الموضوع: محتاج نصيحة عن الكريسلر نيون من الافاضل

الاخوة الافاضل الكرام
السلام عليكم
بارك الله فى القائمين على منتدى نايل موتورز لانة من خلال تصفحى وجدتة من احسن المواقع
اللى بتخدم المجال دة وربنا يبارك على مجهودكم وبيضم نخبة من المهتمين بالمجال دة .
من غير احراج كدة ودة اول مشاركة ليا فى المنتدى المثالى دة حقول انا مش بفهم فى مجال السيارات كتير للاسف الشديد
لانى لم يسبق لى اقتناء سيارة من قبل
ومعروض عليا عربية عجبانى جدا وبفكر اشتريها بس محتاج نصايحكم قبل ما اشترى لانى عشان ادبر المبلغ بتاعها حعمل اجراء مجبر علية
السيارة هيا كريسلر نيون موديل 97 جميع الكماليات اتوماتيك تكييف باور سنتر لوك زجاج كهرباء 2 ايرباج فرامل ايه بى اس كاوتش تيوبلس
كاسيت وسماعات ممتازة جدا السيارة بشكل عام ممتازة ولا تحتاج الى مصاريف ومعرفش عاملة كام كيلو ولا كام سي سي ودة بس المعلومات اللى عندى عليها وسعرها 42000 جنية
1- هل السعر دة كويس ؟ وهل دة سعرها فى السوق بالزيادة او النقصان
2- اية رائيكم فى السيارة دة ؟ جيدة ولا لاء
3- هل هيا منتشرة ولا نادرة فى القاهرة ؟
4- قطع غيارها منتشرة ولا لاء ؟
5- قطع غيارها غالية و لا فى المعقول ؟
6- هل تنصحونى بيها ولا اصرف عنها نظر واشوف غيرها ؟
7- ما هيا السيارات الجيدة اللى تكون فى نفس السعر بس تكون موديل 2000 فى ما فوق ؟
بالله عليكم لا تبخلوا على بالنصيحة والرأى لانى فعلا محتاجهم
وشكرا جدا ليكم ومجهدكم معايا والشكر موصول للقائمين على المنتدى
.بارك الله فيكم