ارجو الرد والمساعدة بخصوص تشغيل تكييف السيارة

**عماد** · 27-04-2014 10:33 AM

السلام عليكم ورحمة الله وبركاته السادة الاعضاء
ارجو الرد والمساعدة بخصوص تكييف السيارة
سؤالى هو
هل تشغيل التكييف بالسيارة
يضر السيارة أم لا
خصوصاً فى الجو اللى احنا فيه بالصيف
بعض الناس يقولوا حمل على الموتور ويهلكه بدرى
وبعض الناس يقولوا تشغيله احس ولا ضرر فيه
بصراحة انا عايز اشغل التكييف من اول ما أنزل من البيت
طول ما أنا فى العربية بس مايضرش العربية
ارجو المساعدة
للعلم / سيارتى هيونداى اكسنت 1500 cc موديل 2000 الحالة الحمد لله

**mac os** · 27-04-2014 12:05 PM

لا طبعا مش بيهلك الموتور ولا حاجه بس بيحمل عليه شويه يعنى بيقلل السحب فس فى اوقات لازم تشغله والا العربيه بتبقى فرن

**عماد** · 27-04-2014 12:32 PM

المشاركة الأصلية كتبت بواسطة mac os

لا طبعا مش بيهلك الموتور ولا حاجه بس بيحمل عليه شويه يعنى بيقلل السحب فس فى اوقات لازم تشغله والا العربيه بتبقى فرن

شكرا على الرد والمعلومة

**Samir Elshahawy** · 27-04-2014 01:44 PM

لو التكييف كان ضار بالمحرك هل تعتقد أن الشركة الصانهة كانت ستضيفه للسيارة ؟

طبعا لأ

يا افندم شغل التكييف عادي و لكن يرجي عدم تشغيله في فترة أحماء المحرك (التسخين) و هو بارد في الصباح الباكر و الانتظار قليلا حتي يرتفع مؤشر الحرارة و بعد ذلك قم بتشغيل التكييف

كما يفضل فصل التكييف قبل أطفاء المحرك بعد التوقف

**Mico_Mico** · 27-04-2014 03:09 PM

هو اللى اعرفه بيأثر بس عالسحب وحتى لو بيفشخ العربية شغله- مش هتفطس يعنى عشان تحافظ على العربية - الفلوس معمولة عشان راحتنا مش العكس

**mummy_47** · 27-04-2014 05:14 PM

المشاركة الأصلية كتبت بواسطة Mico_Mico

هو اللى اعرفه بيأثر بس عالسحب وحتى لو بيفشخ العربية شغله- مش هتفطس يعنى عشان تحافظ على العربية - الفلوس معمولة عشان راحتنا مش العكس

+111111111111111111

**mummy_47** · 27-04-2014 05:21 PM

في احد ايام الصيف العام الماضي ...كنت طالع على الدائري ومشغل التكييف ..والدنيا كانت واقفة والساعة كانت 1 او 2 الظهر والحرارة تقربا 40 درجة...فكنت مشغل تكييف العربية وببص على العربيات النقل اللي جنبي ..الاقي واحد مطلع جركن ميه وخرج من العربية وراح حاطط كل ميه الجركن على جسمه..واللي ماسك مناديل وبيمسح العرق الغزير ..قلت ما افتح الشباك اشوف هو فعلا درجة الحرارة عاليه قوي كده..رحت قافل التكييف وفاتح الشباك ...مستحملتش غير ثانيتين فقط ورحت قافل الشباك ومشغل التكييف مرة اخرى..وحمدت ربنا ان العربية مكيفة ...
الخلاصة...فليذهب المحرك الى الجحيم وتجيب غيره في سبيل ان التكييف يشتغل لانه ببساطه لو التكييف مشتغلش حضرتك لا قدر الله هتفرهد وتفطس وفي هذ الحاله ستظل السيارة قطعة حديد ملهاش قيمة من غير البني ادم اللي بيشغلها ..

وربنا يحفظ الجميع من ايام الحر القادمة

**shiko85** · 27-04-2014 05:24 PM

1- بقلل سحب العربيه
2- يزود استهلاك البنزين
3- يرحم صاحب العربيه اللى مشتريها بفلوسه من حر الصيف
اكيد رقم 3 اهم حاجه

**Dr.M_baz** · 27-04-2014 05:31 PM

توكل على الله راحتك اهم من اي موتور.

**عماد** · 27-04-2014 09:19 PM

الف شكر ليكم جميعا
شكراَ لكل من ساهم فى مساعدتى
ان شاء الله هاشغل التكييف من هنا ورايح
بس والله المسألة ماكانت مسالة فلوس انا بس كنت خايف من الاعطال والصنيعية والقرف ده
وعايز اقول لكم ايه اللى حصل النهاردة
روحت الشغل الصبح من غير ماشغل التكييف كالعادة وكان عندى معاد للكشف على ابنى بعد الشغل فرجعت البيت اخدهم
مراتى وابنى طلبوا منى تشغيل التكييف فشغلت التكييف
والجو جوه العربية كان جميل جداً لاسمعين حد ولا حاسين بحرارة الجو

واحنا فى الطريق طلبوا منى عصير قصب نزلت اجيب لهم لقيت الجو ناااااار قلت لبتاع العصير لما تخلص هات لنا العصير فى العربية
ماستحملتش
عندكوا حق فى كل اللى قولتوه
شكراً ليكم جمبعاً