من اشد المعجبين بتوليدو الجديده ومحتاج اسمع راي
الي هيجربوها وايه كمالياتها وامكانيتها بالتفصييل
من اشد المعجبين بتوليدو الجديده ومحتاج اسمع راي
الي هيجربوها وايه كمالياتها وامكانيتها بالتفصييل
http://www.nilemotors.net/Nile/408255-2014.html
اتفضل حضرتك الموضوع المفصل للعربيه وكل شى فيها
والشكر لصاحب الموضوع المحترم
شكراا بس ياريت حد من اصحاب العربيه
العربية ممتازة...انا معايا الفئة ٣ اوتوماتيك هاي لاين و عملت بيها ٢٥٠٠ كم لغاية دلوقتي...عربية ممتازة و ثابتة و الامكانيات فيها كل حاجة ممكن تحتاجها...
عايز امكانيتها وكماليتها بالتفصيل بعد ازنك
وتقرير عن سحبها
فراملها
ثباتها
وسع صلونها
علوها عن الارض
السنسور ومدي حساسيته
كل حااجه انا عارف والله اني بتقل عليك
بس ده عشم فى كرمك ان شاء الله
الفرامل كويسة جدا...بدال الفرامل خفيف و حساس للضغطة البسيطة..انا محتاجتش اجرب ال abs لسة الحمد لله
ارتفاعها عن الارض ممتاز...محكيتش في مطبات و مع كدة ثابتة و متزنة على الطريق بس انا بصراحة جبت بيها 130-140 بس انا مش بجري اكتر من كدة
حساسات الركن كويسة و مظبوطه بالصوت و الصورة بتظهر على شاشة الكاسيت..اه، الكاسيت و السماعات صوتهم تحفة بشهادة كل اللي سمعهم
سحبها ممتاز بس اعتقد ان ده هيفرق من واحد ل واحد حسب انت كان معاك انهي عربية ... انا بقارنها بالنيسان 2007 و الانترا الشكل القديم..دة اللي جربته....التوليدو برقبة كل ده
ماشاء الله حببتني فيها اكتر طيب كمالياتها ايه بالظبط الفئه الي مع حضرتك دي
ووسع الصالون والباور ؟؟؟؟
الصالون و الشنطة كبار اوي.. و الباورفيها كهربا مش زيت و كويسة جدا ، سلسة اوي في السرعة الواطية و بيتقل مع السرعة علشان الامان و التحكم.
مثبت سرعة..بلوتوث..حساسات ركن و الصورة بتطلع على الكاسيت..مرايات كهربا..تكييف مانيوال مش اوتوماتيك..4 وسائد هوائية 2 امام و 2 جانبي
تجهيزات الخمس فئات للتوليدو بالتفصيل بالمشاركة رقم ‘ 26 :
http://www.nilemotors.net/Nile/3875486109-post26.html
الف مبروك على العربيه يا استاذ مينا
يريت تقولنا اخبار التكيف ايه بالذات في الجو الحر ده
يعني تبريده سريع ولا بيحتاج وقت علشان يبرد العربيه
الف شكر يا استاز مينا وربنا يبارك لحضرتك فيها
بس سؤال كمان معلش
الجنط ال 17 منشفهاا بيدبدب شويه فى المشي
ولا ناعمه زي الجيتا مثلا
الجنط 17 مش احسن حاجة في الشوارع بتاعتنا دي...و كمان الكاوتش 215/40..low profile
الموضوع مش دبدبة جامدة ...الموضوع ان 40 دة ممكن يطلعله bulb مع النقر الجامدة و المطبات اللي معمولة غلط لو أخدت الحاجات دي بسرعة جامدة...انا كان نفسي في جنط 16 بس دة بتاع الفئه اللي قبلها و دي من غير حساسات ركن و شكل التابلوه متغير حاجة بسيطة و سمعت الله اعلم ان كمبيوتر الرحلات مافهوش كل الاوبشن بس اية اللي ناقص الله اعلم
الف شكر بجد يا استاز مينا بجد ان شاء الله نويت عليها بس ربناا ييسرهاا
استاز مينا اخبار حضرتك واخبار التوليدو ايه ؟؟؟؟؟؟
هل من مميزات جديده او لا قدر الله اى اعتراض عليها ..........؟؟
أعضاء منتدى سيات الكرام .. السلام عليكم
الحمد لله أكرمني الله بالإنضمام إلى ملاك السيات من حوالي شهر و نص و عامل حوالي ١٩٠٠ كم
اشتريت التوليدو الفئة التالتة أوتوماتيك و بصراحة أنا سعيد جدا إني لقيت ناس اشترت العربية دي لأني كنت حاسس إني الوحيد في مصر اللي معاه العربية دي.
و اتمنى نتواصل جميعا لتعم الفائدة
انا عندي مشكلة ظهرت و هروح التوكيل بس عاوز اعرف لو ظهرت عند حد و ايه سببها و حلها ايه .. اللي حصل ان العربية و هي راكنة و اول ما نقلت عال d نقلت عالخامس مباشرة و مش راضية تغير لا تنزل و لا تطلع المهم امور و ارجع تاني مفيش فايدة .. اطفي العربية و اشغلها ساعات تتحل المشكلة و ساعات لأ و حتى لو زبطت ما فيش دقايق و ترجع تاني .. حد عنده فكرة عن المشكلة دي
الف مبروك يا استاذ مينا العربية وربنا يباركلك فيها
مبروك لكل من اشترى توليدو وانا كمان اشتريتها بصراحه مش ناقصها حاجه وانا ما جربتهاش على سراعات عاليه مشيت 100 كم مبحبش الجرى ومحكتش فى ولا مطب بالرغم من ان المنطقه اللى انا ساكن فيها كلها مطبات وعاليه الحمد لله اختيار ان شاء الله ناجح بس عايز حد يتقولى نور الطبلوه بالنهار بيبقى منور ولا طافى لان انا مش عارف بحس انه طافى وانت واقف ولما تتحرك يبدا ينور هل ده صحيح ارجو الرد
العداد عليه سنسور كان معايه كده ف بولو 2011 كل ميكون ف اضاءه نوره يزيد علشان بفضل ارقامه واضحه
وبليل بيطفي علشان ينبهك انك تنور المفتاح
عربيات تحفه والله