ياريت يا جماعهاللى معاه a5 يقول ايه رايه فى العربيه ككل و هل قابلته اى مشاكل او عيوب فيها و هيا خليجى ولا مصرى و هى احسن و لا الجيتا ؟؟؟؟ و اسعارها هى و الجيتا ايه ؟؟؟
عرض للطباعة
ياريت يا جماعهاللى معاه a5 يقول ايه رايه فى العربيه ككل و هل قابلته اى مشاكل او عيوب فيها و هيا خليجى ولا مصرى و هى احسن و لا الجيتا ؟؟؟؟ و اسعارها هى و الجيتا ايه ؟؟؟
أنا بالنسبة لى أشتريت A5 سعودى (Elegance )لأن الوكيل هناك بيعطى 5 سنوات ضمان بدون حد أقصى للكيلوات والكلام ده من مارس 2006 وبصراحة العربية متصفحة من تحت وفيها كل الكماليات اللى يتمناها كل الناس وفى نفس الوقت أرخص بـ 30 ألف من الوكيل المصرى وبصراحة أنا مشيت بيها كثير وعاملة معايا 46 ألف كيلو بس مواظب على الصيانة من أول ما أشتريتها عند مجموعة وهدان ولذلك بصراحة أنا لم اشتكى منها يوم واحد ، ومن رأى الشخصى إن المواظبة على صيانة العربية فى أى مكان ترتاح له ، يحافظ لك على عربيتك ، ورأى الشخصى إن الأوكتافيا أفضل من الجيتا
شكرا يا باشا ...سؤال لو سمحت فين وهدان دا و هل هو معتمد من التوكيل و بيقبل الخليجى عادى و اسعاره ايه ؟
انا والدى اشترى اوكتافيا a5اليجانس خليجى متصفحه من تحت بس فيبر العربيه كويسه و البنزين لازم 92 و الاداء فى الاوكتافيا مش بيفرق بين المصرى و الخليجى العربيه سحبها وحش لانها تقيله الثبات ولا كلمه بس عيبها انها مع السرعات بتنشف اوى فى المطبات والدى اشتراها ب 190000 وعلى فكره فى عيب بيظهر فى الاوكتافيا ان الكبوت فيه خطين فى النص الصاج بتاعهم بيرعش من السرعات العربيع بتاعنا عملت كدا بعد 3000 كم لان اخويا مشى بيها 180 كتير
بالنسبة لمركز وهدان موجود فى مدينة 6 أكتوبر أمام مصنع دايو ، وفى العجوزة خلف مركز المصل واللقاح واسعاره لازم تسأل عليها فى كل مرة بتذهب إيه حتى لا تدفع مثلا فلوس على الكشف على أنوار العربية
أما بالنسبة لموضوع النشفان على الطريق فبعد ما أستخدمت النيتروجين فى نفخ الكاوتش لم أعد أحس بهذا أبدا ، وأما بالنسبة لموضوع الصاج فلا يوجد عندى أى شيئ حتى ولا عند الناس اللى أشرت عليهم بالعربية بل بالعكس فأنا بأحترم العربية دى تماما وكفاية ثباتها فى المنحنيات وعلى سرعات عالية حتى وفى المطر الشديد ثابتة تماما وأنا ماشى دلوقت بها تقريبا 47 ألف كيلو . وشكرا
الاوكتافيا حقيقى افضل ميزه فيها الثبااات ...بس لو بتقارنها بالجيتا فأعتقد ان الجيتا شكلها احلى وفولكس مش اى شركة يعنى وغير كده السعر تقريبا وااحد او قريب اوى....
عيب الصاج ده جايز يكون مش فى العربيات كلها بس والدى كان معاه اوكتافيا قبلها بس كانت مصرى حصل فيها نفس الموضوع .
الف شكر على موضوع النيتروجين ده انا هجربه