ملحوظة فى فرامل الكرولا 2014

**ابوحميد** · 27-04-2014 01:20 AM

عندى ملحوظة فى الفرامل ..
الفرامل عندى خفيفة .. معنى انى من اقل لمسة الاقيها بتقفش و العربية تفرمل جامد .. فى الاول قلت يمكن عشان مش متعود عليها و انى بعد فترة رجلى حتطبع عليها بعد عربيتى اللى قبلها السيراتو .. بس برده انا لاحظت انها متعبة و بتخلينى مركز معاها عشان العربية بتفرمل جامد من اقل لمسة .. طبعا انا اتحسنت فى تعاملى مع الفرملة عن الاول بس الموضوع دا بيتطلب منى مجهود و تركيز و بيتعب رجلى .. الخلاصة انى ملقيتش حد علق على الموضوع دا فالموضوع شكله انه مشكلة فردية عندى فى العربية ..
ملحوظة انى جربت عربيات و فراملها مكانتش متعبة بالشكل دا كان معايا لادا و بعدها تريوس و بعدها سيراتو و سقت عربية والدى كرولا 2008 يابانى و اخى معاه النترا 2012 و بصراحة كلهم فرامهم مريحة اكتر من ال 2014 .. يمكن مش نفس الكفاءة يعنى الكرولا فراملها قوية تكلبش فى الارض و مش بتاخد مسافة كبيرة فى الفرملة .. لكن انا بتكلم فى مسألة انها بقفش او بتكلبش من اقل لمسة فبتتعبنى فى التعامل ..
حد لاحظ الموضوع ده عنده

**تامر.محمد** · 27-04-2014 01:24 AM

مسألة تعود :-)

Sent from my GT-N7000 using Forum Runner

**Mohamed.Hany** · 27-04-2014 01:30 AM

المشاركة الأصلية كتبت بواسطة تامر.محمد

مسألة تعود :-)

sent from my gt-n7000 using forum runner

اتفق مع كلام تامر باشا هي مسألة تعود .

والعربية فراملها فعلا قوية جدا جدا و من اقل لمسة بتمسك

ده جزء من عمل ال BAS نظام المساعدة علي الفرملة اللي بيشتغل بصفة مستمرة اول مبترفع رجلك من علي دواسة البنزين يبدأ يقرب التيل من الطنابير كخطوة تحضيرية تحسبا من انك هتدوس فرامل فتستجيب الفرامل بسرعة رهيبة , ده بجانب عمله الاساسي في انه في حالات الخطر و الفرملة المفاجئة مش بتقدر تدوس الفرامل للاخر او بالقوة المطلوبة نتيجة التوتر فهو بيتدخل و يعملك assist و يكملك دوسة الفرامل .

لا تقلق مع الوقت هتتعود عليها و هتقول ازاي كنت بسوق عربيات فراملها ضعيفة كدة و مش هتعرف تسوق اي عربية فراملها مش قد كدة و دي ميزة جامدة جدا و عيب في نفس الوقت عشان اللي وراك ممكن ميلحقش نفسه وربنا يستر طريقك .

**abofandy** · 27-04-2014 01:43 AM

كلامك صحيح العربية فراملها جامدة شوية وبتمسك العربية كانك بتقفش جامد او كانك اول مرة تسوق وهتقع فى بحر ودى كلمه والدى لما كان قاعد جنبى وانا رايحين مشوار قالى انت بتمسك فرامل وكانك هتقع فى بحر ليه كدة .. (( انا قولت اسكت وابطل جدال واصريت انه يسوق واحنا راجعين ))
عملت معاه نفس القصه قولتله هو احنا باين كنا هنقع فى بحر ... ضحك وقالى تعال سوق انت

الخلاصة
العربية فراملها فعلا قوية جدا بس عايزة شوية على ما رجلك تتعود عليه خصوصا التيل لسة جديد والطنابير زيرو فواحدة واحدة خصوصا الكلام دة لو العربية لسة باردة او لسة طالع بيها
لكن لو العربية بتجرى او بقالها فتره ماشية وبتمسك فرامل تحس ان الموضوع دة بيختفى او بيقل كل لما تمشى بالعربية وانا قصدى فى المشوار الواحد .. يعنى لو متجه من المنصورة مثل الا القاهره .. طول سواقتك داخل المنصورة ممكن الفرامل تعمل معاك كدة لكن لما تبدا العربية تسخن والطنبابير والتيل يسخن بالتبعيه مع المشى هتلاقى الدنيا حلاوة معاك

وكلها مساله وقت وتعود متقلقش ودى حاجة على قد ما كانت مشككانى فى نفسى انى مبعرفش اسوق وبكلبش فرامل جامد على قد ما هى مخلينى مبسوط من الفرامل بس ربنا يستر وميجيش واحد ابن حلال من ورا يظبطلى الاكصدام ويقولى انت الى فرملت جامد يااستاذ :] :]

**hi_nmr** · 27-04-2014 01:54 AM

كل الاتوماتك الجديد كده عادي

**ابوحميد** · 27-04-2014 01:54 AM

المشاركة الأصلية كتبت بواسطة mohamed.hany

اتفق مع كلام تامر باشا هي مسألة تعود .

والعربية فراملها فعلا قوية جدا جدا و من اقل لمسة بتمسك

ده جزء من عمل ال bas نظام المساعدة علي الفرملة اللي بيشتغل بصفة مستمرة اول مبترفع رجلك من علي دواسة البنزين يبدأ يقرب التيل من الطنابير كخطوة تحضيرية تحسبا من انك هتدوس فرامل فتستجيب الفرامل بسرعة رهيبة , ده بجانب عمله الاساسي في انه في حالات الخطر و الفرملة المفاجئة مش بتقدر تدوس الفرامل للاخر او بالقوة المطلوبة نتيجة التوتر فهو بيتدخل و يعملك assist و يكملك دوسة الفرامل .

لا تقلق مع الوقت هتتعود عليها و هتقول ازاي كنت بسوق عربيات فراملها ضعيفة كدة و مش هتعرف تسوق اي عربية فراملها مش قد كدة و دي ميزة جامدة جدا و عيب في نفس الوقت عشان اللي وراك ممكن ميلحقش نفسه وربنا يستر طريقك .

هاااااا .. عشان كدا
انا دلوقتى عرفت السر انى بحس انه لما بدوس فرامل كانه الفرامل بتاعتى ازيد من اللازم و كانى لسه متعلم جديد ..
الله ينور يا بشمهندس .. تحياتى

**ابوحميد** · 27-04-2014 02:00 AM

المشاركة الأصلية كتبت بواسطة abofandy

كلامك صحيح العربية فراملها جامدة شوية وبتمسك العربية كانك بتقفش جامد او كانك اول مرة تسوق وهتقع فى بحر ودى كلمه والدى لما كان قاعد جنبى وانا رايحين مشوار قالى انت بتمسك فرامل وكانك هتقع فى بحر ليه كدة .. (( انا قولت اسكت وابطل جدال واصريت انه يسوق واحنا راجعين ))
عملت معاه نفس القصه قولتله هو احنا باين كنا هنقع فى بحر ... ضحك وقالى تعال سوق انت

الخلاصة
العربية فراملها فعلا قوية جدا بس عايزة شوية على ما رجلك تتعود عليه خصوصا التيل لسة جديد والطنابير زيرو فواحدة واحدة خصوصا الكلام دة لو العربية لسة باردة او لسة طالع بيها
لكن لو العربية بتجرى او بقالها فتره ماشية وبتمسك فرامل تحس ان الموضوع دة بيختفى او بيقل كل لما تمشى بالعربية وانا قصدى فى المشوار الواحد .. يعنى لو متجه من المنصورة مثل الا القاهره .. طول سواقتك داخل المنصورة ممكن الفرامل تعمل معاك كدة لكن لما تبدا العربية تسخن والطنبابير والتيل يسخن بالتبعيه مع المشى هتلاقى الدنيا حلاوة معاك

وكلها مساله وقت وتعود متقلقش ودى حاجة على قد ما كانت مشككانى فى نفسى انى مبعرفش اسوق وبكلبش فرامل جامد على قد ما هى مخلينى مبسوط من الفرامل بس ربنا يستر وميجيش واحد ابن حلال من ورا يظبطلى الاكصدام ويقولى انت الى فرملت جامد يااستاذ :] :]

بالفعل يا دكتور يمكن الموضوع يتحسن بعد ما يتبرى التيل شوية .. و يكون الواحد اتعود كمان .. شكرا للاهتمام و التوضيح .. و ربنا يسترها معاك و معانا من القادمون من الخلف ههههههههههههههه

-

الموضوع: ملحوظة فى فرامل الكرولا 2014

LinkBack

أدوات الموضوع

عرض

-

-

-

-

المواضيع المتشابهه

فرامل يد كرولا 2014

ارجو المساعده ...فرامل النيو صني 2014

صوت فو فرامل السيراتو 2014

صوت في فرامل صني 2014

فرامل كوروﻻ 2014 هتجنني

الكلمات الدلالية لهذا الموضوع

المفضلات

المفضلات

ضوابط المشاركة