صوت الموتور بقى عالي بعد ما غيرت بوجيهات و زيت

**mosman** · 26-04-2014 12:30 AM

أنا عندي مشكلة في لانسر بومة 2009 أوتوماتيك ....صوت الموتور بقى علي بعد ما غيرت الى زيت نصف تخليقي Wolf ExtendedTech 10w40 و كنت بستخدم قبل كده زيت تخليقي بالكامل Fully synthetic 5w40 و غيرت معاه بوجيهات NGK BKR7 واللي كان فيها قبل كده NGK BKR6 ....السببـ في علو صوت الموتور هو الزيت ولا البوجيهات ؟؟؟ بس فيه ملاحظة ع الماشي كده إنه العربية بقى السحب بتاعها أحسن شوية من الأول ....منتظر اجاباتكم يا جماعة

**moumen_shafik** · 26-04-2014 12:35 AM

على حسب العلو جامد ولا لا
وعلى حسب نوع العربيه
يعنى لو العربيه التكيهات ضغط زيت يبقى اكيد العلو ده من الزيت
لو العربيه التكيهات عاديه يبقى مش من الزيت
واكيد حد بيفهم ف الانسر هيفيدك

**mosman** · 26-04-2014 12:44 AM

العربية لانسر بومة 2009 أوتوماتيك عاملة 53 ألف كيلو ....و الموتور متلعبش فيه قبل كده في موضوع التاكيهات ده ....يعني كل حاجة في العربية زي ما هي من ساعة ماجبتها ....باعمل الصيانة بإنتظام كل 10 ألاف كيلو .....أعرف منين موضوع التاكيهات ده ؟؟

**mahmoud_ali** · 26-04-2014 02:11 AM

وايه سبب تغييرك من زيت تخليقى لزيت نصف تخليقى المفروض تفضل ماشى على الزيت التخليقى لحد ما الموتور يخف

**mosman** · 26-04-2014 03:50 AM

محمود على ....للأسف يا باشا ....لما رحت أغير الزيت ماخدتش بالي غير بعد ما مشيت انه نصف تخليقي .......و لما سألت هنا في منتدي زيت المحركات ...قالولي مفيش ضرر كبير ....كمل عليه لحد 7 ألاف كيلو و ابقى نزله عشان حرام الفلوس تضيع على الأرض ....و ابقى غير الفلتر معاه ....السؤال دلوقتي ...علو صوت الموتور ده ...زيت ولا بوجيهات ؟؟؟