الموضوع: تبخر الزيت... هل هو حقيقة أم خرافة؟؟

موضوع رائع بارك الله فيك

مجهود مشكور عليه و معلومات وافية و مفيدة

موضوع مفيد جدا

السلام عليكم

موضوع هايل جدا جدا وربنا يبارك فيكم

جزاكم الله خيرا

المشاركة الأصلية كتبت بواسطة م.محمد علاء

موضوع أكاديمي ممتاز.
و جدير بالذكر في الموضوع ده و أظن ده وقته أقول معلومتين مهمتين جدا.
أولا:
إستهلاك المحرك للزيت.
و من المعروف إن أي محرك في الدنيا و خصوصا الديزل بيستهلك زيت..وطبيعي جدا الزيت ينقص..
و المعروف إن عملية تزويد المحرك بالزيت عمليه منطقيه جدا.طالما التناقص في حدود.
و المعادله العالميه المعروفه لإستهلاك الزيت هي:
0.5 % من كمية الوقود المستهلكه في ساعة زمن عند 100% حمل .
و على فكره لو طبقت المعادله .ممكن تلاقي الزيت هيخلص عندك تماما..ولكن المعادله تعبر عن أقصى نسبه مقبوله لتآكل الزيت في المحرك.
________________________________
تاني معلومه.و هي المده اللازمه لتغيير الزيت.
و في معلومه لازم تتقال.
إن مصر مصنفه في المرتبه الأولى من حيث أعلى نسبه كبريت فى الوقود عالميا.
عشان ده معايير تغيير الزيت في المحرك في مصر بتصل لنصف التوقيت بره.
و ده عشان تأثير الكبريت.
اللي ميعرفش تأثير الكبريت.هي.:
نواتج الحريق بتتحد مع بخار المياه مكونه حمض الكبريتيك .
المحض بياكل في الشنبر أولا.
ثانيا و ده الأهم..
الزيت له خواص قلويه..و ده عشان يكون له القدره على إمتصاص حمضيه نواتج الإحتراق..
و نتيجة إرتفاع نسبة الكبريت..بتقل قلوية الزيت.. وتقل بسرعه كلما زادت نسبة الكبريت في الوقود..
لحد ميصل لنقطة التعادل..و المعروف عند صناع المحركات إن نقطة التعادل هي نقطة تغيير الزيت..
عشان كده الخواجه مثلا في مولدات الديزل مثلا..بيوصي بتغيير الزيت بعد 500 ساعة عمل.
و عندنا بنوصي بتغييره بعد 200 ساعه.
لان زي مقولت فوق الزيت بيتعادل عندنا بسرعة لارتفاع حامضية نواتج الاحتراق.
على عكس عندهم بره..بيتعادل بعد مده.لان مكونات الحريق لا تحتوي كبريت..

ممكن اطلب من حضرتك مصدر معلومة ارتفاع نسبة الكبريت في البنزين ؟
هو مش الكبريت ده في الغاز بس ولا انا معلوماتى مش كاملة؟