لازم جديد ؟؟؟
عرض للطباعة
لازم جديد ؟؟؟
verna vern a
المقارنه بين الفيرنا واللوجان من وجهة نظري الفيرنا تكسب
بس لو تقدر على اللانسر ذي ما كنت بتفكر يبقى افضل
لانسر طبعا
انا لسه شاري فيرنا ٢٠١٤
هقولك عيوبها اللي لقيتها ومميزاتها علشان تشتري عن اقتناع
العيوب اللي لقيتها فيها ان العربيه اول ما استلمتها بترمي يمين وبترعش بعد سرعه ١١٠ بالظبط
والغريب ان الرعشه بتقل جااامد بعد ١٤٠
العيبين بعد صيانه الالف تم علاجهم مؤقتا ولاكنهم رجعوا تاني
دي عيوب مصنعيه وممكن متقابلهاش ان شاء الله
عيوب اساسيه
العربيه خفيفه (بس طبعا مش زي ما الناس بتقول لاني جربتها قبل كده في ملفات علي طريق مصر السويس علي سرعه ١٢٠ وكانت ممتازه وانارده اتجرات اكتر وخدت ملفين كده علي ١٥٠ لاني كنت بشد مع اوبترا والعربيه تمام معايا بس بصراحه كانت خفيفه شويه) انا بقولك كده لان الناس هنا بتحسسك ان العربيه من خفتها هتتقلب وهي واقفه
العربيه ثبتها ضعيف بس مش لدرجه فوق ال ١٢٠ ضايعه
الفرامل عاديه زي اي عربيه مفيهاش abs
ده بجانب سوق التقفيل
وكمان حاجه انها تاكسي كتير ممكن حاجه زي دي تضايقك ( علي حسب دماغك )
المميزات
عربيه وحش في الطريق وتحس الناس بتعملك حساب وانت ماشي
جرايه جدا
تكيفها كويس ومبيأثرش اوي علي سحبها
يعني انا لما شديت مع الاوبترا علي ١٥٠ و ١٦٠ كنت مشغل التكييف ومفيش مشاكل
عفشتها ما شاء الله كويسه جدااا
عربيه في مجملها شبابيه وبتديك الاداء المطلوب
وهي جميله جدا بالنسبه لسعرها ( العربيات كلها مولعه )
بالنسبه للوجان مش هقدر افيدك بس ممكن حد جربها يقولك
انا شخصيا باميل للفيرنا جدا
كانت عندى وجوزى حبيبى اطضر يبيعها نظرا لظروف البلد وزعلت عليها جدا
والله كانت معايا خمس سنين ولا اشتكيت من اى حاجة فيها وانا من الناس اللى غاوية جرى وغرز وبصراحة كانت بتسعفنى جدا -وطبعا جوزى كان بيتخانق معايا كتير بسبب الموضوع ده-ولما بعناها ماخسرناش فيها كتير وبعدين حضرتك بتقول انك مجربها
لو انت مرتاح لتجربتك معاها يبقى ماتحيرش نفسك وتوكل على الله وهات الفيرنا
لكن نصيحة لو استقريت على الفيرنا انك تغير الجنوط اول ماتستلمها
كدة هاتفرق مع حضرتك كتير جدا