الموضوع: تحذير من سوق السيارات للي عايز يشتري

المشاركة الأصلية كتبت بواسطة hitmangate

صباح الفل علي اعضاء المنتدي الكرام يوم الجمعه اللي فاتت نزلت السوق علشان اشوف الاسعار عامله ايه فاتصدمت كل واحد عامللي فيها فتك وان عربيته احسن واحده في مصر وطالبين فوق تمن العربيه من 10000ج ـالي 40000ج في عربيه شفتها بعيني وكلهم تجار وعايزين يلبسوا الناس في عربياتهم ومعظم العربيات في السوق معيوبه او قالبه عداد او فيها مشاكل ومتلصمه فوجب التحذير علشان محدش ينزل السوق وحد ينصب عليه والافضل للي عايز يشتري عربيه تكون من حد عارفه او من مواقع البيع علي الانترنت والاهم من ده كله الكشف عند مركز صيانه او التوكيل ويارب اكون خفيف عليكم بمشاركتي دي

والله كلامك للاسف صح
الضمير فى البلد طلع هجرة وشكلة مش ناوى يرجع

كنت هناك الجمعة
وفعلا كلامك والنظيف عربيات تعد عالاصابع

انا كنت هناك فعلا والاسعار كانت ولعة نار مش عارف الناس دية بتستهبل ولا ايه وعارفين كويس ان العملية نايمة والناس معهاش فلوس

كنت هناك من إسبوعين و مخدتش حاجة فير حرقة الدم و ضربة شمس
90% تجار و العربيات حالتها لا تتعدى الجيد و الأسعار غير طبيعية كمثال
النوع السعر المطلوب سعرها كان زيرو
كورولا2006 138000 125000
أوبترا 2009 90000 96000
جين تو 2010 88000 89000
نيو أكسنت 2009 85000 90000