** اضيف ال i 30 بالسعر ده ولا الافضل بلاش ,, فكـــــرة فالطريق

السلام عليكم ورحمة الله وبركاته
بعد التحية ,,

http://nileup.com/up/uploads/nilemotors_13984441982.jpg

بعد البحث كان في قرار بضم سيارة هتشباك وكان بعد كلام مع ا. سمير واخ غالي عليا هنا
توصلنا للجيتز مانيوال 2011
طبعا نزلت السوق علشان اجيب واحدة ولكن لم اوفق لعربيات جيتز كتيرة الاسبوع ده
ده غير ان الحالة والسعر مش مقتنع بيهم

بأخـتصار وقف صدفة قدام هيونداي i30 موديل 2011 مانيوال لون فيراني عداد 51000 كيلو (مع ملاحظة اني بقدر الموديل ده وبتقبل المانيوال)

وبعد المعيانة المبدائية الحالة كويسة بشكل كبير فرأينا وشكلها بيتي
وهيتم طبعا الكشف فالتوكيل لو في نصيب
علشان نجيب التقرير الوافي عنها بالتفصيل
ولكن نقطة السعر هي المشكلة هو طالب 87 ومصمم وبيتكلم ف الف وخلافه يعني هتقف 85 الف
بحد ادني - وشكل السعر مش هينزل عن كده لانه عاوز يكسب
وانا شايف ان المبلغ كتير هي كعربية كويسة بس مانيوال ومش كتيرة يعني فالسوق السعر لازم يقل
بالاضافة ان الطلب عليها مش كبير زي الالنترا او الماتركس
انا بفضل العربية المميزة الركوبة ولكن بحب الوسطية يعني مخسرش كتير

ده من وجهة نظري ولكن طبعا رايكم اهم عاوز تقيم للسعر ورايكم فالعربية عموما
معروفة بالماتور والثبات والجودة بس فالمقابل مش ممكن يكون في بدائل بالمبلغ ده افضل ولا ايه
مع مراعة اني مش عاوز سيدان لان معايا سيدان وعاوز اضيف عنصر جديد هتشباك
طبعا يكون مميز ومحرك قوي ويكون كويس فقطع الغيار لاني عارف انه هتكون اقل وغالية بعيد عن الماتور فقط

واخيرا في شئ فالرخصة عاوزكوا تشوفوه
المفروض i 30 ايه رقم 250 ده
معلش لاخفاء الارقام علشان لو محصلش نصيب يبقي متخططش خصوصية صاحبها

http://nileup.com/up/uploads/nilemotors_13984441981.jpg

تحياتي ..

غاليا اوى اوى اوى صراحة لو عاوز هاتش باك ممكن بسعر دا تجيب جين2 عالم تانى بمعنى كلمة و فيها روح رياضية و شبابية الى ابعد الحدود و اتوماتك و صوت المتور يطرب دا راى الشخصى تقبل مرورى

غاليه قوي علي عربيه ميني ومانيوال
ماتشوف سانديرو
علي الاقل ادائها هايكون اقوي منها

اقتباس:

---

المشاركة الأصلية كتبت بواسطة hugan

غاليه قوي علي عربيه ميني ومانيوال
ماتشوف سانديرو
علي الاقل ادائها هايكون اقوي منها

---

يا باشا ال i30 افضل بكتييييييييييير من السانديرو يا باشا
ف الثبات و ف التسارع و ف جودة التقفيل و ف الخامات و ف الشكل

لو العربية دى الفئة المانيوال فتحة سقف يبقى 85 مناسب شوية
بفرض انها و فابريكة مش محتاجة مصاريف نهائى

ليه مفكرتش فى جولف 5 ؟
ال i30 هى الالنترا كماتور وفتيس و عفشه تقريبا واحده
الاختلاف فى البودى بتاعها ,, بلسعر دا ممكن تجيب النترا 2008 اوتو او بومه او سيراتو 2009
بس لو مصمم على هاتشبك مش هتلاقى غريها و الجيتز و السيراتو الهاتشباك

اقتباس:

---

المشاركة الأصلية كتبت بواسطة kokowasfy

غاليا اوى اوى اوى صراحة لو عاوز هاتش باك ممكن بسعر دا تجيب جين2 عالم تانى بمعنى كلمة و فيها روح رياضية و شبابية الى ابعد الحدود و اتوماتك و صوت المتور يطرب دا راى الشخصى تقبل مرورى

---

اهلا بيك
لكن بصراحة انا مركبش جين الا جديد كرأي

اقتباس:

---

المشاركة الأصلية كتبت بواسطة hugan

غاليه قوي علي عربيه ميني ومانيوال
ماتشوف سانديرو
علي الاقل ادائها هايكون اقوي منها

---

لا يا باشا كأداء مفيش مقارنة الرينو اضعف
وغير اني مفكرتش فيها
تحياتي ليك لاهتمامك ..

اقتباس:

---

المشاركة الأصلية كتبت بواسطة monamize4

يا باشا ال i30 افضل بكتييييييييييير من السانديرو يا باشا
ف الثبات و ف التسارع و ف جودة التقفيل و ف الخامات و ف الشكل

لو العربية دى الفئة المانيوال فتحة سقف يبقى 85 مناسب شوية
بفرض انها و فابريكة مش محتاجة مصاريف نهائى

---

-لا يا باشا هي بدون فتحة سقف وعلشان كده بقول غالية
لكن حاليا الاهم غالية قد ايه علي ثمنها وهل الخطوة تستحق ام لا
- اخي العزيز blazer دايما بتنورني برأيك فالشراء بخصوص الجولف فالفتيس مخيف ليا والبدائل التانية سيدان
تحياتي ..

اقتباس:

---

المشاركة الأصلية كتبت بواسطة monamize4

يا باشا ال i30 افضل بكتييييييييييير من السانديرو يا باشا
ف الثبات و ف التسارع و ف جودة التقفيل و ف الخامات و ف الشكل

لو العربية دى الفئة المانيوال فتحة سقف يبقى 85 مناسب شوية
بفرض انها و فابريكة مش محتاجة مصاريف نهائى

---

لامؤاخذه يارجاله
اسف
افتكرتها i10

العربية مش بالثبات اللي انتو فاكرينو .. في النهاية دي هيونداي ونفس عفشة النترا واكيد عارفين الالنترا عاملة ازاي

ممكن حضرتك تفكر في سيات ليون موديل 2008 على حسب المبلغ المرصود .. فيات بونتو ايفو .. عربيات كتيرة ممكن تيجي بالسعر ده وتكون هاتشباك

انا شايف ان السعر مش غالى جدا ولا حاجه هو ده تقريبا سعرها فى المانيوال والاوتو منها بيوصل ل 93 و 95

بغض النظر عن السعر انا من زمان عارف ان الـــ i30 مش متوفر ليها قطع الغيار زى باقى الموديلات غير انها مش منتشره بصوره كبيره
هى طبعا عربيه جمليه بس فكر تانى كويس و شوف ايه البدائل المتاحه

اقتباس:

---

المشاركة الأصلية كتبت بواسطة s o p h o s

-لا يا باشا هي بدون فتحة سقف وعلشان كده بقول غالية
لكن حاليا الاهم غالية قد ايه علي ثمنها وهل الخطوة تستحق ام لا
- اخي العزيز blazer دايما بتنورني برأيك فالشراء بخصوص الجولف فالفتيس مخيف ليا والبدائل التانية سيدان
تحياتي ..

---

انت ياباشا الى منورنا دايما:)

اولا فتيس الجولف 5 هو هو فتيس الجيتا و فتيس الاوكتافيا a5 ودا اعتمادى و محصلش منه اى مشاكل بعكس الفتيس ال dsg الى ركب بعد كدا فى الموديلات اللى بعد 2009

و قدامك بدايل اوروبى زى الليون عربيه ملهاش حل و لو عاوز موديل اعلى فى السنه ممكن الابيزا "موديل 2010 كيلومتر قليل اوتوماتيك ممكن 90 الف "

اقتباس:

---

المشاركة الأصلية كتبت بواسطة eng f3lix

العربية مش بالثبات اللي انتو فاكرينو .. في النهاية دي هيونداي ونفس عفشة النترا واكيد عارفين الالنترا عاملة ازاي

ممكن حضرتك تفكر في سيات ليون موديل 2008 على حسب المبلغ المرصود .. فيات بونتو ايفو .. عربيات كتيرة ممكن تيجي بالسعر ده وتكون هاتشباك

---

علي حسب علمي يا باشا ان العربية دي بتبقي علي شاسيه كيا سيد
فده بيفرق عـن الالنترا بالاضافة ان الجنط الي فيها عكس الي بره
عموما وتأكيد لكلامك الثبات هنقول عليه جيد مرتفع بالجنط العادي وليس بالممتاز
وده كويس بالنسبة علي الاقل للجيتز لو بنتكلم علي هيونداي فقط
بخصوص السيات فكرت فيها لكن قليلة والبونتو طبعا هقابل الماتور والتوكيل
تسلم عالرد ..

اقتباس:

---

المشاركة الأصلية كتبت بواسطة j a g u a r

انا شايف ان السعر مش غالى جدا ولا حاجه هو ده تقريبا سعرها فى المانيوال والاوتو منها بيوصل ل 93 و 95

---

بص سعرها جديد فالوقت ده كان من 105 الي 108
يعني بعد اكتر من 3 سنين واستخدام 50 الف كيلو
يبقي مطلوب فيها 88 وبيتنزل الف ولا اثنين !
وصدقني يا عزيزي المانيوال مش لاي حد
ولكن بلغة السوق مش مرغوب حاليا فكل العربيات خصوصا فالزحمة دي
واكيد انت عارف الحكاية دي وفالزحمة الي راكب مانيوال بيكون حالته ايه
تحياتي

العربيه دي ممتازة جداً و سعرها مناسب لو حالتها حلوه و أكشف في التوكيل للتأكد
و العربيه دي تقفيلها تشيكي مش كوري
لو عايز الأفضل منها قطع غيار و برستيج و كماليات و إعادة بيع يبقي البيجو 307 و أستمتع
هتاخد الفرق الأتي
6 إير باج
مالتي فانكشن
مثبت سرعة (و أمكانية تركيب مثبت سرعه بـ1000 جنيه)
فرامل أقوي و abs , ebd
سي دي تشانجر 6 أسطوانات
كمبيوتر رحلات و أعطال
زينون (أمكانيه تغيير الفوانيس بالأصلي الزينون)
بلوتوث
مكن رفع
و طبعا موتور و ثبات و أداء أعلي بكثير من i30
لكن متخدش الـ307 غير بكشف توكيل بـ270 جنيه
بالتوفيق

اقتباس:

---

المشاركة الأصلية كتبت بواسطة blazer

انت ياباشا الى منورنا دايما:)

اولا فتيس الجولف 5 هو هو فتيس الجيتا و فتيس الاوكتافيا a5 ودا اعتمادى و محصلش منه اى مشاكل بعكس الفتيس ال dsg الى ركب بعد كدا فى الموديلات اللى بعد 2009

و قدامك بدايل اوروبى زى الليون عربيه ملهاش حل و لو عاوز موديل اعلى فى السنه ممكن الابيزا "موديل 2010 كيلومتر قليل اوتوماتيك ممكن 90 الف "

---

ربنا يخليك يا باشا
علطول بقول لو الجولف 5 بيتنزل مانيوال مكنتش فكرت لحظة
الابيزا هروح للفتيس وفالاساس انا بروح للمانيوال لتجنب قلق وحاجات فالاوتو
علشان كده دورت علي واحدة 2008 او 2010 الشكل الي بعده مانيوال والتجربة فشلت
واكيد لما تحول للمانيوال هيون متعب بس هتحس بعربية تانية معاك

shiko باشا علشان كلامك قولت اسئل فالقسم وربما يظهر مالك للعربية
- ا / حسام رايك طبعا فالاعتبار ولكن بيجو هتكون مرحلة تانية
تسلموا عالرد ..

اقتباس:

---

المشاركة الأصلية كتبت بواسطة hugan

لامؤاخذه يارجاله
اسف
افتكرتها i10

---

ولايهمك يا باشا ,,

اقتباس:

---

المشاركة الأصلية كتبت بواسطة s o p h o s

-لا يا باشا هي بدون فتحة سقف وعلشان كده بقول غالية
لكن حاليا الاهم غالية قد ايه علي ثمنها وهل الخطوة تستحق ام لا
تحياتي ..

---

التمن محتاج ينزل شوية يا باشا طالما مفهاش فتحة سقف اعتقد حوالى 3-5 الاف
و طبعا استاذ شريف وهبة يفيدك اكتر ف حوار التسعير

العربية على حد علمى انها مشتركة مع الالنترا ف الموتور و اجزاء من العفشة
لكن باقى قطع الغيار مش متوفرة للدرجة و للاسف العربية سوقها مش قوى و مش بياعة

لكنها عربية جميلة و ممتعة خصوصا ان القعدة فيها واطيه شويتين

اقتباس:

---

المشاركة الأصلية كتبت بواسطة monamize4

التمن محتاج ينزل شوية يا باشا طالما مفهاش فتحة سقف اعتقد حوالى 3-5 الاف
و طبعا استاذ شريف وهبة يفيدك اكتر ف حوار التسعير

العربية على حد علمى انها مشتركة مع الالنترا ف الموتور و اجزاء من العفشة
لكن باقى قطع الغيار مش متوفرة للدرجة و للاسف العربية سوقها مش قوى و مش بياعة

لكنها عربية جميلة و ممتعة خصوصا ان القعدة فيها واطيه شويتين

---

كلامك مظبوط
4 عوامل سلبية : الانتشار القليل وان قطع الغيار توكيل ومش زي باقي هيونداي
وان السوق مش بيفضل الهتشباك زي السيدان واخيرا انها مانيوال
وكل ده ومصمم لحد اليوم علي نفس السعر ومش عاوز ينزل ل 85
العربية دي الي هيخدها هيكون هاوي لكن مش للدرجة دي السعر
كده يزود ويركب زيرو فرأي
ومازالنا فبردوا فلحظة تفكير والموضوع مازال مفتوح للاراء :U_thin1[1]:
تحياتي يا غالــي .. ّ

حتي الان لم يبيع ومن ناحيتي مش موافق عالسعر
وشايف انها من 82 الي 83 حلو جدا عليها
بالاضافة ان الاراء هنا غير مشجعة من ناحية قطع الغيار
وقلة المعلومات المتوفرة
وربنا يوفق للخير

اقترح عليك


كيا بيكانت/و 2014

اتوماتيك او مانيوال بس افضل الاتوماتيك


المانيوال في حدود 75 ل 85

والاوتو من 90 ل 94


و الاسعار تقريبا

وليك الاختيار :http://alltopnewcars.com/wp-content/...ront-right.jpgd

تسلم يا باشا
بس البيكانتو مش هتنفع لاني في شروط للعربية
مش مجرد هتشباك فقط
خالص تحياتي ..