اﻷخ الفاضل borio1704
جزاك الله كل خير أخي الفاضل ، وجعل هذا العلم في ميزان حسناتك إن شاء الله
وأسئلتي فعلاً لحضرتك للتأكد من أن فهمي صح للموضوع
وأشكرك على توضيح الفرق بين الـ 15w40 و الـ 20w50 ﻷني كنت سأتجه له ، وسأتبع نصيحة جضرتك إن شاء الله
بس سؤال تاني هو إيه المعدل الكبير لنقص الزيت اللي لو حصل يبقى كده الموتور فيه مشكلة ﻷن الموتور عندي فعلاً يبدو جيد مش بيدخن دخنة استهلاك الزيت ولا فيه تسريبات زيت غير بس البخر على فايظ الموتور والغطا
السؤال التاني أنا كده الزيت زي ما قلت لحضرتك عند النص هل أكمل الزيت لحد ما أغير ولا مفيش ضرر لو مشيت كده بالعربية (يعني امتى يتم الزيادة هل مع أي نقص ولا لما المؤشر بوصل للميني) سؤالي لمعرفة التصرف الصحيح عند نقص الزيت عامةً وفي حالتي طبعاً خاصة
أسئلة بقى للعلم فقط والفهم ﻷن فيها لخبطة شوية عندي:
1- حضرنك انتقدت الزيت اﻷحادي (شل اﻷحمر) وقلت إنه كان لازم يتغبر مع الصيف والشتا .... بس اللي لاحظته من الكتالوج إن درجة الحرارة اللي هما حاطينها للصيف هي دي درجة حرارة مصر صيف وشتا .... أليس هذا يعني أن استخدام الزيت الأحادي الموصى به في الكنالوج لحالة الصيف عندهم يصلح عندنا صيف وستا (طبعاً مع استخدام الموصى به)
2- أنا مستخدم SAE 50 وده طبعاً أعلى من الموضى به بـ 20 درجة فكده بقى ثقيل قوي على العربية صح
3- من مناقشات حضرتك مع اﻹخوة فهمت إن استهلاك الزيت بيكون بمعدل 1 لتر/ 1500 كم أو لكل 1000 كم طيب اللي بيخط زيت يقعد 3000 كم مثلاً هيكون خلص على ما يوصل للـ 3000 كم دول والا في الحالة دي بنتابع ونزود النفص لحد ما نوصل لميعاد التغيير فنغير
4- عدد الكيو مترات اللي بيقعدها الزيت الناس كلها مش عارفاها ودايماً فيه اختلاف بين كل عامل وبايع وميكانيكي .... طيب هو المعدل ده بيبقى مكتوب على العبوة ﻷني دورت عليه على العبوات اللي عندي ما شفتهوش ، ولو مش مكتوب على العبوات بيتعرف منين ..... الناس كلها محتارة في الموضوع ده ... أنا فاهم إن ده بيحدده الـ API زي ما حضرتك شرحت بس أنا أقصد المعدل اللي بيتقال من البنزينات أو الشركات أو الميكانيكية هل له مصدر نعرف منه ولا ﻷ؟؟؟
معلش أسئلتي كتير بس بحاول أفهم كويس وكل ما بتابع الحوارات مع حضرتك بيطلع لي أسئلة فاعذرني
وأشكرك مرة أخرى لمساعدتي
المفضلات