ايه يا جماعه مشاهدات بس
مفيش ردود خاااااااااااااااااااااااا االص ؟؟؟؟؟
رقم العضوية : 93422
تاريخ التسجيل : 04Apr2011
المشاركات : 114
النوع : ذكر
الاقامة : egypt
السيارة: BMW
السيارة[2]: Audi
الحالة :
الاخوة الكرام
عشاق الالفا روميو
انا معجب جدا بالعربيه 155 و قدامي عربيه 1800 سي سي
انا دورت عليها في المنتدي هنا و قلبت عليها النت صراحه حسيت انها نادرة جدا
فهل هي عربيه كويسه و الا ابعد عنها و ادور علي 146 احسن ؟
ياريت محدش يبخل عليا بالمعلومات لان ان عارف ان المنتدي هنا فوق الوصف
منتظر ارائكم
و شكرا
رقم العضوية : 93422
تاريخ التسجيل : 04Apr2011
المشاركات : 114
النوع : ذكر
الاقامة : egypt
السيارة: BMW
السيارة[2]: Audi
الحالة :
ايه يا جماعه مشاهدات بس
مفيش ردود خاااااااااااااااااااااااا االص ؟؟؟؟؟
رقم العضوية : 15791
تاريخ التسجيل : 04Aug2008
المشاركات : 38
النوع : ذكر
الاقامة : مصر
السيارة: no
السيارة[2]: seat
الحالة :
لو اللي قدامك حالتها حلوة اتوكل علي الله العربية دي هي السبب في عشقي للعربيات الالفا و لو حالتها مش قد كدة دور علي 146 مش مهم الفا اية المهم تكون الحالة عشان في ناس معاهم الفا بس للاسف تعتبر تاكسي مش الفا روميو اوعي تشتريها منهم صحيح هتلاقي اسعارهم قليلة بس بجد هتتعب فلو لقيت سواء ال 155 او ال 146 بس حالة اتوكل علي الله و انت مغمض و اخر مرة افكرك اوعي التاكسجية
رقم العضوية : 93422
تاريخ التسجيل : 04Apr2011
المشاركات : 114
النوع : ذكر
الاقامة : egypt
السيارة: BMW
السيارة[2]: Audi
الحالة :
الاخ الكريم أ / ممدوح
شكرا جزيلا للرد
في الحقيقه انا روحت شوفتها لكن للاسف طلعت عايزة شغل كتير اوي من الداخل و الخارج
بس شوفت 146 بصراحه محتاجه حاجات بسيطة بس اعتقد ان اساسياتها نضيفة و مغيرة موتور لسه جديد
بس انا حابب بعد اذنك توضيح اكتر لمعني التاكسجية
و مشكور علي ردك
علي قكرة حضرتك معاك الفا ايه ؟
و سؤال اخير انا حيران جدا بين الانشيا و الالفا تنصحني بايه
و شكرا
رقم العضوية : 15791
تاريخ التسجيل : 04Aug2008
المشاركات : 38
النوع : ذكر
الاقامة : مصر
السيارة: no
السيارة[2]: seat
الحالة :
بص يا استاذ خالد هفهمك قصدي بمعني التاكسجية ان العربية دي كانت متقاربة في السعر من البي ام في سنة صنعها و كانت تعتبر من العربيات ذو شخصية طاغية شوية بحكم انها تعتبر عربية اسبور فكان بيشتريها فئة معينة من الناس و هديك مثال واحد قريبي كان اشتري ال 146 سنة 98 تقريبا من بنت عادل امام كانت هيا مشترياها تقريبا بحوالي 120 الف تقريبا علي مافتكر و هو اشترها منها ب 60 تقريبا هتلاحظ هنا انه النص تقريبا طبعا قريبي معوش امكانية ال 120 و هي طبعا لازم تجدد العربية فتبيعها و مش فارق معاها المهم هو خد العربية حب يبيعها طبعا شاف السوق لقي الناس بتتكلم في ارقام غريبة مفيش 4 او 5 سنين و باعها طبعا هو كان عايز يغير و يجيب جديد طب يعمل اية فلازم ينزل في السعر و كان النت مش زي دلوقتي فكان قليل اللي يعرف الالفا خصوصا انها مكنتش منتشرة فبصعوبة باعها اواخر التلاتينات و طبعا عربية بالامكانيات دي بالسعر دة كانت لوقطة للناس اللي متعرفش الافا و قعت هنا تحت ايد واحد ميعرفش يعني اية الفا روميو فبدأ يلصم و التلصيم هنا من برة و جوة يعني مثلا واحد لقا طرمبة الباور بتاعة اللانشيا ارخص 50 جنية و تركب عليها يروح يركبها مثلا يلعب في ضفيرة الكهربا عشان يركب كهارب في الصالون مثلا مرايتها اللي جوة مكسورة يركب بتاعة ال 128 المراية البرة مكسورة يركب بتاعة الدوجان شاهين و يقولك شبهها و خود بقي من دة كتير مثلا التابلوة مبهدل و مقشر من كتر رميتة في الشمس و المعاملة الغير ادمية للعربية طريقة سواقتة اللي بتهلك العربية لانة متعود علي حاجات معينة يسوقها او لسة بيتعلم فيها كدة هو دة تلخيصي للي اقصدة بالتاكسجية
انا كان معايا 146 اشتريتها من واحد كان لسة هيحولها لتاكسي زي مفهمتك ههههههه بس الحمد لله ملحقش كان بدأ بمراية ال 128 و مبوظ التابلوة شوية و العافشة كان هالكها خدتها و الحمدلله رجعتها خارجة من الاجانس من ايطاليا و زي ما انا مباخلتش عليها هي عملت الواجب و زيادة فعلا عربية مظلومة جدا في كل حاجة دة حتي يا اخي قطع الغيار مسيحنلها انها غالية اوي و مشعارف اية و مش بتلاقيها بسهولة و كلام فارغ كدة اقسم بالله مش عارف لية
و طبعا الصنايعية لفيت اد كدة عشان الاقي صنايعية بتوعها و الحمد لله عرفت الصنايعية اللي كانوا شغالين فيها في التوكيل لو ربنا كرمك قولي و ادلك عليهم ان شاء الله
اللانشيا عربية ممتازة طبعا مفيش خلاف بس دي حاجة و دي حاجة بس لو سألتني انا من غير تفكير هختار ال 146 لسبب مكنتش لاقي فيها عيب و غير اني مكنتش لاقيلها عيب كان فيه زي قصة حب بينا و دي لوحدها قصة تانية ههههه و كان في نيتي تفضل معايا حتي لو جبت جديد بس للاسف الجديد كلة ضرب في العالي بقي حسبي الله و نعم الوكيل اتوكل علي الله و هات ال 146 و مش هتندم بس اوعي تسترخص تلاقي عربية ب 33 و لا 34 و تقول دي لوقطة سدأني تلاقيها تاكسي مش عربية و لو عايز اي حاجة في الالفا قولي انا مش هزهأ من اسألتك ليا عنها لانها بالنسبالي مش مجرد عربية
رقم العضوية : 93422
تاريخ التسجيل : 04Apr2011
المشاركات : 114
النوع : ذكر
الاقامة : egypt
السيارة: BMW
السيارة[2]: Audi
الحالة :
استاذي الكريم
و الاخ الكريم أ/ ممدوح
انا مش عارف اشكرك ازاي صراحه لان مجرد حضرتك تديني من وقت و مجهود لكتابة هذا الرد الشافي
و الذي اثلج صدري و اقنعني اكتر بالالفا اكثر من اللانشيا و خاصة اني دورت علي اللانشيا و مش لاقي عربيه نضيفة ( اللي مغيرلها الهاف انجيجكشن و مخليها اسبراتير - اللي بيحطلها 80 و اهي ماشيه - و تقريبا كل اللي باسالهم عن التكييف يردوا و يقولوا مش شغال - يعني انا مش فاهم واحد راكب عربيه محترمه زي دي و مش هاين عليه يشحن التكييف ب 100 جنيه او اكتر - المقصد ان زي ما حضرتك بتقول ان فعلا بيعاملوا العربيه بشكل تاني خالص علي مبدا " اهي عربيه و ماشيه و هو المنطق دا ممكن يمشي بس علي ال 128 - هيونداي - بولونيز مع احترامي للجميع لاني انا معايا اكسيل و باتعامل معاها برضه بنفس المنطق انها عربيه و اهي ماشيه بس لاني مش باخرج كتير بيها اصلا و هي معايا بقالها 3 سنيين عامل حوالي 30 الف كيلومتر فقط و هي عربيه بصراحه كويسه لكن اللي عايز عربيه بجد يبقي يركب عربيه محترمه و لازم يحترمها عشان يجبرها علي احترامه و كل اللي انا عملته في العربيه تغيير سيور فلاتر 2 مساعدين لكن لو احتاجت حاجه مش هاجبلها غير حاجتها طبعا )
انا شوفت ال 155 بس مبهدله محتاجه شغل كتير اوي في الاكسسوارات من اكر بيبان لسمكرة و دوكو لفرش محتاجه مش بس فلوس - لا الاهم الوقت و الصنايعيه و خلافة
بس قدامي 146 الي حد ما مش محتاجه حاجه غير حاجات بسيطة
و انا صراحه ميال ل 155 بالرغم انها 1800 و البنزين هايغلي و الحاله مش ماشيه اوي يعني لانها في الشكل تجمع ما بين الالفا من قدام و اللانشيا من ورا - الشنطه اوسع و الصالون كمان من 146
بس صراحه انا قريت كلمه لاخ من اخواتنا هنا في المنتدي كلمه جميله صراحه و احب اختم بيها
" اللي عايز يركب الفاروميو يفكر بقلبه مش بعقله "
منتظر ردك الكريم
رقم العضوية : 15791
تاريخ التسجيل : 04Aug2008
المشاركات : 38
النوع : ذكر
الاقامة : مصر
السيارة: no
السيارة[2]: seat
الحالة :
ههههههه حلوة فعلا المقولة دي بيفكر بقلبة لأنها عربية جذابة فعلا مش عارف لية ممكن تكون عشان شكلها المنطلق و لا قوتها ولا ثباتها ولا صوت موتورها يعني هتلاقيها في الاخر برضة اسباب عقلانية ههههههه متحاولش الالفا مش مجرد عربية دي حالة متكاملة علي العموم انا عرفت واحد عنده 155 و زميل ليا بيقول انة عارضها علي 35 بيقول ان الفامية مثبت في الرخصة بس معرفش الحالة لو انا كنت هناك و شفتها هشوفهالك و لو لقيتها تستحق هبعتلك نمرة تليفونة و تروح تشوفها و تقلبها بنفسك بس انا نصيحتي ليك الاخيرة ريح دماغك و هات 146
رقم العضوية : 93422
تاريخ التسجيل : 04Apr2011
المشاركات : 114
النوع : ذكر
الاقامة : egypt
السيارة: BMW
السيارة[2]: Audi
الحالة :
استاذي العزيز أ/ ممدوح
انا هاخد بنصيحتك خلاص و استقريت علي ال 146 بس هاحتاج شويه حاجات فيها فلو تكرمت
ممكن تبعتلي رقم تلفونك علي الخاص - اكون شاكر حضرتك
و السلام عليكم
رقم العضوية : 15791
تاريخ التسجيل : 04Aug2008
المشاركات : 38
النوع : ذكر
الاقامة : مصر
السيارة: no
السيارة[2]: seat
الحالة :
و و الله العظيم عمرك ما هتندم انا بعت الرقم
رقم العضوية : 163769
تاريخ التسجيل : 09Aug2014
المشاركات : 1
النوع : ذكر
الاقامة : المنصوره
السيارة: الفاروميو
السيارة[2]: بى ام
الحالة :
السلام عليكم .. انا عندى سياره الفا 155 للبيع او للبدل ب جيب شيروكى الشكل القديم
موديل 94 توين سبارك
نبيتى اللون كامله
دواخل فبريكه
للتواصل ..01223439193
المفضلات