دايو ليجانزا2000

**sobhym24** · 26-04-2014 02:51 AM

يااخونا عندي عربيه دايو ليجانزا موديل 2000 مثبوت في الرخصه 1600ccمشكلتها بتبطل ع السلانسيه وفي صوت هبده في العربيه مع الغيار هيه اتوماتيك طبعا وقرفاني في قصه التبطيل ده كمان طلمبه البنزين فيها مشكله ومش لاقي اصلي واحد قالي ده مشكله في الكنترول والتاني قالي في حساس الشكمان واحد قالي في الجير بوكس اعمل ايه مع العلم ان العربيه سحبها شديد بتمشي 190وراسيه وفبريكه من جوه وفخمه جدا ياريت حد يفدني لاني مش عاوز ابعها الحل اغير ماتور بالكنترول بتاعه بالفتيس ولا اعمل ايه مع العلم ان الماتور كويس جدل في سحبه وعزمه شديد ومش بياكل بنزين

**moumen_shafik** · 26-04-2014 03:23 AM

المشاركة الأصلية كتبت بواسطة sobhym24

يااخونا عندي عربيه دايو ليجانزا موديل 2000 مثبوت في الرخصه 1600ccمشكلتها بتبطل ع السلانسيه وفي صوت هبده في العربيه مع الغيار هيه اتوماتيك طبعا وقرفاني في قصه التبطيل ده كمان طلمبه البنزين فيها مشكله ومش لاقي اصلي واحد قالي ده مشكله في الكنترول والتاني قالي في حساس الشكمان واحد قالي في الجير بوكس اعمل ايه مع العلم ان العربيه سحبها شديد بتمشي 190وراسيه وفبريكه من جوه وفخمه جدا ياريت حد يفدني لاني مش عاوز ابعها الحل اغير ماتور بالكنترول بتاعه بالفتيس ولا اعمل ايه مع العلم ان الماتور كويس جدل في سحبه وعزمه شديد ومش بياكل بنزين

اولا العربيه مشكله السلانسيه دى ممكن تعلى بوابه البنزين بسهوله ان شاء الله وتتحل
ثانيا هبده الغيار دى لازم يكون الصوت معروف مصدره وغالبا بيكون الكوبلن مش مربوط كويس حصلت معايا كتير
وبالنسبه لطرمبه البنزين لو مش لاقى الاصلى هاتلها موتور المانى الى بيبقى جواها وشوف حد بيفهم يركبهولك كويس انا سألت عليه قبل كده قالولى ب 180 الاصلى
بالنسبه للكنترول حضرتك عندك لمبه اعطال قايده فى الطابلوه؟ حضرتك اول حاجه هتعملها فى الحوار ده كله انك تروح لحد بتاع كمبيوتر يكشفلك على الاعطال لو العربيه فيها كمبيوتر تقريبا
وان شاء الله هتطلع حاجه بسيطه
حرام ان انت تغير موتور بفتيس بكنترول عشان المشاكل الهايفه دى مع العلم ان الموتور الى هيجى الله واعلم هيبقى عامل ازاى وهيبقى حالته ايه هيبقى انت وحظك
ربنا يوفقك ان شاء الله وتحل الموضوع بس شوف حد بيفهم يكشفلك على السياره كويس
بالتوفيق ان شاء الله

**sobhym24** · 26-04-2014 02:06 PM

شكرا علي الرد بس انا عاوز اعرف واحد يكون كويس في الحرفيين ولا حاجه قالولي علي واحد اسمه عسكر هناك بتاع اعطال كنترول

**ضى القمر** · 26-04-2014 08:27 PM

هبدة الماتور ممكن القواعد

**sobhym24** · 26-04-2014 09:08 PM

الهبده مع تغيير السرعه وبتختفي بعد شويه يعني الفتيس بياخد سرعته بعد كده الماتور يكتم الهبده ديه

**JAM** · 27-04-2014 01:04 AM

إوعى تعلى العربية عن طريق المسمار اللى فى البوابة
وعلى رأى محمد ممدوح
اللى ميعرفش يقول هجص

**moko_2004** · 27-04-2014 02:14 AM

تبطيل على السلانسية في حساس وحش و غالبا حساس map او maf
هبدة مع النقلات "قواعد فتيس - قواعد ومتور - نقص زيت فتيس " دى
طالما العربية بتجرى وتسحب و استهلاكها مضبوط و تمام يبقى ابعد عن الكنترول تماما و متقربش منة
انصحك علشان تتأكد من الحساس البايظ تكشف كومبيوتر

تقبل مرورى