الموضوع: محتار يا جماعة

verna vern a

المشاركة الأصلية كتبت بواسطة shiko85

لازم جديد ؟؟؟

اكيد طبعا لازم جديد لسبب بسيط - ان اى مستعمل تجيبه من حد متكونش تعرفه وعارف انه امين هيلبسك اى خوازيق عنده فالعربية مش هيقولك عليها - الراجل عاوز يبيع ويخلص اكيد مش هيقول اللى فيها الا لو راجل محترم وده نادر متلاقيه

المشاركة الأصلية كتبت بواسطة mhkorayem

طبعاً اللانسر أفضل واختيار احسن بلا نقاش
بس كلام ان قطع غيارها البومه رخيصه وزي الفيرنا الكلام ده مش صح خالص ولا يمت للواقع بصله أسعار قطع غيار البومه غاليه وزيها زي الشارك تقريباً وفي قطع في البومه اغلى من الشارك كمان

عارف ان قطع غيار البومة مش رخيصة - انا اصلا بقالى شهر عمال اعمل مقارنات بين العربيات واصلا البومة متستاهلش ال 140 الف اللى يتدفعو فيها - هى نطت سبع تلاف ونص مرة واحدة عشان الناس لسه بيتهبلو عليها وهتبطل تنزل انما هى متستاهلش السعر ده خالص

لانسر طبعا

انا لسه شاري فيرنا ٢٠١٤
هقولك عيوبها اللي لقيتها ومميزاتها علشان تشتري عن اقتناع
العيوب اللي لقيتها فيها ان العربيه اول ما استلمتها بترمي يمين وبترعش بعد سرعه ١١٠ بالظبط
والغريب ان الرعشه بتقل جااامد بعد ١٤٠
العيبين بعد صيانه الالف تم علاجهم مؤقتا ولاكنهم رجعوا تاني
دي عيوب مصنعيه وممكن متقابلهاش ان شاء الله
عيوب اساسيه
العربيه خفيفه (بس طبعا مش زي ما الناس بتقول لاني جربتها قبل كده في ملفات علي طريق مصر السويس علي سرعه ١٢٠ وكانت ممتازه وانارده اتجرات اكتر وخدت ملفين كده علي ١٥٠ لاني كنت بشد مع اوبترا والعربيه تمام معايا بس بصراحه كانت خفيفه شويه) انا بقولك كده لان الناس هنا بتحسسك ان العربيه من خفتها هتتقلب وهي واقفه
العربيه ثبتها ضعيف بس مش لدرجه فوق ال ١٢٠ ضايعه
الفرامل عاديه زي اي عربيه مفيهاش abs
ده بجانب سوق التقفيل
وكمان حاجه انها تاكسي كتير ممكن حاجه زي دي تضايقك ( علي حسب دماغك )
المميزات
عربيه وحش في الطريق وتحس الناس بتعملك حساب وانت ماشي
جرايه جدا
تكيفها كويس ومبيأثرش اوي علي سحبها
يعني انا لما شديت مع الاوبترا علي ١٥٠ و ١٦٠ كنت مشغل التكييف ومفيش مشاكل
عفشتها ما شاء الله كويسه جدااا
عربيه في مجملها شبابيه وبتديك الاداء المطلوب
وهي جميله جدا بالنسبه لسعرها ( العربيات كلها مولعه )
بالنسبه للوجان مش هقدر افيدك بس ممكن حد جربها يقولك