عرض للطباعة
السلام عليكم اخواتى
جمعة مباركة عليكم
كلنا عايزين نغير رشاشات الانوس برشاشات BMW M40 - 1600 cc
بس ياترى كيف نفحص الرشاشات قبل الشراء
عشان مفيش حد يضحك علينا وناخد حاجة بايظة وتضيع فلوسنا على الفاضى
ارجو من اخواتنا اهل الخبرة يفيدونا نحنوا المبتدئين
جزاكم الله كل خير
فى اعتقادى عشام متذودش تكلفة على تمن الرشاشات وتروح مركز تنضيف رشاشات انك تتفق مع البياع قبل ما تشتريهم ان لو فيهم حاجة يتبدلوا وخصوصا انهم استيراد ..........انا عملت كدة لما جيت اشترى
اشكرك اخى مصطفى
طب اشتريت منين وبكام
وممكن تيجى ترجع يستهبل فيها
ياريت لو فية حاجات معينة نفحصهم بيها كمبتدئين
وماسعر تنظيفهم
اشتريت من عندنا من العاشر من رمضان وكان سعرهم 200ج
ولما بتفق معاة على التبديل لو فيهم حاجة كل اللى عملة انة علمهم بقلم دوكو وقالى ميتمسحش عشان لو فيهم حاجة ابدلهم
الفحص بتاعهم على المكنة وبالتجربة علطلول عشان متكلفش نفسك بدون داعى هتلاقى فرق فى السحب ودوارة سريعة من اول تكة
بالنسبة للتنضيف الرشاشات التخينة محدش بيرضى ينضفها كلة بينضف الرفيعة وتكلفة التنضيف حوالى 100ج
سعرهم ممتاذ بجد
لو فية امكانية اشترى من العاشر واركبهم ياريت
بس حضرتك نظفتهم ولا ركبت على طول
وبتوع البى ام مش بيتنظفوا لان تخان يعنى لو باظوا اجيب غيرهم
خلى بالك انا بتكلم على رشاشات لانوس العادية مش البى ام
وانا ركبتهم علطول
وبتوع البى ام بيتنضفوا لانهم رفيعين بس الكلام دة بعد فترة لما يبقوا اتسدوا او سيلو
ايه الفايده من تركيب رشاشات bmw لللانوس
اقتباس:
المشاركة الأصلية كتبت بواسطة zarif
طيب الرشاشات ديه بتركب مكان الرشاشات التخينه و لا الرفيعه ة لا الاتنين؟؟ طيب و فيش رشاشات البى ام بتركب فى فيش اللانوس الرفيعه ولا التخينه؟؟
اصل انا رشاشانى تخينه انا لسه مش شايف عندى اعراض تلفهم زى تاخر الدواره بس العربيه بتاكل بنزين بهبلمش عارف هما السبب ولا لأ بس اللى فهمته منكم انها كده كده حتتسد فبفكر اجيبهم قبل ما قطع الغيار الاستعمال تقل و تغلى عشان القرار الجميل ده بمنع الاستيراد
سؤال مهم وكويس وانا فتحت باب المناقشة فى هذا الموضوع الهام للجميعاقتباس:
المشاركة الأصلية كتبت بواسطة besso
ليكى تعم الفائدة لنا جميعاً
دة رابط موضوع رائع عن هذة الرشاشات
http://www.nilemotors.net/Nile/102147-a.html
ودة مضمون الموضوع
كنت بشتكى من الاعراض الاتيه و هى ...
عدم سهولة الدواره و العربيه نص بارده .... يعنى مثلا بعد ربع ساعه من وقت ما طفيتها ... لازم ادورها كذا مره عشان تدور و ساعات بحتاج كمان ادوس بنزين ....
وكمان ريحة الحريق نى فى اول الدواره مع وجود دفعة دخان كمان....
المهم بعد السؤال ... اتضحلى انه عيب رشاشات ..... يعنى ايه رشاشات ؟؟
الرشاش ده عباره عن حاجه شبه القلم كده مسئوله عن رش البنزين داخل غرفة المانيفول لخلطه بالهواء ثم دخوله غرفة الاحتراق .... نظام كده شبه كربراتير العربيات القديمه
كيف تعمل الرشاشات؟
أول ما الرشاش ياخد أمر من كومبيوتر السياره انه يرش بنزين, مصدر الكهرباء يبعت كهرباء للكهرومغناطيس فيشد البستم للخلف, فبيسمح للبنزين بالمرور في فتره ما البستم مفتوح و بعد ما تكون كميه البنزين المطلوبه دخلت, بيقطع المصدر الكهربائي الكهرباء عن الكهرومغناطيس فبيخلي البستم يقفل تاني و بيعطل مرور اي كميه بنزين إضافية.
يقوم الرشاش برش البنزين على شكل ذرات و ذلك لجعل عملية حرق البنزين تتم بصوره أفضل و أسهل.
مميزاته: يمتاز الحقن الإلكتروني (الإنجكشن) بتوفير استهلاكه للبنزين حيث انه يقوم برش الكميه المطلوبه فقط من البنزين و بنسب معينه تم حسابها مسبقا بناء على بعض العوامل الرياضيه التي تحدد نسبه الهواء للبنزين في وحده تحكم المحرك (ECU). و تمتاز أيضا محركات الحقن بصوتها الأهدى من مثيلاتها الكاربيراتير. الحقن أيضا اسرع إستجابه من الكاربيراتير, و لا يجعل السياره تشرق, لماذا؟ لأن كما قلت يقوم برش النسبه المطلوبه من البنزين و أيضا لأن الرشاشات لن تعمل و السياره مغلقة عكس الكاربيراتير فبمجرد الضغط على دواسه البنزين فهو يرش البنزين غير عابىء بالكمية قليله ام كثيره.
قولت اعمل بنصيحة الاخ محمد ممدوح و اغير رشاشات العربيه لرشاشات المحرك
"BMW M40 - 1600 cc"
و هما من نوع اسمه "Bosch" و ده المانى .... و ادى صورته عشان و انت رايح تشترى تبقى عارف انت رايح تجيب ايه .....
طب اشمعنى النوع ده .. اقولك عشان الاصلى بتوعها بيبوظو على 40,000 كم حسب تجربة الاخ محمد ممدوح و هو كان جايبهم اصليين .... تمنهم دلوقتى 1000 جنيه جداد ... و على فكره مش بيتنضفوا بالالتراسونيك "Ultrasonic Waves" حسب كلام الفنى .... يعنى بيترمو من الآخر ....
و على فكره فى ناس بيركبو رشاشات الهيونداى و دول شبه البوش برده بس صناعه كورى مش المانى .... و بيقولو بيوفرو فى البنزين عن رشاشات البى ام ... بس بيخنقو العربيه شويه ... و همه جداد بحوالى 750 جنيه و استعمال حوالى 300 جنيه ...
اتمنى اكون افادك
الموضوع دة قايل كل حاجةاقتباس:
المشاركة الأصلية كتبت بواسطة lutenit030
http://www.nilemotors.net/Nile/102147-a.html
اعراض استهلاك البنزين حاجتين
حساس الشكمان لو تالف
بداية تلف الرشاشات
بتعمل اسكانر وبتعرف السبب من اية
رشاشات الانوس تخينة لو بتسد مش بتنظف بتجيب جديد او استيراد ومش معمرة
بتاعة البى ام تركب مكانها والفيش كمان مفيش مشكلة
ياريت تجيبهم قبل القرار دة مايخرب الدنيا