موضوع للافاده محاوله تثبيت
أصدقائي الاعزاء
حصل معايا موقف بايخ لابعد الحدود امبارح وحابب احذركم منه عشان تاخدوا بالكوا وربنا يسترها معانا جمعيا.... القصه ببساطه كنت راجع من مشوار عائلي ومعايا زوجتي وابني ووالدي واختي وماشي في شارع رئيسي في مدينه صغيره اسمها كفر الزيات ... وبدون اي سابق انذار لقيت توك توك خبط الاكصدام الامامي من ناحيه اليمين قاصد ومتعمد طبعا دمي فارررر وطرت بالعربيه ورا ه مع اني مش متوقع ان يكون حصل للعربيه حاجه كبيره بس انا اتجنيت وقفلت معايا ساعتها والحمد لله لني عملت كده
نزلت من العربيه والطريق وقف من الزحمه قصاد التوكتوك اللي خبطني فخبطلته ع التوك توك وشديته من رقبته واديته اللي فيه النصيب طبعا الواد كان معاه مطوه والواد اللي راكب معاه ورا واتنين تانين ظهروا من حيث لا احتسب بقوا ابعه واتلموا عليا واحد ضربني بضهر المطواه علي دماغي والتاني بضهر المطوه علي اخر رقبتي من ورا عشان اقع وقتي ع الارض
المهم الناس سلكتني ورجعت عربيتي ودماغي بتنزف علي خفيف ومشيت بالعربيه في طريقي للبيت ولما وصلت لاخر الشارع اللي كان هادئ جدا مع ان الساعه كانت 10 بليل مره واحده نفس التوكتوك خبطني تاني من ناحيه بابي مره في الباب الشمال وفي نفس الوقت ف الرفرف الشمال وكسر عليا الطريق عشان يثبتني فهمت انا اللي فيها كسرت التاره للاخر وطرت بالعربيه ودخلتها الجراج....
خلاصه الموضوع هم خبطوني ليه ليها احتمالين
1-عاوزين يثبتوني ياخدوا الموبايل او غيره عشان كده خبطني اول مره وجري بحيث الحقه في اخر الشارع حيث الهدوء والجو المناسب الا ان شوء حظه اني نزلت من العربيه اول مره وان الطريق وقف.
2-الاحتمال التاني العربيه شكلها حلو ونضيفه ومفيهاش خرابيش وانا سني صغير ودي حاجه استفزتهم مع اني كنت ماشي بكل هدوء ولا بتمنظر بالعربيه ولا نيله
الدرس المستفاد مهما كانت قوه الخبطه اوعي تنزل من عربيتك مهما كنت متنرفز
بالنسبه للعربيه ماشاء الله الخبطه الاولي عامله خربوش في الاكصدام والخبطه التانيه الرفرف اترد ع البارد (وعشان في ماده كاوتيش متبطنه من جوه السمكري معرفش يخليه حريره بس هو مش باين عموما) الباب بتاعي فوق فبره الباب اللي بلون العربيه مخبوط سنه بسيطه والفبره مفارقه في مسافه 10 سم بالطول
انا ناوي ارخص طبنجه عشان احنا بقينا في غابه دي مش بلد ولا عندنا شرطه ولا نيله