الموضوع: ممكن مساعده من الناس الى مركبه جنوط 15 لانوس ؟

المشاركة الأصلية كتبت بواسطة batviser

مبدئيا انا مش عاوز اعمل اى تعديل فى العربيه ... لا نفخ شفايف و لا رفارف و لا غيره ...

لازم تتنى شفة الرفرف

ثانيا مش عاوز الكاوتش الى هركبه يحك لا فى الرفرف و لا فى المساعد و لا فى اى حته و لا مع المطبات و النقر و الكلام ده ...

متحطش امل كبير على الموضوع دة...

ثالثا ...انا عملت بحث مطول عن مواصفات الجنط و دى المعلومات الى لاقيتها ... يا ريت لو فيها حاجه غلط حد يقولى ...


Diameter : 15 inch
Width: 6J or 6.5J or 7J
Offset: 38-45 mm
Bolt pattern: 4*100
Bolt size: M12*1.5
Center bore: 56.6 mm

تمام

طيب السؤال بقى انهى انسب عرض للجنط ال 6J و لا 6.5J و لا ال 7J ؟

6.5 او 7 شغال

و ما هو انسب offset للعرض الى هنختاره للجنط عشان معدلش فى العربيه و عشان ميحكش فى المساعد او الرفرف ؟

كدة كدة هتتنى شفة الرفرف لان الكاوتش اعرض من الفابيركة و معتقدش فية جنط سبور بينزل باوفست كبير (45)

اوفست 38 مع ثنى الشفف هيبعدك عن موضوع الحك بنسبة 95%... ال5% الباقيين لما تاخد مطب هوا على سرعة و فية اتنين راكبين ورا

اوفست 35 مع ثنى الشفف هيحك مع مطبات الهوا على سرعة بشكل عام

خللى بالك ان 90% من الحك بيبقى فى الحتة الزيادة اللى فى الكارتيرة الفبر الخلفية مش فى شفة الرفرف الحديد و الحتة دى بتتبرى مع الوقت و الحك بيقل مع المشى... يعنى من الاخر هتسمع صوت حكة لكن مفيش مشكلة عويصة او خطيرة تقلق منها

و هل Center bore مقاسه 56.6 صح و لا غلط لان مواقع كتير مختلفه فيه ؟

مش فرقة... كدة كدة هتركب رينجات و فتحة الصرة فى الجنط السبور بتبقى اكبر من كدة بشوية حلوين

و هل فى جنوط 15 حديد عاديه مش سبور من اى عربيه فى مصر بالمواصفات دى تركب بشكل مباشر بدون رينجات او اى تعديلات اخرى ؟
سمعت ان الاوبل استرا 2001 جنوطها ال 15 فى نفس المواصفات هل تركب و لا فى مشكله و هل فى عربيات تانيه جنوطها الحديد تنفع ؟

غالبا جنوط الاوبل تنفع لان عربياتنا اساسها اوبل... و اعتقد عصام غنايم كان عندة استبن حديد 15 واخدة من عربية تويوتا يارس

MMamdouh