الموضوع: حد جرب اختبار كبس الموتور قريب ؟؟

المشاركة الأصلية كتبت بواسطة mmamdouh

شكرا ليكم جميعا

انا عارف ان فيه محطة فى الهرم و مجطة فى الطيران بتعمل اختبار كبس بس عمرى ما شوفتهم على الطبيعة فا مقدرش احكم على شغلهم

الظريف ان عبدة عندة جهاز الكبس و المرة الوحيدة اللى الجهاز استخدم فيها انا اللى استخدمتة و كشفت بيه على عربية ابن خالتى... انا معرفش ليه هو مسش بيستخدمة

mmamdouh

طب معلش يا مدير سؤال تاني ... دلوقتى المكنة عندي مش بينقص منها زيت ... ولا بتسرب زيت ولا بترشح زيت من اى مكان ... خرطوم الفايظ مش بيخرج زيت ... مفيش دخنة من اى نوع ولا اى لون ... صوت المكنة طبيعي جدا ومفيهاش اى ترزيع ولا تكتكة ولا دبدبة ... محافظ على الصيانات من زيت وفلاتر وبوجيهات بصفة دورية وسحب المكنة كويس اللهم في المطالع بتبقى أبطأ ولكني شاكك في الديسك والاسطوانة بتوعى انهم بعافية ... هل الحاجات دي سبب كافى انى ابقى مطمن نسبيا على المكنة ولا ممكن يكون فيها خازوق ومش ظاهر ... من الاخر انا عاوز اعمل اختبار الكبس عشان اطمن هل له لزمة في الحالة دي ؟؟؟