حادثة تثبيت على طريق العين السخنة

**ramymechanics** · 26-04-2014 06:51 AM

من يومين حصلت حادثة تثبيت لمهندس اسمه محمود النجار (زوجته زميلة اختى فى الشغل) وهو مهندس فى أوراكل oracle فى الكيلو 60 بعد الكارتة فى الطريق الراجع من العين السخنة ... المعتدين على السيارة كان معاهم فيرنا بيضاء وهو سمع صوت صفارة فى الكاوتش (حسب رواية الشهود اللى كانوا معاه) ركن على جنب ونزل فجأة رجع يجرى وركب العربية اما شافهم قفلوا عليه الطريق بعربيتهم واما حاول يقفل الباب حطوا الآلى بين الباب والقايم وضربوه بالنار فى راسه والموضوع موجود على بوابة الشروق بعدها عدىى عليهم ناس قالولهم هم وصلوا لكم دول قلبوا من الموبايلات والفلوس من شوية يعنى البهوات رايحين جايين بيثبتوا على الطريق عادى جدا
نفسى أفهم ازاى تحصل حادثة زى دى على طريق الجيش حاطط فى مدخله ومخرجه كمين وانا رايح الغردقة رغم ان كان معايا ستات فضل العسكرى يفعص فى الشنط تقوم عربية بآلى وكمان نص ساعة بيتصلوا بالشرطة والاسعاف محدش رد عليهم من أساسه ؟؟
الواحد يقول ايه بس ... أستغفر الله العظيم المرحوم مراته المفروض تولد كمان اسبوع ... حسبى الله ونعم الوكيل

**أبو آسر** · 26-04-2014 08:18 AM

حسبنا الله ونعم الوكيل
أنا قرأت الخبر ده فعلا على صفحة نايل موتورز على الفيس
اللي مجنني ازاي طريق زي ده فيه بوابات دخول وخروج يحصل فيه كده
يعني مفروض المجرم ده عارف إن لو اتبلغ عنه مش هيعرف يعدي أي بوابة ويخرج من الطريق لأنه ملوش مخارج تانية فكون إنه تجيله جرأة على عمل كده يبقى على الدنيا السلام
حسبنا الله ونعم الوكيل أرواح الناس بقت رخيصة أرخص من المية ملعون أبو السياسة لأبو الحكام لأبو كل الخونة وكل اللي مقصرين في شغلهم وتسببوا في جرأة المجرمين وإزهاق أرواح الأبرياء بكل سهولة كده

**starlanos** · 26-04-2014 08:36 AM

الله يرحمة
انا سمعت مرة حاوية كانو السواق والمندوب ركنو ونامو علي الطريق طلعو عليهم قتلوهم وسرقو الي في الحاوية

ومرة تانية سمعت من واحد بس بقالها كتير كان في رتبة معدي لقه عربية عاملة حادثة وعربية راكنة وواحد بينقذها الي بينقذه دفع غرامة الفين عشان وقف والتاني مش فاكر دفع كام

الي كنت اعرفة لما حد يقف او عربيتة تعطل بيدفع غرامة
والله واعلم

اما الي اتقتل ربنا يرحمة
الجيش والشرطة مش فاضين الا للارهاب

**buisnessman** · 26-04-2014 01:23 PM

البوابات اللي عاملينها دي دي عاملينها عشان يوقفو الناس ياخدو منها فلوس بس ربنا ياخدهم أنا بعدي من الطريق مرة كل شهر عمرهم ما فتشو العربية
أما الطريق نفسه ففيه مخارج بتودي لطريق السويس يعني مش لازم تعدي على البوابات

**المنسي** · 26-04-2014 01:53 PM

حتى طريق السخنة ......... مفيش فايدة

**Eng.Osama.Afifi** · 30-04-2014 03:48 PM

ألا لعنة الله على الظالمين
ربنا يرحمنا برحمته ويفرج عنا من القرف إللي إحنا فيه ده

**ahmed1981** · 30-04-2014 04:17 PM

حسبنا الله ونعم الوكيل
الجيش مشغول بحكم مصر
والشرطة مشغولة بحماية النظام السياسي المستولي على السلطة

المشاركة الأصلية كتبت بواسطة starlanos

الجيش والشرطة مش فاضين الا للارهاب

غريبة
مكنش في إرهاب من يناير 2011 لغاية يونيو 2013
وكان البلطجة والتثبيت يومي في عرف المصريين

يا ترى كان الجيش والشرطة مشغولين بإيه ؟

ممكن يكونوا مشغولين بتنظيم صفوف فرع البلطجية في الوزارة ؟
إحتمال

ـ