الموضوع: بطارية اللأوبترا باظت و إيه المشكلة

إمبارح عمى كلمنى الصبح و قالى بطارية عربيته (أوبترا 2008 أوتوماتيك)نايمة مافيهاش الهواء و هر راكنة من 3 أيام فى جراج فيلته و مش عارف يعمل إيه
قلتله: إعمل وصلة من أى حد جانبك و دور و بعدين روح التوكيل ،
قالى: العربية داخله بوشها و عايزة مش أقل من 15 متر كابل عشان يطول
قولتله: مور العربية و طلعها
قالى: العربية على الـ P و بدوس فرامل مابترجعش على الـ N
قولتله: شئ طبيعى الـ Solonoid بيشتغل كهرباء و البطاريه نايمه
قالى : طب و العمل ؟
قولتله: طلع المفتاح و حطه فى الفتحة اللى موجودة فى الفتيس من الأمام و إضغط على الـ Solonoid مانيوال و رجع الفتيس و إنت ضاغط
قالى: تمام الله ينور عليك أهو رجع أهوه. هتصرف فى الشحن و أكلمك
و بعدها لقيته بيتصل بيه و بيقولى إنه دور العربية بعمل واصله و دلوقتى هو سايبها دايرة لمدة ساعة و حاطط حجر على دواسة البنزين علشان يشحن كويس قولتله تمام و بكره ما تنساش تروح التوكيل
و النهارده إتصل بيا الصبح و قالى إنه راح التوكيل و بعد الكشف قالوله عيب بطارية و غيروله البطارية و عليها ضمان سنة كمان
بصراحة ناس محترمة جدا و اللى إستفادته من تجربتى مع منصور إن التوكيل المحترم أهم من العربية المحترمة بدليل إن فى عربيات محترمة كتير والتوكيل مش مظبطها .
معلش وجعت دماغكوا بس حبيت أحكيلكم لتعم الفائدة

They replaced it by another ACDELCO dry type battery like original with one year warranty