ايه حكاية التصاريح و النمر المؤقتة

**zalpany2000** · 09-10-2008 11:01 AM

للاسف الشديد
موضوع النمر المؤقتة ده بقي مقرف
انا رايح الاسبوع الجاي اجدد ل تالت مرة خلال شهرين نمري
وكل مرة بتدفع 42 جنيه علشان تجدد التصريح المؤقت
المرة اللي قبل اللي فاتت ادوني تصريح شهر ورق
و المرة اللي فاتت ادوني رخصة كمبيوتر و تنتهي يوم 17
ورابح الاسبوع الجاي مش عارف هايعملو ايه بس غالبا برضو هايدوني شهر مؤقت

فعلا فعلا حاجه اخر قرف
لو عايزين الفلوس يعني يخدو فلوس مؤقت 3 شهور ولا حاجه
بس ما نشوفش القرف و الذل اللي بنشوفه في المرور ولا وقفة الحال و العطلة

تحياتي

**Samir Elshahawy** · 11-10-2008 02:08 AM

انا ان شاء الله رايح بكرة اسلم التصريح علشان استلم الرخصة , دعواتكم علشان الموضوع يمشي و اليوم يعدي بسلام

**shanodaa** · 11-10-2008 02:09 AM

في انتطار النمر الجديده

**Samir Elshahawy** · 11-10-2008 12:51 PM

النهاردة ذهبت الي مرور مدينة نصب من بدري ووصلت لاقيت امم هناك, المهم قايست ودخلت علي الشباك و لما وصلت للموظف سلمته التصريح علشان استلم الرخصة الجديدة قام البيه قالي :
" تروح تجيب مخالفات و تفك النمر و تجيبها و تجيب العربية علشان نكب نمر جديدة"

طبعا لاقيت اني كده هأقضي عندهم يوم كامل و انا مش عامل حسابي للرحلة دي
قولت اخليها السبت الجاي علشان عندي اجازة بحيث اصلي الفجر و اروح هناك من بدري و معايا فطاري و الغداء و ممكن العشاء و قولت ممكن اخد الاولاد و نعملها رحلة الي مرور مدينة نصب علشان يتعلموا أول درس في الوطنية المصرية و اكل المهلبية و الفول و الطعمية

**ZOZ** · 11-10-2008 01:18 PM

انا مش عارف فعلا حكاية المؤقت ده كترت اوي انا لسى مرخص الحمد لله اني ما استلمتهاش مع اني لقيت ناس كتير بتستلمها معايا امال ايه حكاية النمرة اللي انا بعلقها في اليوم قال ب70 جنيه هي ده المؤقتة ولا التجارية

**zalpany2000** · 13-10-2008 03:46 PM

اعتقد دي التجارية بس ما افتكرش انها ب 70 جنيه في اليوم ولا حاجه هي ارخص من كده بكتيير بس حسابها باليوم برضو
وده الكلام اللي كاتبينه عنها في موقع ادارة المرور

الرخصة و اللوحات التجارية

تمنح الرخصة واللوحات التجارية فى الأحوال المبينة فى المادة 25 من القانون ويكون إستعمالها لتحقيق أحد الأغراض الآتية

إنتقال المركبة من مكان الوصول أو المصنع إلى المحل التجارى .
تجربة المركبة أمام المشترى .
تجربة المركبة بعد إصلاحها .
إنتقال المركبة إلى قسم المرور للترخيص بها .
إنتقال المركبة إلى مكان الإصلاح .
إنتقال المركبة من قسم المرور إلى المكان الذى يحدده طالب الترخيص فى حالة عدم إتمام إجراءات الترخيص .

ده هو الموقع
http://www.moiegypt.gov.eg/Arabic/De...tanadat#public

**bob12345** · 13-10-2008 04:12 PM

انا مرور المعادي وبألي 3 شهور و انا معايا المؤقت و بدفع 41 جنيه كل شهر مش عاريف ليه ال بيئولو تامىن لوحات !!!!!!!!!!!!!! ومش عارف هستلم النمر الجديدة امتا و علي رأي المثل موت يا حمار

**MohaMed_Refaat** · 28-10-2008 04:06 AM

المشاركة الأصلية كتبت بواسطة khattab_89

أنا خدت في الأوبترا نمر مؤقتة نظرا لعدم وصول النمر الجديدة لمرور السلام و كذلك حال معظم المرور في القاهرة
فعلا هروح كل شهر أجدد و أدفع 30 بندق مش عارف أنا زنبي إيه أضيع وقت و جهد و فلوس و حرقه دم على عدم التخطيط المنظم من الداخلية
كانو يستنوا لحد ما يعملو كل النمر و ينزلو بيها بدل الشحططة اللي الواحد فيها دي

طيب مانت ممكن تنفضلهم ومتروحش تدع مش انت خلاص خدت النمر وبقت معاك لية تروح تجدد ونكع 30 جندى ولا هما عاملين حاجة يقفشوك بيها

**EslaM_NagY** · 28-10-2008 01:46 PM

المشاركة الأصلية كتبت بواسطة MoToRiZeR

انا واحد صاحبي راح يطلع رخصة قيادة (مش رخصة عربية)
قالوله مفيش كمبيوتر .. و إدوله تصريح مؤقت مكتوب بخط اليد للقيادة متدبس فيه الصورة و بيتجدد برضه

طب اللوح و خلصت .. إنما رخص القيادة كمان !؟

وانا كمان ماشى بتصريح " قيادة مش رخصة عربية"
اصل الكومبو كان عطلالالان

**AhmedGen2** · 28-10-2008 01:58 PM

يا جماعة المشكلة لا فى المخالفة ولا فى الفلوس المشكلة فى الهبل والقرف والتلاكيك بتوع المرور وظباط المرور ، المنظومة كلها فاسدة بالكامل وعاوزة تتحرق بجاز وسخ لغاية دلوقتى مش عارف اجيب رخصى وموظف شباك الرخص المسحوبة يقوللى لسه ماجاتش ، امال هى فين؟ محدش عارف ، طب يا بنى آدم وصل الرخصة عدى عليه اسبوع وخلص جددهولى ، يقولى لا أصلهم لغوا جديد الوصلات ، طب أكلم مين؟ معرفش ، أمشى انا ازاى من غير رخصة والوصل مدته خلصت ؟؟ محدش عارف !!!! برود وتناكة وامخاخ زبالة مش بتفهم ، ربنا ينتقم منهم حاجة تقرف ...