السلام عليكم
ياتري كم واحد ماشي بتصريح مؤقت لحد مايسلموه الرخصة ؟
و كم واحد ماشي بنمر مؤقته ؟
و هل حكاية النمر المؤقتة و التصاريح دي ليها علاقة باللوحات الجديدة ؟ :thinking:
عرض للطباعة
السلام عليكم
ياتري كم واحد ماشي بتصريح مؤقت لحد مايسلموه الرخصة ؟
و كم واحد ماشي بنمر مؤقته ؟
و هل حكاية النمر المؤقتة و التصاريح دي ليها علاقة باللوحات الجديدة ؟ :thinking:
ايوا ليها علاقة مثلا في المناطق الي لسة مانزلش فيها لوحات جديدة بيركبولها نمر مؤقتة
هل صحيح يا جماعة.. إن النمر المؤقتة لازم تروح تجدد كل شهر ؟؟؟
[هل صحيح يا جماعة.. إن النمر المؤقتة لازم تروح تجدد كل شهر ؟؟؟]
علي فكرة انا رايح المرور ان شاء الله يوم السبت هأسألك في الموضوع ده
بس ادعيلي يسلمولي الرخصة
الحقيقه يعني مش عارف ايه هدفهم من تعذييييييييييب الناس يعني من سنه لما روحت ارخص كنت ماشي بتصريح تمام وفضلت ماشي يه حتى شهر مارس الي فات واعطوني رخصه عاديه " كمبيوتر " وده مش حبا فيا لا علشان كانوا بيجهزوا للنمر الجديدة وعلى اعتبار ان شاء الله لما اجي ارخص في مارس الي جاي اخد النمر الجديدة ودلوقتي ممشين الناس بتصاريح مش عارف يعني هل ده ,,
* كســـــــــل وعدم اهتمام واللامبالاة المعتاده منهم
* ازمة في الحديد على راي واحد كان بيرخص معايا وما كان لاقي لوح
* الحروف والارقام خلصت ومش لاقييين compose بين الارقام والاحرف
انا واحد صاحبي راح يطلع رخصة قيادة (مش رخصة عربية)
قالوله مفيش كمبيوتر .. و إدوله تصريح مؤقت مكتوب بخط اليد للقيادة متدبس فيه الصورة و بيتجدد برضه
طب اللوح و خلصت .. إنما رخص القيادة كمان !؟
أنا خدت في الأوبترا نمر مؤقتة نظرا لعدم وصول النمر الجديدة لمرور السلام و كذلك حال معظم المرور في القاهرة
فعلا هروح كل شهر أجدد و أدفع 30 بندق مش عارف أنا زنبي إيه أضيع وقت و جهد و فلوس و حرقه دم على عدم التخطيط المنظم من الداخلية
كانو يستنوا لحد ما يعملو كل النمر و ينزلو بيها بدل الشحططة اللي الواحد فيها دي
ya basha....el mafrood kano yesebo el lowah el qadema leghayet lama yekon 3andohom el gedeed we ba3deen tehotohom.....bas 30 bondoq kol shahr ahsan bekteer....lol.....
للاسف الشديد
موضوع النمر المؤقتة ده بقي مقرف
انا رايح الاسبوع الجاي اجدد ل تالت مرة خلال شهرين نمري
وكل مرة بتدفع 42 جنيه علشان تجدد التصريح المؤقت
المرة اللي قبل اللي فاتت ادوني تصريح شهر ورق
و المرة اللي فاتت ادوني رخصة كمبيوتر و تنتهي يوم 17
ورابح الاسبوع الجاي مش عارف هايعملو ايه بس غالبا برضو هايدوني شهر مؤقت
فعلا فعلا حاجه اخر قرف
لو عايزين الفلوس يعني يخدو فلوس مؤقت 3 شهور ولا حاجه
بس ما نشوفش القرف و الذل اللي بنشوفه في المرور ولا وقفة الحال و العطلة
تحياتي
انا ان شاء الله رايح بكرة اسلم التصريح علشان استلم الرخصة , دعواتكم علشان الموضوع يمشي و اليوم يعدي بسلام
في انتطار النمر الجديده
النهاردة ذهبت الي مرور مدينة نصب من بدري ووصلت لاقيت امم هناك, المهم قايست ودخلت علي الشباك و لما وصلت للموظف سلمته التصريح علشان استلم الرخصة الجديدة قام البيه قالي :
" تروح تجيب مخالفات و تفك النمر و تجيبها و تجيب العربية علشان نكب نمر جديدة"
طبعا لاقيت اني كده هأقضي عندهم يوم كامل و انا مش عامل حسابي للرحلة دي
قولت اخليها السبت الجاي علشان عندي اجازة بحيث اصلي الفجر و اروح هناك من بدري و معايا فطاري و الغداء و ممكن العشاء و قولت ممكن اخد الاولاد و نعملها رحلة الي مرور مدينة نصب علشان يتعلموا أول درس في الوطنية المصرية و اكل المهلبية و الفول و الطعمية :helpsmilie:
انا مش عارف فعلا حكاية المؤقت ده كترت اوي انا لسى مرخص الحمد لله اني ما استلمتهاش مع اني لقيت ناس كتير بتستلمها معايا امال ايه حكاية النمرة اللي انا بعلقها في اليوم قال ب70 جنيه هي ده المؤقتة ولا التجارية
اعتقد دي التجارية بس ما افتكرش انها ب 70 جنيه في اليوم ولا حاجه هي ارخص من كده بكتيير بس حسابها باليوم برضو
وده الكلام اللي كاتبينه عنها في موقع ادارة المرور
الرخصة و اللوحات التجاريةتمنح الرخصة واللوحات التجارية فى الأحوال المبينة فى المادة 25 من القانون ويكون إستعمالها لتحقيق أحد الأغراض الآتية
ده هو الموقع
- إنتقال المركبة من مكان الوصول أو المصنع إلى المحل التجارى .
- تجربة المركبة أمام المشترى .
- تجربة المركبة بعد إصلاحها .
- إنتقال المركبة إلى قسم المرور للترخيص بها .
- إنتقال المركبة إلى مكان الإصلاح .
- إنتقال المركبة من قسم المرور إلى المكان الذى يحدده طالب الترخيص فى حالة عدم إتمام إجراءات الترخيص .
http://www.moiegypt.gov.eg/Arabic/De...tanadat#public
انا مرور المعادي وبألي 3 شهور و انا معايا المؤقت و بدفع 41 جنيه كل شهر مش عاريف ليه ال بيئولو تامىن لوحات !!!!!!!!!!!!!! ومش عارف هستلم النمر الجديدة امتا و علي رأي المثل موت يا حمار
يا جماعة المشكلة لا فى المخالفة ولا فى الفلوس المشكلة فى الهبل والقرف والتلاكيك بتوع المرور وظباط المرور ، المنظومة كلها فاسدة بالكامل وعاوزة تتحرق بجاز وسخ لغاية دلوقتى مش عارف اجيب رخصى وموظف شباك الرخص المسحوبة يقوللى لسه ماجاتش ، امال هى فين؟ محدش عارف ، طب يا بنى آدم وصل الرخصة عدى عليه اسبوع وخلص جددهولى ، يقولى لا أصلهم لغوا جديد الوصلات ، طب أكلم مين؟ معرفش ، أمشى انا ازاى من غير رخصة والوصل مدته خلصت ؟؟ محدش عارف !!!! برود وتناكة وامخاخ زبالة مش بتفهم ، ربنا ينتقم منهم حاجة تقرف ...
النمر المؤقت فى وحدات المرور اللى مفيش فيها نمر جديد (حروف وارقام) يتم تركيب نمرة مؤقت (بجينة فى اليوم - وتجدد شهرياً ) فى حالة :
- السيارة جديدة وده اول ترخيص
- السيارة منقولة من محافظة اخرى
اما اذا كانت تابعة نفس المحافظة وعليها نمر قديمة تظل كما هى
(ده حصل معايا من شهرين)
يعني ايه تجدد شهريا؟ هو الواحد عنده وقت يضيعه كل شهر في المكان الممل ده اللي اسمه المرور؟ و لا همه بيعشقوا شكل الزحمة و الطوابير هناك؟ انا الحمد لله واخدة تصريح مؤقت لمدة 3 شهور بس هايخلصوا آخر شهر 11.. يا ترى هايجددوا لي 3 شهور كمان و لا شهر و لا ايه؟ :dunno:
الناس دي بتفنن في تعسير الأمور على الناس.. و اهي سبوبة ليهم برضه.
شكرا علي الإفاده يا شباب
الحمد لله
اخدت 3 شهور "مش سجن يا جماعة ... تجدييييد للرخص" بعد خناقة مع بتوع المرور، علشان كانوا عايزين يدوني شهر بس
امال انت ياباشا ماشي ازاي دلوقتي ده موظف متخلف عقليا انت المفروض كنت تدخل لوكيل النيابة جوة (تدخله بطاقتك أو كارنيهك) وتقول للعسكري اللى واقف عايز أدخل لوكيل النيابة وإفهم منه شخصيا وغالبا وكيل النيابة عايعملك التجديد وبيكونوا محترمين جدا وبيعملوا للواحد اللى هوة عايزه لو مافيهوش مخالفة صريحة
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
انا رحت المرور يوم الخميس الساعة 8:30 الصبح علشان ارخص الماروتى، خرجت 9:30 الصبح ومعايا الرخصة والنمر ام حروف وارقام، صحيح انى استعملت القاعدة الشهيرة:"الجنيه غلب الكارنيه"، بس لا انكر ان الدنيا كانت فعلا وردى وردى،
انا بدعى للكل ان ربنا يفك زنقتهم ويطرح النمر الجديدة فى كل المرارير(جمع مرور)
انا علي فكرة ركبت النمر الجديدة من حوالي 10 ايام بعد معاناة استمرت 3 شهور كنت ماشي فيها بتصريح بس عايز اقولكم حاجة , اللي شوفته في موضوع التجديد ده قرفني من البلد و اللي فيها و خلاني كرهت نفسي و اليوم اللي طلعت فيه الرخصة