لو عايز ابعت طرد لبره مصر هايكلفنى كام ؟

**محمد مجدى** · 25-04-2014 08:01 PM

السلام عليكم لكل الاعضاء المحترمين

لو عندى مينى اى باد وعايز ابعته لامريكا ؛ عايز اعرف حاجتين ؛ الاولى هايكلفنى كام تكاليف شحنه ؟ تانى حاجة عايز اعرف ايه هى ارخص شركة شحن ابعت الاى باد عليها ؟

**elpasha1** · 25-04-2014 09:52 PM

بصراحة انا كنت ببعت بالبريد السريع المصري (البوسطة)
كنت ببعت كتب ودا ارخص مكان تبعت منه طرود
السعر حسب بالوزن

**Salamonti** · 26-04-2014 11:26 AM

لو هاتبعتلهم فلوس وهما يشتروا الآيباد من عندهم هايكون أرخص كتيييييير من سعره هنا :)

**abo_hosni** · 26-04-2014 04:37 PM

المشاركة الأصلية كتبت بواسطة elpasha1

بصراحة انا كنت ببعت بالبريد السريع المصري (البوسطة)
كنت ببعت كتب ودا ارخص مكان تبعت منه طرود
السعر حسب بالوزن

السؤال بقى:

هل يوجد خدمة تتبع ؟

هل توجد رسوم او جمارك معينة حسب نوع السلعة المرسلة؟ و كيف يتم حسابها؟

ما انواع التأمين أو الضمانات المتاحة من البريد المصري؟

**M R. Z E C O** · 26-04-2014 04:43 PM

بص انته مش هتبعت كتاب ولا قصة انتا لازم تضمن سلامة الشحنه ..ممكن تفتح موقع ارامكس انصح بيها لرخص التمن و dhl وفيديكس والاغلى وتشوف النكلفة بالظبط بالوزن والابعاد والسرعه بس لازم تبقى عارف العنوان هناك بالظبط
انما انا مبثقش في البريد للحجات الغاليه والثمينه

**wghazi** · 26-04-2014 05:24 PM

انا لسه باعت طرد لانجلترا وبعته بالبريد السريع طبعا هو ارخص كتير من ال dhl او ارامكس
انا كنت سالت فى الاامكس الاول قالولى على حسب الوزن والكيلو الاول تكلفته 440 جنيه فى البريد السريع كان الطرد 12 كيلو واتكلف 900 جنيه وفى جوه مكتب البريد اللى فى العتبه موظف من الجمارك بيشوف انت بتبعت ايه لكن مافيش جمارك على اللى بيتبعت بره مصر الجمارك على الوارد بس
بصراحه انا كنت خايف برضه من البريد السريع خصوصا انى كنت ببعت حاجات زجاج وسهله الكسر لكن بعد ما الطرد وصل سالت اذا كان سليم ولا لا لقيت الاجابه ان الكرتونه مافيهاش خدش
انا بعته يوم خميس ووصل الاثنين يعنى اخد 4 ايام بما فيهم الاجازات سواء هنا او فى انجلترا

**محمد مجدى** · 26-04-2014 05:27 PM

المشاركة الأصلية كتبت بواسطة elpasha1

بصراحة انا كنت ببعت بالبريد السريع المصري (البوسطة)
كنت ببعت كتب ودا ارخص مكان تبعت منه طرود
السعر حسب بالوزن

المشاركة الأصلية كتبت بواسطة salamonti

لو هاتبعتلهم فلوس وهما يشتروا الآيباد من عندهم هايكون أرخص كتيييييير من سعره هنا :)

المشاركة الأصلية كتبت بواسطة zeco

بص انته مش هتبعت كتاب ولا قصة انتا لازم تضمن سلامة الشحنه ..ممكن تفتح موقع ارامكس انصح بيها لرخص التمن و dhl وفيديكس والاغلى وتشوف النكلفة بالظبط بالوزن والابعاد والسرعه بس لازم تبقى عارف العنوان هناك بالظبط
انما انا مبثقش في البريد للحجات الغاليه والثمينه

الف شكر لكم على الرد والمساعدة ؛ انا اتصلت النهاردة وعرفت سعره كام وهاقول الاسعار علشان لو اى حد عايز يبعت حاجة يبقى عارف

الاسعار دى فى كل شركات الشحن لاى طرد لغاية نص كيلو فيما اقل ويكون رايح لامريكا

شركة فيديكس هايتكلف 417 جنيه

شركة دى اتش ال 661 جنيه

البريد المصرى السريع (ايجى ميل ) 215 جنيه

كل شركات الشحن بتبعت ليك مندوب ياخد الطرد من البيت ؛ الا البريد المصرى لازم تروح لهم ومعاك الطرد

**abo_hosni** · 26-04-2014 08:01 PM

عايزين نشجع البريد المصري :)

لكن ماحدش يعرف هل فيه tracking تتبع ؟
و ما الضمانات اللي بيتخذها البريد لتأكيد وصول الشحنة (بريد مسجل/علم الوصول) أو غيرها؟
و هل بيكون معاك من البريد ورقة تفيد بنوع/قيمة السلعة المرسلة كنوع من الإثبات عليهم و لمصلحتك؟

معلش أسئلة ممكن بدائية لكن ما جربتش الموضوع بصراحة. و شكراً مقدماً

**M R. Z E C O** · 26-04-2014 08:08 PM

المشاركة الأصلية كتبت بواسطة abo_hosni

عايزين نشجع البريد المصري :)

لكن ماحدش يعرف هل فيه tracking تتبع ؟
و ما الضمانات اللي بيتخذها البريد لتأكيد وصول الشحنة (بريد مسجل/علم الوصول) أو غيرها؟
و هل بيكون معاك من البريد ورقة تفيد بنوع/قيمة السلعة المرسلة كنوع من الإثبات عليهم و لمصلحتك؟

معلش أسئلة ممكن بدائية لكن ما جربتش الموضوع بصراحة. و شكراً مقدماً

في تتبع بالمكان
بيتهيالي انه ممكن يروح على شحن الوثائق بيبقى ارخص بس ليها طريقة انا مش عارفها
حاول تسالهم عن انواع الشحن كلها

**محمد مجدى** · 26-04-2014 08:12 PM

المشاركة الأصلية كتبت بواسطة abo_hosni

عايزين نشجع البريد المصري :)

لكن ماحدش يعرف هل فيه tracking تتبع ؟
و ما الضمانات اللي بيتخذها البريد لتأكيد وصول الشحنة (بريد مسجل/علم الوصول) أو غيرها؟
و هل بيكون معاك من البريد ورقة تفيد بنوع/قيمة السلعة المرسلة كنوع من الإثبات عليهم و لمصلحتك؟

معلش أسئلة ممكن بدائية لكن ما جربتش الموضوع بصراحة. و شكراً مقدماً

اه بيبقى فيه تتبع ؛ انا بيجيلى طرود من امريكا وباخد تراك نمبر وبدخل على موقع البريد المصرى وبعرف هو وصل فين بالضبط ؛ اول الطرد مابيجى اسكندرية بلاقى المندوب بيتصل بيا على الموبايل ؛ وبننسق مع بعض يجيلى امتى
بس اهم حاجة اللى هايبعتلك حاجة من هناك مايبعتش معاها الفاتورة او اى حاجة تدل على سعرها والا هاتدفع مبلغ محترم فى الجمارك

الموضوع: لو عايز ابعت طرد لبره مصر هايكلفنى كام ؟

LinkBack

أدوات الموضوع

عرض

-

-

-

-

-

المواضيع المتشابهه

عايز ابعت email ل samsung korea

عايز ابعت حاجة اسكندرية دلونى على شركة شحن محترمة

عايز جنوط 14 اسبور ابعاد 4 * 100 يركبو علي جولف 1 عريضه و يا سلام لما بارزه لبره ...

عايز ابعت جهاز كمبيوتر من بره مصر صعب ولا سهل وايه الخطوات

عايز ابعت شكوى لوزير الداخلية و عايز ارفع عليه قضية !

الكلمات الدلالية لهذا الموضوع

المفضلات

المفضلات

ضوابط المشاركة