البيت عندى قرر ميجبش عربية غير بعد الانتخابات تخوفا من الحرب الاهلية اللى هتحصل بعدها كده معايا شهر كمان افكر كويس قبل ملبس نفسى فى عربية ما تبقى لى من عمر
كنت الاول منشن عالشارك عشان عربية ثابتة و عمرها طويل مع ان سعرها هيقطم وسطى بعدين تراجعت عشان قطع غيارها مولعة
قررت بعدها اجيب فيرنا خصوصا انى كان معايا موديلين ليها ومجربها كويس وعارف حتى خوازيق الموديل الجديد من مواضيعكو وكيفية التعامل معاها بس لقيت كل اصحابى مجمعين انها عربية ضايعة ومتستاهلش الفلوس اللى تدفع فيها
دلوقتى المقارنة بين فيرنا ونيو لوجان مانيوال ب 86 يعنى فرق 5000 - مع العلم ان قطع غيارها اغلى مالفيرنا ومش مرطرطة زيها فى كل حتة
اتعشم ان اى حد يقدر يساعدنى فى قرارى من غير تعصب او تحيز بسبب امتلاكه واحدة من العربيتين