الموضوع: التطور الطبيعي للشاهين

كل الجديد في الفئه الشعبيه متقارب
لوجان
لانوس
فيرنا
اسبرانزا
بي واي دي

لو أنت قلت الكلام ده في اى منتدى تانى حتتقطع يا معلم و حتتفرم و حتلاقى مية مشاركة تقول أنك مش فاهم و ياسلام لو بصوا و لمحوا العربية اللى معاك أيه أقول لحضرتك حاجة أنا أكتر واحد ممكن يأكد الكلام بتاع حضرتك لأن أنا كان معاى شاهين كنت جايبها على الزيرو و قعدت معايا عشر سنين كانت بدهان المصنع عملت بيها حادثة و بعتها و هي مخبوطة و لا قربت منها عايز حضرتك تعمل مقارنة سريعة بين الشاهين واللوجان اللى يقوللك أن الشاهين دى عربية جامدة خده على قد عقله و اللى يقوللك ان فراملها جامدة و ما بتزحفش يبقى ما ساقهاش المهم الخلاصة أن صاحب الشاهين واللادا هو نفسه صاحب الكليو واللوجان نفس الكونسبت نفس الفكر عربية أوربية أعتمادية ما يهموش ناعمة أو خشنة و عربية عائلية و قطع الغيار متوفرة نفس الشخص اللى جاب الشاهين هو نفسه اللى جاب اللوجان بيفكر بعقله ما بيحبش السرعة و لا المنظرة عربية شكلها عفى عليه الزمن لكن هو متمسك بيها الكلام عن اللوجان الشكل القديم أنا في الشاهين كان سنويا أغير بارتين و سكاترا و مقصين و المشكلة الفظيعة كانت مشكلة الشاكوش و غطا الأسبراتير في أي وقت العربية تروح واقفة منك المهم ماعلينا الشاعين عملت بيها 100 ألف كيلو و ماحدش قرب ناحية الكاربتير ولا حط في مفك ينضف أه يتظبط لأ مشكلة الشاهين أن قطع غيارها الميكانيكية كانت ولازالت مضروبة عند الجميع كل تجار قطع الغيار يحلف لك على المصحف أن القطعة دى أصلية المشكلة ان كل حاجة بتبوظ في العربية بيركب مكانها حاجة مضروبة و تقعد في دائرة مغلقة مابين تاجر قطع الغيار و الميكانيكى (هذا ملا يحدث فى الرينو )المشكلة انى كنت بأوديها التوكيل لحد ماالتوكيل في غمرة قفل و كنت مصمم على ألا تخرج العربية بره التوكيل المهم أن العربية اللوجان مش عيب أنها أمتداد للشاهين بالعكس دى فخر لها لأن معنى كده أن المالك عاقل و رب اسرة و بيفكر كويس وعايز عربية أعتمادية

أحنا في قسم اللوجان راضون باختياراتنا و الحمد لله و نشكر الله على ماقسمه لنا جرب بقى خش على نيسان و أتكلم عن الصنى و شوف اللى حيحصل لك و لا الجيلى أمجراند أحنا عارفين أن اللوجان ليست هي العربية المثلى و نتقبل النقد بصدر رحب لأننا و اثقين من نفسنا وشكرا للجميع و يارب يديم علينا العقل