة قليله على حساب القشقاي

اخيرا لازم نوضح ان الفئة المتوسطه او الاعلى بالنسبه لغبور مش هيا الاهم بالنسبة ليه

**maio_do** · 23-05-2014 05:33 PM

المشاركة الأصلية كتبت بواسطة sha2e

لو جينا نبص للسوق بحياديه هنلاقي ان الكوري "خصوصا كيا " حقق مبيعات أقل كتير من الى كان بيحققها قبل كده والمفروض يحققها فى الوضع الحالي الجديد
اولا الكيا :
1- الكيا سيراتو : تعتبر محققه مبيعات ضعيفة لسببين :
الاول : مبيعاتها قليله جدا لو قارنها بالشكل القديم
الثاني : فئة الـ 200 الف جنية تعتبر فاضيه فى السيدان بعد ارتفاع سعر الاوكتافيا والجيتا بالاضافة الى نزولهم بفتيس dsg وده سبب كان المفروض يزود مبيعات السيراتو لكن ده محصلش لان ناس كتير مستغليه تمنها

2- الكيا كارينز : نفس الكلام الى على السيراتو ينطبق عليها

3- الكيا اسبورتج : حققت مبيعات كويسه جدا لو قارنها بالموديلات السابقه ليها وده له اسبابه :
1- شكلها اكبر واضخم وافخم من السيراتو والكارينز
2- كل الى خايف من فتيس الجيتا والاوكتافيا (ودول مش فئة قليلة) قال اروح للقشقاي او الاسبورتج
3- المنافس الاشرس ليها " نيسان قشقاي " مبيعاتها قلت السنه الى فاتت لانتظار نزول شكل جديد لها السنادي

4- الكيا ريو : كانت محققة مبيعات كويسه جدا فى بداية نزولها لحداثة شكلها من منافستها الاكسنت لكن بدأت تتراجع المبيعات لاسباب
1- نزول منافس واعد في نفس الفئة " البيجو 301"
2- عدم هبوط اسعار قطع الغيار الخاصة بالريو
3- استقرار سعر الشيفرولية كروز بفارق ضئيل عن الريو

بالنسبة لهيونداي :
لازم ناخد بالنا من حاجه مهمه وهيا ان غبور محقق مبيعات عاليه جدا فى الفئة الاقل سواء الفيرنا او الجيلي الصيني ومحقق بيهم نسبة كبيرة من السوق لكن لو بصينا على الفئات المتوسطه بالتفصيل
الاكسنت : بالمقارنة بالشكل القديم وارتفاع السعر من 80 الى 130 تعتبر محققه مبيعات معقوله
الالنترا : تعتبر برضو محققه مبيعات كويسه وانتشار على حساب السيراتو
IX 35 : بعد نزول سعرها بدأت تحقق مبيعات ملحوظة وانتشار واضح فى فترة قليله على حساب القشقاي

اخيرا لازم نوضح ان الفئة المتوسطه او الاعلى بالنسبه لغبور مش هيا الاهم بالنسبة ليه

كلامك منطقى جدا وانا موافقك عليه وانا واحد من الناس لما كنت هجيب كروس اوفر كنت ببص للاسبورتاج وال ix35

وده اللى بقوله فى موضوع الكيا بالذات ان غلاء الاسعار الغير مبرر مع نزول منافس بسعر اقل

تحياتى