ياتراى لو عايز أعمل عمرة عفشة للسيارة أعمل أية وأية الى يتغير فيها ؟
ولو سمحتم هو المساعدين بكام ؟ الى امام والخلف
عرض للطباعة
ياتراى لو عايز أعمل عمرة عفشة للسيارة أعمل أية وأية الى يتغير فيها ؟
ولو سمحتم هو المساعدين بكام ؟ الى امام والخلف
حدد نوع عربيتك علشان الشباب تقدر تفيدك ؟؟ على العموم حاول تعرف ايه الحاجات
اللي محتاجه تتغير في العافشه الاول علشان نقدر نحدد التكلفه بتعتها ..
ولا انت عايز تغير العفشه كلها ؟؟؟؟
يا محمد باشا التورشن بار ده فى الخنفسة بس والله اعلم
والله أنا أسف يا شباب
عربيتى جوليت 2000
عايز أعرف المسعدين بكام ونوعهم أية
وأية كمان ممكن يتغير فى العفشة ولية
وشكراً
الجوليت زى اللانوس تمام
4 مساعدين KYB ب 475
4 مساعدين مونرو ب 800 جنية
باقى مكونات العفشة هى السوست و البطاحات و الكوبايات و جلب المقصات و جلب الميزان و دول مبيتغيروش الا لو كانوا بايظين... و فك مكونات العفشة و مراجعتها هو افضل طريقة للتاكد من حالة الاجزاء دى
MMamdouh
جزاك الله كل الخير أخى الفاضل
بس حضرتك تنصح بأنى مسعدين ؟
المونرو ناشفين عن الKYB فا لو عايز ثبات على حساب الراحة هاتهم.... عايز العربية تبقى مريحة يبقى KYB
MMamdouh
يعني اية عاوز ثبات
يعني العربية تكون ثابتة علي الطريق حتي في السرعات
العفشة الناشفة يا باشا او الرياضية بتدي ثبات اعلي علي الطريق بس بتبقي ناشفة هتحس بأي زلطه في الطريق انما كل ما العفشة تبقي انعم كل ما الراحة تزيد بس الثبات يبقي اقل
عفوا: للمعرفة فقط. هو ده سعر 2 مساعدين ولا 4؟
سعر مساعدين الKYB من عند المنير 475 و فى التوفيقية قالولى 460... ممكن الاسعار اتغيرت دلوقتى او حسب المكان اللى بتشترى منة... عموما القصة خمسين جنية فرق
MMamdouh
محمد باشا اخبارك ايه ... بص انا سالت عند المنير على سعر
المساعدين الخلفي للنوبيرا قالي موجود نوع ياباني مش فاكر اسمه
الصراحه وكان تمنهم 520 جنيه تقريبا بس انا شايف انه كده غالي
اوووى على الاسعار اللي انتو كاتبنها هل تفرق الضعف من
اللانوس للنوبيرا ولا هو غلط وقالي ثمن 4 مساعدين ؟؟ وهل ينفع
اجيب ال kYB للنوبيرا ؟؟ ولا اجيب منرو ؟؟
وشكرا مقدما ليك يا محمد
نوبيرا؟؟؟ مين جاب سرة النوبيرا؟؟؟.... كل الكلام السابق كان عن اللانوس
المساعدين الخلفية للنوبيرا ماركة KYB من حوالى 3 سنين كان 440... منطقى انهم يبقوا ب 520 دلوقتى.... و مساعدين النوبيرا الخلفى اغلى بكتير من اللانوس لان فيه فرق فى التصميم و الوزن و الحجم كبير جدا بينهم
MMamdouh
النوبيرا و اللانوس من ورا مختلفين خالص... مساعد اللانوس الخلفى بسيط جدا و صغير جدا... زى ما انت شايف
http://catalog.tenneco.com/monroe/pr...catalog=MONROE
اما مساعد النوبيرا فهو ضخم و مشابة للمساعد الامامى كتير و بالتالى حجمة اكبر و اثقل وزنا و دة كلة بيفرق فى التمن و الشحن و خلافة
http://catalog.tenneco.com/monroe/pr...catalog=MONROE
المساعدين الKYB كويسين و حيدوك مستوى راحة و ثبات محترم
MMamdouh
خلاص أن شاء الله أجيب المساعدين الkyb الخلفى للانوس
على طول نافعنا بخبراتك يا بشمهندس MMamdouh
ربنا يخليكم جميعا
MMamdouh
بجد م/ ممدوح نعم الاخ
رغم ان معايا كريستاله بس لازم اشوف ردود و مواضيع نجم المنتدى ربنا يخليك لينا و يبارك فيك و فى ابنك
طب عايزين عفشجى كويس و امين
محمد عبدة
MMamdouh
yes
MMamdouh
محمد عبدة دة فى القاهرة محدش يعرف واحد فى الاسكندرية
طيب يا جماعه انتوا بتقولوا ن ا4 مساعدين ال kyp ب 475 ج في اللانوس طيب ممكن اعرف هم صناعه ايه ولو هنزل اجيبهم من التوفيقيه انزل اجيبهم منين ولا محل "" منـــــــــير " ده في التوفيقيه ؟؟؟!! وممكن لو حد يعرف السوست والبطاحات بكام علشان لو هيتغيروا بالمره ؟؟
صناعة يابانى
المنير فى اول شارع فيصل
لو رحت التوفيقية انزل شارع ذكى حتلاقى محلات هشام لهيطة و دول وكلاء مونرو و قصادهم الناحية التانية فيه محل بيبيع قطع غيار دايو و عندهم KYB
MMamdouh
شكرا يا استاذ محمد وبالنسبه للمساعدين خصوصا الاماميان لو جيبتهم جداد ولاقيت ان السوست او البطاحات مثلا مش كويسين او محتاجين يتغيروا ممكن اركبهم تاني ولا لازم يتغيروا علشان ما يخربوش المساعدين الجداد
بص.... فى الغالب حتلاقى البطاحات و الكوبايات حالتهم مش قد كدة... غيرهم بالمرة لان لو حبيت تغيرهم بعدين حتدفع نفس المصنعية تانى و بعد تغيير المساعدين فقط حتلاقى العفشة بشخلل برضة لحد ما تغيرهم
MMamdouh
يا استاذ محمد ممدوح هيا المساعدين الي جايه في الانوس اصلن نوعها ايه ؟
daewoo
MMamdouh