خلي بالك وانت في شارع البحر الاعظم

السلام عليكم ورحمة الله
بطبيعة مروري كتير بشارع البحر الاعظم فقولت احذر الناس من تكرار عمليات نصب واستفزاز للسيارات بهدف السرقة
الموضوع ببساطة اني في خلال اسبوع واحد اكتر من مرة الاقي 3 شباب صغيرين في السن بيعدوا ببطيء شديد متعمد امام العربيات وبيقف واول ما تيجي العربية جنبه يخبط المرايه جامد بايده عشان يكسرها او تتقفل او يخبط جامد على العربية وطبعاً انت تنزل فتفاجاً بانهم بيجروا عليك - الموضوع ده حصل اكتر من مرة
وبعد الموضوع ده بيومين في نفس المكان تقريباً اتفاجأت بشاب في نفس السن تقريباً ماسك سيجارة في الرصيف الى في نص الشارع امام بنزينة شل وعربية اوبل معدية قام رامي السيجارة في وش الي سايق العربية وواقف يشوف رد فعله ... طبعاً صاحب العربية ما نزلش وكمل طريقة

الحوادث المقصودة في الشارع ده كتير من اول الشباب الى بتقف وتقول لكل واحد العجلة نايمة عشان بتاع الكاوتش النصاب الى بعد الاشارة واشتبكات بين العربيات بس حكة وتلاقي الناس اتلمت حوالين الضحية في لحظة

كل ده كان طبيعي برغم اني شوفت اكتر من كده في الشارع ده في الجزء الى امام الجزيرة لغاية محطة شل بس الى خلاني اكتب الموضوع اني وانا بتكلم على الي بيحصل ده لقيت ناس كتير بتشتكي وحكولي على مواقف حصلت معاهم هناك ... فقولت اكتب الموضع للتحذير وربنا يستر وخلوا بالكم

شِكرا على التنبيه .. و ربنا يسترها

استغفر الله العظيم . انا طريقي للنادي من الدائري المعادي الهرم منزل البحر الاعظم و بكمل لكوبري الدقي . هو في الطريق ده؟ الحمد لله بطلت اروح و لا اخرج خالص بقالي شهور غير للشغل من كثرة التحذيرات و ريحت نفسي. حسبي الله و نعم الوكيل . الصفحة هنا بس اليومين اللي فاتوا فيها اكثر من موضوعين تحذير . كمان دة تاني واحد اشوفه النهارده. و أخرة الحبسة دي ايه مش عارفه؟ بقينا في مستنقع جريمة. حاسة اننا رجعنا لايام قطع الطرق اللي بنشوفه في الافلام التاريخية ايام القوافل و الجمال. عمري ما تخيلت اعيش و اشوف مصر كده و المجرمين بالبجاحة دي. بادعي عليهم كل يوم .ربنا ينتقم منهم . نفسي الناس تعمل ثورة عليهم و يلموا المجرمين دول و يعدموهم كلهم في ميدان عام و يشفوا غليلنا فيهم و غليل الناس البريئه اللي لهم حد اتقتل علي ايدهم.

ربنا ينتقم من كل ظالم

أنا ده طريقى اليومى .. و كل يوم الواد يقولى العجله نايمه .. و فى مره وقفت وقلتله إنكم نصابين و الناس كلها عارفين و ان كل الى على النت بيحذروا منكم .. راح ضاحك و يقولى بنسترزق ..

شكراً على التحذير و أنا بضم صوتى لصوت كل الى حذروا من النصابين دول

اقتباس:

---

المشاركة الأصلية كتبت بواسطة l_Khaled_l

للأسف بعد ثوره يناير وتوقعنا ان الشعب المصرى هيرحب بالحريه ويساعد فى بناء مصر الحره وتطهيرها من الفساد ولكن اللى اتفاجئنا بيه كلنا ، ان مصر زاد فيها الفساد والسرقه وقله الادب ،، الخ ـ وكأن فى بلاعه وطفحت فى مصر ( سورى ع التشبيه ) ومبقاش ع الساحه غير الحراميه ، شيوخ على ما تفرج ، سياسيون السبوبه ، العاهرات وكأن دى مصر اللى كان نفسنا فيها بعد ثوره يناير !! ولما نحاول نشوف العيب من ايه ، تلاقى كل طرف بيحمل الطرف التانى المسئوليه ومحدش واخد باله ان العيب فينا احنا ، ايوه دى حقيقه ، اتفرجوا على الاطفال والجيل الجديد عشان تعرفوا المستقبل هيكون ازاى ، وساعتها يمكن تعرفوا حل المشكله فين ونقدر نحلها قبل ما يفوت الاوان :(

---

هى دى ثمار الثورة الظريفة

اقتباس:

---

المشاركة الأصلية كتبت بواسطة ahmedsrs

هى دى ثمار الثورة الظريفة

---

بدون اى تطرق للسياسه ، ولكن العيب ليس فى ثوره على الفساد ولكن العيب ان الشعب المصرى يحتاج الى ثوره اخلاقيه يقوم بها كل فرد على نفسه وتغير سلوكه الشخصى بدلاً ان نترك البلد تنهار اخلاقيا وننشغل بنزاع على كراسى لن تفيد الا من المنافقون والمتاجرون

دعنا نتأمل قوله تعالى : ﴿إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم﴾

من جوالى سنه كده تقريبا
فى مرة كنت سايق العربية فى ميدان مشهور عندنا فى الزقازيق اسمه القومية حوالى الساعه تسعه باليل
لقيت شاب عنده حاجة وعشرين سنه وقف قدام العربية وتف على الزجاج الامامى وقعد يشتم من غير سبب
فكنت هنزلة اكسرلة دماغه بس جه فى بالى ان دى تكون محاولة لسرقتى اوان الواد متخلف عقليا
وفى الحالتين النزول غلط
فمنزلتش ومعبرتوش وكملت طريقى

ألف شكر وجزاك الله كل خير

شكرا الف شكر على التنبيه
فعلا الكلام ده حقيقي
انا كنت واقف من كام يوم قصاد شيل الناحيه التانيه مستني صديق لياااااااا
والنصب داء فالناس اللي هناك
لدرجه اني ركنت العربية بعيد ونزلت للكشك اللي هناك اشتري ريد بول عشان كنت نايم على نفسي
الواد بتاع الكشك بيقول للواد اللي بياخد الفلوس متاخدش إلا 15 جنيه ومتغليش على الباشا
قولتله نعم 15 ج ومتغليش على الباشا !!!!!!!!!!!!
كل ده عشان بديله 20 جنيه ومستني منه الباقي
فالنصب بقا داء فالبني اّدمين

تسلم

انا كنت هناك بردة من فترة , لقيت عيل صغير ماشى بيقولى العجلة نايمة يابية , قولتلة طيب

بعديها بكام دقيقة , لقيت واحد تانى عندة حوالى 20 سنة بيقولى العجلة نايمة يأاستاذ , قولتلة انا عايزها كدة

وانا اصلا قافل الزجاج كلة مخلى بس جزء بسيط مفتوح سواء الزجاج بتاعى او اللى جنبى , وقافل السنتر كالعادة

( فعلا لازم تخلوا بالكوا من المنطقة دية جدااااااااااااا ) ومحدش يفكر ينزل او يبص غير لو حس فعلا ان فية حاجة غلط تعيق سير السيارة بشكل طبيعى

ربنا يستر
مشكورر عالتنبيه

اقتباس:

---

المشاركة الأصلية كتبت بواسطة lena jo

استغفر الله العظيم . انا طريقي للنادي من الدائري المعادي الهرم منزل البحر الاعظم و بكمل لكوبري الدقي . هو في الطريق ده؟ الحمد لله بطلت اروح و لا اخرج خالص بقالي شهور غير للشغل من كثرة التحذيرات و ريحت نفسي. حسبي الله و نعم الوكيل . الصفحة هنا بس اليومين اللي فاتوا فيها اكثر من موضوعين تحذير . كمان دة تاني واحد اشوفه النهارده. و أخرة الحبسة دي ايه مش عارفه؟ بقينا في مستنقع جريمة. حاسة اننا رجعنا لايام قطع الطرق اللي بنشوفه في الافلام التاريخية ايام القوافل و الجمال. عمري ما تخيلت اعيش و اشوف مصر كده و المجرمين بالبجاحة دي. بادعي عليهم كل يوم .ربنا ينتقم منهم . نفسي الناس تعمل ثورة عليهم و يلموا المجرمين دول و يعدموهم كلهم في ميدان عام و يشفوا غليلنا فيهم و غليل الناس البريئه اللي لهم حد اتقتل علي ايدهم.

---

يا فندم الدعاء الحقيقي على اللي مهمتهم حفظ الامن وتضاعفت رواتبهم مرات عديدة في ظل الكساد الاقتصادي اللي بتعاني منه البلاد...وفي الاخر بيرجرو ورا بنات الجامعات والعيال في المدارس....والاخر ناس تقول دي ثمار الثورة...هي فيه ثورة في العالم تمسك القط مفتاح القرار...شعب طيب اوي والله.

واد زي ده لو عمل الحركه ديه ووقف قدام سيارة وحد خبطه ومشي بس مش خبطة موت لا يخبطه بيمين او شمال الاكصدام ويطوحه على الارض بلاش بالنص عشان الكبوت ميطبقش ولا يترمي على الازاز ويتكسر قصدي حرام عشان ميموتش الواد d: لو كل واحد عمل كده وكمل طريقه حيخافوا يعملوا الحركه ديه ويقفوا قدام العربيات