الموضوع: تم بحمد الله عمل جروب لمالكي اسبيرانزا m11-m12

متابعين فيه ان شاء الله
و بالتوفيق لجميع ملاكها ، هيا عربيه ممتازه مع اني طول عمري شايف ان ابو الفتوح ظلمها في موضوع الدعايه
لانها لو كانت واخده حقها أعتقد كانت هتعمل شغل جامد في السوق نظراا لامكانياتها الكبيره
و الي بدوره سبب إن في قطع غيار ليها أعتقد مش موجوده إلا في التوكيل و كمان ساعات بيقولوا في قطع غيار مش موجوده حاليا و ده خوف نااااس كتير إنهم يشتروها بسبب نقص قطع غيارها

و الله يا أستاذ hemaa_82
أنا كنت ساعات كتير بشوف أعضاء بيكتبوا عن إنهم و هما بيعملوا الصيانه للعربيه
ساعات كانت في بعض قطع الغيار كانت بتكون مش موجوده في التوكيل و التوكيل بيقول لزمايلنا الي معاهم العربيه إنهم طلبوها و لسه ما وصلتش و أفتكر تكرر الموضوع ده في أكتر من موضوع في المنتدي هنا و منتديات تانيه
يا ريت لو في حد من الاعضاء الي معاه العربيه معانا في المنتدي يكلمنا عن الموضوع ده و هل كان في قطع غيار مش بتبقي موجوده ، و هل كل أجزاء قطع غيار العربيه بتكون موجوده بره فعلا و لا لأ

السلام عليكم و رحمة الله اخوكم من مالكي اسبرانزا m 11
ارغب في تحزير الاعضاء من التعامل مع محلات الجمال بالاسكندرية
حيث قمت بشراء اسطوانه و ديسك و بلية و سير كاتينة و ثلاث بليات
و بعد التركيب حدثت رعشة في العربية علي الاول يعني الديسك رايح في داهيه
قلت الحمد لله
بعد يوم واحد سمعت صوت غريب في الموتور رحت مركز الصيانه الي بتعامل معاه و اكتشف ان بليه سير الكاتينة الجديدة فرطت قمت مركب القديمة تاني و قلت الحمد لله
اتجهت الي المحل للاستفسار انكر تماما ان البضاعة دي من عندة مع العلم اني زبون دائم
حيث انني املك السياره منذ عام تقريبا
خلال هذا العام حدثت مشكلة في دائرة مياه التبريد فقنت بتغيير الاربه من عند الجمال حدثت مشكله اخري و هي دخول هواء الي الريداتير بسب سوء الاربه مما ترتب عليه انفجار خزنه الريداتير الفبريكة فقمت بتغييره و قلت حسبي الله و نعم الوكيل حسبي الله و نعم الوكيل حسبي الله و نعم الوكيل حيث انني كنت اتوجه الي هذا التاجر الجشع ثائرا عند كل مشكله ويقوم هو باتهام المركز بعدم الخبره و قد اتضح لي مؤخرا ان مشاكلي العديده خلال هذا العام مع سيارتي الجميلة
هو سؤ قطعه الغيار و الحمد لله علي كل حال
فاحزروا التعامل مع هذا التاجر الجشع الذي لا يرعي ضميره و همه الوحيد هو كسب المال و توحيه الاتهامات الي مراكز الصيانه